Tag: ایل پی جی

کراچی: ایل پی جی کمپنیوں کی بلیک مارکیٹنگ عروج پر پہنچ گئی۔رواں ماہ قیمتوں میں چوتھی بار اضافہ ایل پی جی پندرہ دن میں سو روپےفی کلو مہنگی کردی گئی۔

ملک بھرمیں جاری گیس بحران کا فائدہ اٹھاتے ہوئے رواں ماہ ایل پی جی کی قیمتوں میں چوتھی بار اضافہ کردیاگیا ہے،ایل پی جی ڈسٹری بیوٹرز ایسوسی ایشن کے چئیرمین عرفان کھوکھرکے مطابق ایل پی جی کمپنیاں یومیہ 5کروڑ روپےناجائز منافع کمارہی ہیں جبکہ اُنہیں ریگولیٹ کرنےوالی اُوگراکریک ڈائون کے زبانی دعووں کےساتھ مکمل خاموش تماشائی بنی ہوئی ہے۔

ایل پی جی کی قیمت میں ایک مرتبہ پھر 20 سے 50 روپے فی کلو کا من مانا اضافہ کردیا گیا ہے،دو ہفتوں میں ایل پی جی 100روپےفی کلومہنگی کی جاچکی ہے، اُوگرا نےایل پی جی کی قیمت95روپےفی کلو مقررکررکھی ہےتاہم بڑےشہروں میں ایل پی جی 140تا170روپےفی کلو فروخت کی جارہی ہےجبکہ سرد ترین علاقوں میں ایل پی جی کی قیمت دو سو روپےفی کلو سےتجاوزکرگئی ہے۔

کراچی: مارکیٹنگ کمپنوں کی جانب سے ایل پی جی کی فی کلو قیمت میں بیس روپے کا اضافہ کردیاہے، قیمتوں میں اضافے کے بعد گھریلو سلنڈر ڈھائی سو جبکہ کمرشل سلنڈر ایک ہزار روپے مہنگا ہوگیا۔

مائع پیٹرولیم گیس کے نرخ بیس روپے فی کلو گرام اضافے کےبعد گھریلو استعمال کا سلنڈر کی قیمت اٹھاروہ سو ستر روپے تک پہنچ گئی ہے۔

ایل پی جی ڈسٹربیوٹرز ایسوسی ایشن کے چئرمین عرفان کھوکھر کے مطابق بین الاقو امی مارکیٹ میں ایل پی جی کی قیمت پانچ سو تریسٹھ ڈالرفی ٹن ہے جبکہ مقامی قیمت، ہزار روپے فی ٹن ہے۔

 عرفان کھوکھر کے مطابق اوگرا کے قانون اور ایل پی جی پالیسی کے مطابق گیس کی قیمت پچانوئے روپے فی کلو ہونی چاہئے۔

کراچی: ایل پی جی کی قیمت میں پچیس روپے فی کلو کمی کر دی گئی ہے جس کے بعد لاہور میں ایل پی جی کی قیمت ایک سو بیس روپے فی کلو ہوگئی ہے ۔

ایل پی جی کی قیمت میں پچیس روپے فی کلو کمی کے بعد گھریلو سلنڈر میں تین سو اور کمرشل سلنڈر پر بارہ سو روپے کمی ہوگی، ایل پی جی ایسوسی ایشن نے دھمکی دی تھی کہ اگر قمیتوں میں کمی نہ گئی تو وہ ہڑتال کرینگے ، ایل پی جی کی قیمت میں پچیس روپے فی کلو کی کمی کے بعد ایل پی جی ایسوسی ایشن نے ہڑتال کا فیصلہ واپس لے لیا،  چیئرمین اوگرا نے متعدد کمپنیوں کو قمیتوں میں بے جا اضافہ کرنے پر جرمانہ بھی کیا اور آئندہ قمیتوں میں آضافہ نہ کرنے کی یقین دہانی بھی ایل پی جی ایسوسی ایشن کو کرائی گئی ہے۔

کراچی: ایل پی جی مارکیٹنگ کمپنیوں کی جانب سے ایک بار پھرایل پی جی کی قیمت میں دس روپے فی کلوکا اضافہ کر دیا گیا ہے۔

ایل پی جی ڈسٹری بیوٹرزایسوسی ایشن کے صدرعرفان کھوکھرکے مطابق مارکیٹنگ کمپنیاں بلیک مارکیٹنگ کررہی ہیں، گزشتہ چھ دنوں میں ایل پی جی کی قیمتوں میں پچیس روپے تک کا اضافہ کیا گیا ہے۔

عرفان کھوکھر کے مطابق کراچی میں ایل پی جی کی قیمت ایک سو پندرہ روپے، لاہور، گوجرانوالہ، گجرات، فیصل آباد اور سیالکوٹ میں ایک سو چالیس روپے راولپنڈی اور اسلام آباد میں ایک سو ساٹھ روپے جبکہ میرپور، ملتان، بہاولپور، ڈی جی خان، پشاور، کوہاٹ اور بنوں میں ایل پی جی ایک سو پینتالیس روپے فی کلوگرام فروخت ہورہی ہے۔

کراچی: ایل پی جی پروڈیوسرز نے حکومت کی رٹ چوبیس گھنٹے میں دوبارہ چیلنج کرتے ہوئے دوسری بارپانچ روپے فی کلو گرام اضافہ کر دیا ہے۔

ایل پی جی مافیا نے ایک بار پھراوگرا کے احکامات کو بالائے طاق رکھتے ہوئے ایل پی جی کی قیمت میں چوبیس گھنٹے میں دوسری بار پانچ روپے فی کلو گرام اضافہ کر دیا ہے،ایل پی جی ڈیسٹری بیوٹرزایسوسی ایشن کے چیرمین عرفان کھوکھر کے مطابق اوگرا کے نوٹیفیکیشن کے بغیر ہی ایل پی جی پروڈیوسرز نے ایل پی جی کی فی کلو قیمت میں دو دن میں پندرہ روپے کااضافہ کردیا ہے۔

حالیہ اضافے کے بعد لاہور،گوجرانوالہ،فیصل آباد ،حیدرآباد میں ایل پی جی کی قیمت ایک سو تیس روپے فی کلو اور کراچی میں ایک سو بیس روپے فی کلو ہوگئی ہے،جبکہ میرپور،ڈی جی خان،پشاور میں گھریلوسلنڈر کی قیمت پندرہ سوساٹھ رو پے ہوگئی ہے اور گھریلو ایل پی جی سلنڈر کی قیمت میں بھی ساٹھ اور کمرشل سیلنڈر میں دو سو چالیس روپے کا اضافہ ہوا ہے۔

کراچی: ایل پی جی پروڈیوسرز نے حکومت کی رٹ کو ایک بار پھر بالائے طاق رکھتے ہوئے ایل پی جی کی قیمتمیں دس روپے فی کلو کا اضافہ کردیا ہے۔

ایل پی جی ڈیسٹری بیوٹرزایسوسی ایشن کے چیرمین عرفان کھوکھر کے مطابق اوگرا کے نوٹیفیکیشن کے بغیر ہی ایل پی جی پروڈیوسرز نے ایل پی جی کی فی کلو قیمت میں دس روپے کااضافہ کردیا ہے،جبکہ بین الاقوامی مارکیٹ میں حالیہ دنوں میں ایل پی کی قیمت پچیس ڈالر فی ٹن کم ہوئی ہے اور اس وجہ سے ایل پی جی قیمت مین تین روپے فی کلو کمی ہونی چاہیے تھی۔

حالیہ اضافے کے بعد لاہور،گوجرانوالہ،فیصل آباد ،حیدرآباد میں ایل پی جی کی قیمت ایک سو پچیس روپےفی کلو اور کراچی میں ایک سو پندرہ روپے فی کلو ہوگئی ہے۔ جبکہ میرپور،ڈی جی خان،پشاور میں گھریلوسلنڈر کی قیمت پندرہ سو دس روپےہوگئی ہے اور گھریلو ایل پی جی سلنڈر کی قیمت میں بھی سو روپے کا اضافہ ہوا ہے۔