کراچی: پاکستان ٹی وی انڈسٹری کی نامور اداکارہ ایمن خان نے اپنے قد پر تنقید کرنے والی صارف کو کرارا جواب دے دیا۔
تفصیلات کے مطابق سوشل میڈیا کی ویب سائٹ انسٹاگرام پر خاتون صارف نے ایمن خان کی تصویر پر کمنٹ کرتے ہوئے کہا کہ وہ اپنے چھوٹے قد کے حوالے سے کچھ کریں۔
اداکارہ نے صارف کے اس کمنٹ پر کرارا جواب دیتے ہوئے کہا کہ وہ انہیں چھوٹے قد کے حوالے سے کچھ ٹوٹکے بھیجیں۔ایمن خان نے مزید کہا کہ یقیناََ آپ کی والدہ کو تو ساری ٹوٹکے پتہ ہی ہوں گے۔
معروف اداکارہ ایمن خان سوشل میڈیا کی ویب سائٹ انسٹاگرام پر کافی فعال رہتی ہیں۔انسٹاگرام پر ان کے فالوورز کی تعداد 70 لاکھ ہے۔
معروف اداکارہ کے کیریئر پر نظر ڈالی جائے تو اداکارہ نے 2012 میں اپنے کیریئر کا آغاز کیا۔ایمن خان نے اے آروائی ڈیجیٹل کے ڈرامہ ‘بے دردی’ میں اپنی شاندار اداکاری سے ناظرین کے دل جیت لیے۔
کراچی: پاکستانی ڈرامہ انڈسٹری کی معروف اداکارہ ایمن خان نے انسٹاگرام پر فالوورز کی تعداد کا ریکارڈ بناتے ہوئے ماہرہ خان کو پیچھے چھوڑ دیا۔
تفصیلات کے مطابق اداکارہ ماہرہ خان انسٹاگرام پر سب سے زیادہ فالوورز رکھنے کی فہرست میں ٹاپ پر تھیں تاہم اداکارہ ایمن خان نے ماہرہ خان سے یہ اعزاز چھینتے ہوئے انہیں پیچھے چھوڑ دیا۔
ایمن خان کے انسٹاگرام پر فالوورز کی تعداد 5.9 ملین یعنی 59 لاکھ ہوگئی ہے جس کے بعد ایمن خان پاکستان کی سب سے زیادہ انسٹاگرام فالوورز رکھنے والی شخصیت بن گئیں۔
اس سے قبل اداکارہ ماہرہ خان 58 لاکھ فالوورز کے ساتھ ٹاپ پر تھیں جو اب دوسرے نمبر پر آگئی ہیں۔
اداکارہ ایمن خان نے انسٹاگرام پر 5.9 ملین فالوورز ہونے پر اپنی بیٹی امل خان کے ساتھ تصویر شیئر کی اور مداحوں کا شکریہ ادا کیا۔
A post shared by AIMAN MUNEEB (@aimankhan.official) on
ایمن خان اور ماہرہ خان کے بعد تیسرے نمبر پر اداکارہ سجل علی اور عائزہ خان کے فالوورز کی تعداد سب سے زیادہ ہے دونوں کے انسٹاگرام پر 5.4 ملین فالوورز ہیں۔
اداکارہ ایمن کے علاوہ ان کی جڑواں بہن اداکارہ منال خان بھی اس دوڑ میں زیادہ پیچھے نہیں، انسٹاگرام پر ان کے فالوورز کی تعداد اب تک 49 لاکھ ہوچکی ہے۔
انسٹاگرام پر سب سے زیادہ فالو کیے جانے پر ایمن خان کے شوہر اداکار منیب بٹ نے انہیں مبارکباد بھی دی۔
کراچی: معروف پاکستانی اداکارہ ایمن خان اور اداکار منیب بٹ کی ننھی پری امل کی تصویر وائرل ہوگئی۔
تفصیلات کے مطابق پاکستانی ڈرامہ انڈسٹری کے معروف اداکار منیب بٹ اور اداکارہ ایمن خان کی بیٹی امل خان کی تصویر شیئر ہوتے ہی سوشل میڈیا پر وائرل ہوگئی، تصویر میں دیکھا جاسکتا ہے کہ ننھی پری اپنی والدہ ایمن کو دیکھ رہی ہیں۔
تصویر میں دیکھا جاسکتا ہے کہ ایمن خان اسپتال میں اپنی بیٹی کو گود میں اٹھائے ہوئی ہیں، ایک اور تصویر میں ننھی امل کے ساتھ والد منیب بٹ بھی خوشگوار موڈ میں دکھائی دے رہے ہیں۔
سوشل میڈیا پر تصویر وائرل ہونے کے بعد دونوں فنکاروں کے مداحوں کی جانب سے انہیں مبارکباد دینے اور امل کے لیے دعاؤں کا سلسلہ جاری ہے۔
واضح رہے کہ 30 اگست کو منیبٹ بٹ نے اپنے سوشل میڈیا انسٹاگرام اکاؤنٹ سے ننھی پری کی آمد کی خوشخبری دی تھی اور کہا تھا کہ انہیں اللہ تعالیٰ نے رحمت سے نوازا ہے اور اس وقت ان کے پاس جذبات کو بیان کرنے کے لیے الفاظ نہیں ہیں۔
ننھی پری کی آمد کی اطلاع دینے کے ساتھ ساتھ منیب بٹ نے بیٹی کا نامل امل بھی بتایا تھا۔
بعدازاں منیب نے ایک تصویر شیئر کی تھی جس میں امل کو گود میں اٹھائے ہوئے تھے لیکن امل کا چہرہ نظر نہیں آرہا تھا تاہم اب منظر عام پر آنے والی تصویر میں ننھی پری کا چہرہ واضح طور پر دیکھا جاسکتا ہے۔
یاد رہے کہ ایمن خان اور منیب بٹ گزشتہ برس رشتہ ازدواج میں منسلک ہوئے تھے، ان کی شادی کی رسومات طویل ترین ہونے کی وجہ سے ان کو مداحوں کی جانب سے تنقید کا نشانہ بنایا گیا تھا۔
کراچی: پاکستانی معروف اداکار منیب بٹ اور اداکارہ ایمن خان کے ہاں ننھی پری کی آمد ہوئی ہے۔
تفصیلات کے مطابق اداکار منیب بٹ نے سماجی رابطے کی ویب سائٹ انسٹاگرام پر بیٹی کی پیدائش کی اطلاع دیتے ہوئے کہا کہ میرے پاس الفاظ نہیں ہیں کہ میں اپنے جذبات کا اظہار کس طرح کروں۔
منیب بٹ نے لکھا کہ اللہ نے مجھے رحمت خدا میری بیٹی دی ہے، ننھی پری امل منیب میرے ہاتھوں میں ہے۔
بیٹی کی پیدائش پر ایمن اور منیب کو مداحوں اور شوبز شخصیات کی جانب سے مبارک باد دی جارہی ہے، تاہم دونوں نے اب تک بیٹی کی تصویر جاری نہیں کی ہے جس کا مداحوں کو بے صبری سے انتظار ہے۔
اس سے قبل 6 اگست کو ایمن خان نے ایک نجی تقریب میں اپنی فیملی اور قریبی دوستوں کے ہمراہ بے بی شاور کا اہتمام کیا تھا جس کی تصاویر سوشل میڈیا پر وائرل ہوگئی تھیں۔
کراچی: معروف پاکستانی اداکار منیب بٹ نے کہا ہے کہ اداکارہ منال خان کے ساتھ کبھی کام نہیں کرسکتا کیونکہ لوگوں کو پتا ہی نہیں چلے گا کہ یہ ایمن ہے یا منال خان ہے۔
تفصیلات کے مطابق معروف اداکار منیب بٹ نے اے آر وائی نیوز کے پروگرام ’ہر لمحہ پرجوش‘ میں میزبان وسیم بادامی کے معصومانہ سوالات کے جوابات دئیے۔
منیب بٹ نے کہا کہ سوشل میڈیا پر مجھ پر تین مرتبہ تنقید کی گئی ایک واقعے پر بہت زیادہ حیران تھا، میں یورپ میں تھا اور سوشل میڈیا پر جہیز کے خلاف مہم چلائی جارہی تھی میں نے بھی اس میں حصہ لیا تو لوگوں نے تنقید شروع کردی اور کہا کہ آپ کیسے یہ بول سکتے ہو آپ نے تو اپنی شادی میں اتنا پیسہ خرچ کیا ہے۔
اداکار کا کہنا تھا کہ میں نے اپنی شادی میں جہیز نہیں لیا، میں نے خود اس پر عمل کیا پھر بھی مجھ پر لوگ
تنقید کرنے آگئے کہ آپ نے اپنی شادی میں اتنی فضول خرچی کیوں کی۔
منیب بٹ کا کہنا تھا کہ اگر کسی کے پاس پیسے نہیں ہیں تو اس باپ کو مجبور نہیں کیا جانا چاہئے کہ فلاں چیز چاہئے تاہم اگر کسی کے پاس وسائل ہیں تو وہ اپنی خوشی سے شادی میں زیادہ پیسے خرچ کرسکتا ہے۔
منیب بٹ نے کہا کہ شادی اتنی دھوم دھام سے کرنے کی ایک وجہ یہ بھی تھی کہ اہلیہ ایمن کے گھر کی پہلی شادی تھی اورمیرے گھر کی آخری شادی تھی۔
انہوں نے کہا کہ میرا فلم میں کام کرنے کا تجربہ اس لیے اچھا نہیں رہا کہ اس وقت مجھے پتا نہیں تھا کہ کس طرح کام کرنا ہے، میں انڈسٹری میں نیا نیا آیا تھا۔
سیاست کے حوالے سے سوال کا جواب دیتے ہوئے منیب بٹ نے کہا کہ عمران خان لیڈر ہیں، آصف زرداری اچھا کھیلتے ہیں جبکہ فضل الرحمان کی وہ مثال ہے کہ میں نہیں کھیلوں گا تو کوئی نہیں کھیلے گا۔
اداکار منیب بٹ نے ابھرتے ہوئے اداکار بلال عباس کو مستقبل کا فواد خان قرار دیا جبکہ میزبان و اداکار فیصل قریشی کو وزن کم کرنے کا مشورہ بھی دے دیا۔
جدہ: پاکستانی معروف اداکار منیب بٹ اور ان کی اہلیہ ایمن خان نے عمرے کی سعادت حاصل کرلی۔
تفصیلات کے مطابق پاکستانی اداکار منیب بٹ اور ان کی اہلیہ اداکارہ ایمن خان نے عمرے کی سعادت حاصل کرلی، منیب بٹ نے سماجی رابطے کی ویب سائٹ انسٹاگرام پر حرم شریف کی تصاویر شیئر کی ہیں۔
منیب بٹ نے انسٹاگرام پر لکھا کہ ’عمرہ مکمل ہوگیا، عمرے ادا کرنے کے بعد بہت خوش ہوں میرے پاس الفاظ نہیں ہیں کہ کیا کہوں، میں خانہ کعبہ کو پہلی دفعہ دیکھا، اللہ اکبر۔‘
ایمن منیب خان نے اپنے انسٹاگرام اکاؤنٹ سے عمرے کی تصویر شیئر کی اور لکھا کہ رمضان مبارک، محبت پھیلائیں نفرت نہیں۔
واضح رہے کہ منیب بٹ کے انسٹاگرام پر فالوورز کی تعداد 1.4 ملین ہے جبکہ ان کی اہلیہ ایمان خان کے مداحوں کی تعداد 3.7 ملین ہے۔
یاد رہے کہ منیب بٹ اور ایمن خان گزشتہ سال 22 نومبر کو رشتہ ازدواج میں منسلک ہوئے تھے، ان کی طویل ترین شادی کی تقریبات کے سبب بھی مداحوں کی جانب سے کڑی تنقید کی گئی تھی۔
کراچی: پاکستانی ڈرامہ انڈسٹری کی اداکارہ ایمن خان اور ساتھی اداکار منیب بٹ 12 ربیع الاول کو نکاح کے بندھن میں بندھ گئے۔
پاکستانی شوبز انڈسٹری کے دونوں ستاروں نے ایک سال قبل منگنی کی تھی، دونوں نے اپنے نکاح کے لیے 12 ربیع الاول کے دن کو منتخب کیا۔
گزشتہ روز اداکارہ ایمن خان اور اُن کے منگیتر منیب بٹ نکاح کے بندھن میں بندھ گئے، دونوں اداکاروں نے تصاویر اور ویڈیوز سوشل میڈیا پر بھی شیئر کیں جنہیں مداحوں نے بہت پسند بھی کیا۔
A post shared by Minal Khan (@minalkhan.official) on
ایمن خان کی جڑواں بہن منال خان نے سب سے پہلے نکاح کی تصویر سماجی رابطے کی ویب سائٹ پر شیئر کیں، جبکہ ایک اور ویڈیو سامنے آئی جس میں اداکارہ نکاح کے وقت کافی جذباتی دکھائی دیں اور والدہ سے گلے مل کر آبدیدہ بھی ہوئیں۔
