Tag: ایل پی جی

کراچی: یکم ستمبر سے ایل پی جی قیمت میں دو روپے پچاس پیسے اضافہ ہو جائے گا، ای وی ٹی ایل ٹرمینل نے بھی پورٹ اسٹوریج کے چارجز میں بھی سات ڈالر کا اضافہ کر دیا ہے۔

پاکستان ایل پی جی ڈسٹری بیوٹرز ایسوسی ایشن کے مطابق بین الاقوامی مارکیٹ میں ایل پی جی کی فی ٹن24 ڈالر کے اضافہ سے312.50 ڈالر ہو گئی جسکے بعد پاکستان میں درآمدہ ایل پی جی کی فی ٹن قیمت2520 روپے بڑ ھ گئی ہے۔

اس اضافہ کے نتیجے میں درآمدہ ایل پی جی کی فی کلو گرام قیمت ڈھائی روپے ،گھریلوسلینڈر کی قیمت30 روپے اور فی کمرشل لینڈر کی قیمت115 روپے بڑھ گئی ہے۔

ایل پی جی ڈسٹری بیوٹرز ایسوسی ایشن نے وفاقی حکومت اور آئل اینڈ گیس ریگولیٹری اتھارٹی سے مطالبہ کیا کہ وہ مقامی پروڈیوسرز کو کنٹریکٹ پرائس کے تناسب سے ایل پی جی کی قیمت نہ بڑھانے کے احکامات جاری کریں۔

ایل پی جی ایسوسی ایشن کا کہناہے کہ کراچی پورٹ پر ای وی ٹی ایل ٹرمینل نے بھی امپورٹ گیس کی سٹوریج پر نا جائز اضافہ کر دیا۔

ای وی ٹی ایل نے چارجز 25ڈالر فی ٹن سے بڑھا کر 32 ڈالر فی میٹرک ٹن کر دیے ہیں۔ جس ست ایل پی جی کی قیمت میں دو روپے مزید اضافہ ہو جائے گا۔

کراچی: پارکو ریفائنری نے ایل پی جی کی قیمت میں پانچ روپے کمی کر دی۔

پاکستان ایل پی جی ڈسٹری بیوٹرز ایسوسی ایشن کے چیئرمین عبدالہادی خان کا کہنا ہے کہ ایل پی جی کی فی کلو قیمت5 روپے ،گھریلو سلینڈر کی قیمت60 روپے اور کمرشل سلینڈر کی قیمت227 روپے کم ہوگئی ہے۔

ان کا کہنا تھا کہ دیگر پروڈیوسرزبھی ایل پی جی انڈسٹری کی بقا کے لیے قیمت میں فور اً کمی کریں کیونکہ گزشہ ایک سال سے مقامی طور پر پیدا ہونے والی ایل پی جی کی قیمتوں میں خاطرخواہ کمی نہیں کی گئی۔

کراچی: اوگرا کے نوٹی فیکیشن کے بغیر مارکیٹنگ کمپنیوں نے ایل پی جی کی فی کلو قیمت میں پانچ روپے اضافہ کردیا۔

مارکیٹنگ کمپنیوں کی جانب سے ایل پی جی کی قیمت میں اضافے کے بعد گھریلو سلینڈر کی قیمت 60 روپے جبکہ کمرشل سلینڈر کی قیمت 240 روپے مہنگی ہو گئی ہے ۔

ایل پی جی ڈسٹری بیوٹرز کا کہنا ہے کہ اوگرا کی جانب سے ایل پی جی کی قیمتوں میں اضافے نوٹی فیکیشن جاری نہیں کیا گیا۔

قیمتوں میں اضافے کے بعد کراچی میں فی کلو ایل پی جی 90 روپے ،لاہور، گوجرانوالہ اور فیصل آباد میں قیمت 95 روپے ، اٹک میں قیمت 100 روپے، آزاد کشمیر میں 105، فاٹا میں 115 جبکہ گلگت بلتستان میں فی کلو ایل پی جی 125روپے ہو گئی ہے ۔

کراچی : ایل پی جی پروڈیوسرز ایسوسی ایشن نے ایل پی جی پانچ روپے فی کلو گرام مہنگی کر دی ہے۔

ایل پی جی پروڈیوسرز ایسوسی ایشن کے مطابق سوئی سدرن کی جانب سے نرخوں میں اضافے کے بعد ایل پی جی کی لاہور میں قیمت 90 روپے فی کلو گرام ہو گی۔

 گھریلو سلنڈر 60 روپے اور کمرشل 240 روپے مہنگا ہو جائے گا،کراچی میں ایل پی جی کی قیمت 85 روپے فی کلوگرام ہو گی۔

کراچی: ایل پی جی مارکیٹنگ کمپنیوں نے ایل پی جی کی قیمت میں 5 روپے فی کلو، 30سے 40روپے گھریلو سلنڈر ، 120 سے 160 روپے کمرشل سلنڈر کی قیمت میں اضافہ کر دیا۔

 ایل پی جی ڈسٹری بیوٹرز ایسوسی ایشن کے چئیرمین عرفان کھوکھر کا کہنا تھا کہ لوکل مارکیٹ میں پیٹرول کی قیمت کم ہونے ایل پی جی کی کھپت میں کمی ہوئی ۔

 عرفان کھوکھر نے کہا ہے کہ رمضان المبارک سے قبل ایل پی جی کی بلیک مارکیٹنگ کا امکان ہے، آئندہ ہفتے قیمتوں میں مزید اضافہ ہو گا۔

ایل پی جی قیمتوں میں اضافے کے بعد کراچی 80روپے فی کلو، 910روپے گھریلو سلنڈر، لاہور،85روپے فی کلو، 970روپے گھریلو سلنڈر جبکہ راولپنڈی ، اسلام آباد، ٓآزادکشمیر 100روپے فی کلو، 1150روپے گھریلو سلنڈر۔ گلگت بلتستان، مری، 110روپے کلو، 1270روپے گھریلو سلنڈرکی قیمت مقرر کر دی گئی ہے۔