Tag: ایل پی جی
-
ایل پی جی آٹو گیس اسٹیشنز لگانےکی پالیسی میں نرمی کی سفارشات تیار
ایل پی جی کے اسٹیشنز کا قیام حکومت اور اسٹیک ہولڈرز کااجلاس جمعے کو اسلام آباد میں ہوگا انڈسٹری ذرائع کے مطابق ملک میں ایل پی جی آٹو گیس اسٹیشنز لگانےکی پالیسی میں نرمی کی سفارشات تیارکرلی گئی ہیں۔حکومت عوام کو پیٹرول سے کم قیمت متبادل ایندھن کی باآسانی دستیابی پر کام کررہی ہے،جس کیلئےایل پی جی کوچنا گیا ہے۔
وزیرپیٹرولیم شاہد خاقان عباسی نےتین جنوری کو اسلام آباد میں اہم اجلاس طلب کرلیا ہے۔اجلاس میں چئیرمین اُوگرا سعید احمد خان،ایل پی جی مارکیٹنگ کمپنیز ایسوسی ایشن کے چئیرمین اقبال زیڈ احمد اور چئیرمین ایل پی جی ڈسٹری بیوٹرز ایسوسی ایشن کو شرکت کیلئے بلایا گیا ہے۔
ذرائع کےمطابق مقامی اورانٹرنیشنل ایل پی جی کی قیمتوں میں فرق کوبنیاد بناکرڈسٹری بیوٹرزایسوسی ایشن ایل پی جی کی قیمت میں مزید 20 روپے فی کلو کمی کا فارمولہ اجلاس میں پیش کرے گی جبکہ مارکیٹنگ کمپنیز اس کی مزاحمت کریں گی۔ ڈسٹری بیوٹرز کے رہنما عرفان کھوکھر کا کہنا ہے کہ ایل پی جی کو پیٹرول سے 50 فیصد سستا ایندھن بنانے کی سفارشات تیارکرلیں ہیں۔
-
وزیراعظم نے پیٹرولیم مصنوعات کی قیمتوں میں اضافے کی سمری مسترد کردی
نئےسال کا آغازعوام کیلئےدوخوشخبریوں کےساتھ ہوگا، وزیراعظم کا تیل مصنوعات مہنگی کرنے سےانکار، سخت سردی میں ایل پی جی بیس روپےفی کلوسستی ہوگئی۔
نئے سال پر اس بار ہورہا ہے ماضی سے کچھ ہٹ کر، مہنگائی سے تنگ عوام کو نئےسال پر ملی ہیں دوبڑی خوشخبریاں، پہلی خوشخبری یہ ہے کہ یکم جنوری سے پیٹرولیم مصنوعات کی قیمتوں میں تجویز کیا جانے والا اضافہ اب نہیں ہوگا، وزیر خزانہ اسحاق ڈار کے مطابق جنوری میں پیٹرولیم مصنوعات کی موجودہ قیمتیں برقرار رہیں گی۔
کیونکہ وزیراعظم نواز شریف نے قیمتوں میں اضافے کی سمری مسترد کردی ہے، ادھرپہلی بارسخت سردی کے موسم میں ہوئی ہے ایل پی جی سستی، وہ بھی ایک دو نہیں پورے بیس روپے فی کلو سستی، وجہ ہے انٹرنیشنل مارکیٹ میں ایل پی جی کی قیمتوں کا نیچے آنا اور پاکستان میں ایل پی جی مافیا کی اجارہ داری کا ختم ہونا۔
اس کمی سے پہاڑی اور شمالی علاقوں کو چھوڑ کر ملک بھر میں ایل پی جی کی قیمت آگئی ہے سو روپے فی کلو پر، جبکہ پہاڑی علاقوں میں ایل پی جی دستیاب ہوگی ایک سو پچیس سے 130 روپے فی کلو میں، ایل پی جی ڈسٹری بیوٹرز ایسوسی ایشن کے مطابق نئی قیمتوں کا اطلاق فوری طورسے ہوگا۔
-
نئے سال کا تحفہ ایل پی جی کی قیمت میں 20روپے فی کلو تک کمی
صارفین کے لیے نئے سال کا تحفہ ایل پی جی کی قیمت میں 20روپے فی کلو تک کمی کر دی گئی ہے، ایل پی جی ڈسٹری بیوٹرز ایسوسی ایشن کے چئیرمین عرفان کھوکھر کا کہنا ہے کہ بین الاقوامی مارکیٹ میں ایل پی جی کی قیمت 159ڈالر فی میٹرک ٹن کمی کے بعد مقامی مارکیٹ کی قیمت میں 20000روپے تک کمی ہو ئی ہے ۔
جس کے بعد ایل پی جی کے گھریلو سلنڈرمیں دو سو پینتیس اورکمرشل سلنڈر میں905روپے کمی ہوگئی، عرفان کھوکھر کا کہنا تھا کہ نئی قیمتوں کا اطلاق منگل سے کیا جائے گا، اوگرا قانون کے مطابق قیمتوں میں کمی نہ کرنے والی کمپنیوں کے خلاف سخت کاروائی کی جائے گی، پاکستان کی تاریخ میں پہلی باردسمبرکے ماہ میں قیمت میں مسلسل کمی ہونا حکومت کی بہتر حکمت عملیکا ثبوت ہے۔
