Tag: ایل پی جی

ملک میں تیل اور گیس کی قیمتوں کا تعین کرنے والے ادارے آئل اینڈ گیس ریگولیٹری اتھارٹی (اوگرا) نے ایل پی جی کی نئی قیمت کا اعلان کر دیا ہے۔

اے آر وائی نیوز کے مطابق اوگرا نے مائع پٹرولیم گیس (ایل پی جی) کی قیمت میں کمی کا اعلان کیا ہے اور فی کلو 7 روپے 43 پیسے کمی کر دی گئی ہے۔

اوگرا کی جانب سے قیمت میں کمی کا نوٹیفکیشن بھی جاری کر دیا گیا ہے۔ فی کلو 7 روپے 43 پیسے کمی کے بعد ایل پی جی کی نئی قیمت 240.53 سے کم ہو کر 233.10 روپے ہو گئی ہے۔

اوگرا نے گھریلو سلنڈر کی نئی قیمت 2838.31 سے کم ہو کر 2750.60 مقرر کی ہے۔ ایل پی جی کی قیمتوں میں کمی سے گھریلو صارفین کو سلنڈر پر 87 روپے 71 پیسے کا فائدہ ہوگا۔

ایل پی جی کی قیمت میں کمی کا سلسلہ کئی ماہ سے جاری ہے اور رواں برس ایل پی جی کی فی کلو قیمت میں کمی کا سلسلہ جاری ہے اور چند ماہ کے دوران مجموعی طور پر تقریباً 21 روپے سے زائد کی کمی ہو چکی ہے۔

واضح رہے کہ اوگرا نے گزشتہ روز گیس کی قیمتوں میں اضافے کا نوٹیفکیشن بھی جاری کیا تھا۔

نوٹیفکیشن کے مطابق بلک صارفین، پاور سیکٹر اور انڈسٹری کے لیے گیس کی قیمتوں میں اضافہ کیا گیا تھا۔ گھریلو صارفین کے لیے گیس کی قیمت تو نہیں بڑھائی گئی تاہم فکسڈ چارجز میں 100 فیصد تک اضافہ کر دیا گیا۔

https://urdu.arynews.tv/big-increase-in-gas-fixed-charges/

اوگرا نے لیکوئیڈ پٹرولیم گیس (ایل پی جی) کی ماہ مئی کے لیے قیمت کا تعین کر دیا ہے اور اس حوالے سے نوٹیفکیشن بھی جاری کر دیا گیا ہے۔

اے آر وائی نیوز کے مطابق اوگرا نے ایل پی جی کی قیمت میں ماہ مئی کے لیے 3 روپے 20 پیسے فی کلو کمی کر دی ہے جس کے بعد نئی قیمت 245 روپے 16 پیسے فی کلو ہو گئی ہے۔

اس کمی کے بعد گھریلو سلنڈر 37 روپے 80 پیسے سستا کر دیا گیا ہے اور نئی قیمت 2892 روپے 91 پیسے مقرر کی گئی ہے۔ اپریل میں گھریلو سلنڈر کی قیمت 2930 روپے 71 پیسے تھی۔

اوگرا نے ایل پی جی کی نئی قیمت کا نوٹیفکیشن بھی جاری کر دیا ہے۔نئی قیمت کا اطلاق آج رات 12 بجے سے ہوگا۔

واضح رہے کہ آج حکومت نے اگلے 15 دن کے لیے پٹرولیم مصنوعات کی قیمتوں کا بھی اعلان کرنا ہے۔

اس وقت پٹرول کی موجودہ قیمت پٹرول 254.63 فی لیٹر، جبکہ ہائی اسپیڈ ڈیزل 258.64 فی لیٹر ہے۔

عالمی سطح پر خام تیل کی قیمتوں کمی ریکارڈ کی گئی ہے، جس کے بعد مہنگائی سے متاثرہ پاکستانیوں کو پٹرول کی قیمت میں ریلیف ملنے توقع ہے۔

عالمی سطح پر، برینٹ کروڈ کی قیمت 64 ڈالر فی بیرل کے لگ بھگ ہوگئی ہے جبکہ امریکی کروڈ آئل کی قیمت 60 ڈالر فی بیرل کی سطح پر آگئی ہے۔