Tag: ایمل ولی خان

سینیٹ کی قائمہ کمیٹی اجلاس میں چیئرمین پی ٹی اے حفیظ الرحمان نے اے این پی سربراہ سینیٹر ایمل ولی خان پر نشہ کرنے کا الزام عائد کر دیا۔

اے آر وائی نیوز کے مطابق سینیٹ کی قائمہ کمیٹی کے اجلاس میں چیئرمین پی ٹی آئی اور اے این پی کے سینیٹر ایمل ولی خان میں اس وقت جھڑپ ہو گئی جب چیئرمین پی ٹی اے نے ایمل ولی پر نشہ کرنے کا الزام لگایا اور طنزیہ کہا کہ مجھے بھی چرس کا سگریٹ دیں۔

چیئرمین پی ٹی اے کے اس طنز پر ایمل ولی خان بھڑک اٹھے اور کہا کہ آپ کو کیا تکلیف ہے۔

ایمل ولی خان نے برہمی کا اظہار کرتے ہوئے کہا کہ سرکاری ملازم مجھے کیسے کہہ سکتا ہے کہ تم نشہ کر کے آئے ہو۔ سرکاری افسر کا یہ انداز بالکل قابل قبول نہیں۔ آپ کو یہ جرات کس نے دی ہے کہ ایسے بات کریں۔

اس موقع پر چئیرمین پی ٹی اے حفیظ الرحمان نے کہا کہ مجھ سے غلطی ہو گئی ہے اور وہ بار بار ایمل ولی خان نے معافی مانگتے رہے تاہم ایمل ولی نے جواباً کہا کہ آپ چرس اور شراب پیتے ہیں تو ایسی باتیں کیا کریں۔

ایمل ولی خان نے قامہ کمیٹی سے چیئرمین پی ٹی اے کے خلاف کارروائی کا مطالبہ کرتے ہوئے کہا کہ اجلاس میں اب میں رہوں گا یا یہ رہیں گے، جس کے بعد چیئرمین پی ٹی اے حفیظ الرحمان کو اجلاس چھوڑ کر جانا پڑا۔

چیئرمین قائمہ کمیٹی آغا شاہ زیب نے چیئرمین پی ٹی اے کے رویہ کی مذمت کرتے ہوئے کہا کہ انہوں نے سینیٹر ایمل ولی کی ہی نہیں بلکہ قائمہ کمیٹی کی توہین کی ہے۔

انہوں نے چیئرمین پی ٹی اے کی بدتمیزی کا معاملہ وزیراعظم کے سامنے اٹھانے کا فیصلہ کرتے ہوئے قائمہ کمیٹی کے سیکریٹری آئی ٹی کو بھی اس کا نوٹس لینے کی ہدایت کی۔

کراچی: صدرعوامی نیشنل پارٹی ایمل ولی خان نے خبردار کیا ہے کہ پختونوں کیساتھ رویہ ٹھیک نہ ہوا تو پورا پاکستان بند کرکےدکھائیں گے۔

تفصیلات کے مطابق سربراہ عوامی نیشنل پارٹی ایمل ولی خان کا کراچی میں جلسے سے خطاب کہا کہ کراچی سب کاشہرہےکوئی کہےکہ صرف ان کاحق ہےتوغلط ہے، کراچی شہرسےکوئی قوم ختم نہیں ہوسکتی، آصف زرداری ،بلاول سے گزارش ہے پختونوں کے سر پر شفقت کا ہاتھ رکھیں۔

ایمل ولی کا کہنا تھا کہ کراچی کی چابی پختونوں کے پاس ہے، رویہ ٹھیک نہ ہواتو کراچی،پنڈی،اسلام آباد،لاہور بندکرکےدکھائیں گے

انھوں نے کہا کہ 2013میں سب انتخاب لڑرہےتھےہم لاشیں اٹھارہےتھے، اس بارعوام کےمینڈیٹ کوبیچ کرلوگوں کواسمبلی میں بٹھایاگیا، حکومت سےتوقع نہیں کہ وہ آزاد ہوں گےکیونکہ انہیں حکومت ملی ہے۔

سربراہ عوامی نیشنل پارٹی کا کہنا تھا کہ ہمیں ٹی وی کے ذریعے طعنہ دیاجاتاہے وسائل جہیزمیں ملےہیں، خیبرپختونخوامیں قدرتی وسائل پرحق بھی وہاں کےعوام کاہے، ہم نےاپنےسرکی قربانیاں دےکرامن کانعرہ دیاہے، کوئی توقع نہ رکھےکہ ہم جمہوریت کیخلاف کھڑے ہوں گے۔

انھوں نے خبردار کیا کہ پختونوں کیساتھ سلوک ٹھیک نہیں رکھیں گے تو کراچی نہیں چل سکےگا، پختون جب بھی حق کے لیے اٹھیں گے تو سب بند ہو جائے گا۔

اے این پی کے سربراہ نے کہا کہ ریاست پختونوں کےساتھ نارواسلوک نہ کرے ، پورا پاکستان بند کرسکتے ہیں چابی میرے ورکرکے ہاتھ میں ہیں۔

پشاور : عوامی نیشنل پارٹی نے بھی آئینی عدالت کی حمایت کا اعلان کردیا ، صدرایمل ولی خان نے کہا کہ ایسی عدالت ہونی چاہیےجس میں سب کی نمائندگی ہو۔

تفصیلات کے مطابق عوامی نیشنل پارٹی ( اے این پی ) کے صدر ایمل ولی خان نے کراچی پریس کلب میں خطاب کرتے ہوئے کہا کہ 3سال کیلئےمدت ملازمت میں توسیع کی بات ہورہی ہے، ذاتی طورپرایسی توسیع نہیں چاہتا لیکن ملکی ساکھ کیلئے ضروری ہے۔

ایمل ولی کا کہنا تھا کہ آئینی عدالت کےحامی ہیں،میں نےہی تجویزدی تھی، ایسی عدالت ہونی چاہیےجس میں سب کی نمائندگی ہو۔

 

View this post on Instagram

 

A post shared by ARY News (@arynewstv)

ان کا کہنا تھا کہ آدھےسےزیادہ خیبرپختونخوامیں پولیس کی رٹ نہیں ہے، خیبرپختونخوامیں جوآگ لگی ہےاس کےبھیانک نتائج آئیں گے۔

عوامی نیشنل پارٹی کے صدر نے مزید کہا کہ اے این پی حکومت کاحصہ ہےنہ اپوزیشن میں شامل ہے، عوامی رائے کی قدرنہیں ہوگی توحکومت اوراپوزیشن دونوں جعلی ہیں۔

پشاور : عوامی نیشنل پارٹی ( اے این پی) کے رہنما ایمل ولی خان نے عام انتخابات کے نتائج مسترد کرتے ہوئے خیبرپختونخوا کے تمام انتخابی حلقے کھولنے کا مطالبہ کردیا۔

تفصیلات کے مطابق عوامی نیشنل پارٹی ( اے این پی) نے خیبرپختونخوا کے تمام انتخابی حلقے کھولنے کا مطالبہ کردیا۔

اے این پی کے رہنما ایمل ولی خان نے کہا ہے ان تمام حلقوں کوکھولا جائے جہاں اےاین پی امیدوار دوسرے نمبر پر رہے، عام انتخابات کے نتائج مسترد کرتے ہیں۔

ایمل ولی خان کا کہنا تھا کہ الیکشن بدترین تھے، نتائج روز اول سے واضح تھے، پہلے سے اعلان کیا جا رہا تھا کہ وزیراعلیٰ کون ہوگا۔

انھوں نے مزید کہا کہ کٹھ پتلی وزیراعلیٰ لانے کیلئے تمام پارٹی رہنماؤں کو پارلیمان سے باہر رکھا گیا، گونگے بہروں کو اسمبلی پہنچا دیا تاکہ کے پی کیلئے کوئی بات نہ کر سکے۔