Tag: ایم ایس دھونی

پاکستان ویمنز ٹیم کی سابق کپتان ثنا میر نے کہا ہے کہ موجودہ پاکستانی ٹیم کے ساتھ بھارتی کپتان ایم ایس دھونی بھی کچھ نہیں کرسکتے۔

سرکاری ٹی وی چینل پر اظہار خیال کرتے ہوئے خواتین کرکٹ ٹیم کی سابق کپتان ثنا میر کا ماننا تھا کہ بھارت کے لیجنڈ کپتان ایم ایس دھونی جیسا لیڈر جن کی قائدانہ صلاحیتوں کے سب معترف ہیں وہ بھی چیمپئنز ٹرافی کے لیے منتخب ہونے والی پاکستانی اسکواڈ کے ساتھ کچھ نہیں کر سکتے تھے۔

ثنا میر نے اسپورٹس پروگرام میں کہا کہ جن 15 پلیئرز کو چیمپیئنز ٹرافی اسکواڈ میں منتخب کیا گیا ہے، چاہے آپ ایم ایس دھونی یا پاکستان کے سابق کپتان یونس خان کو کپتان بنائیں کچھ نہیں ہوسکتا تھا۔

ویڈیو: رضوان نے سریش رائنا کو دھونی کی یاد دلا دی

سابق کپتان ثنا نے کہا کہ اس ٹیم کا انتخاب کنڈیشنز کی بنیاد پر نہیں کیا گیا تھا، اس لیے کوئی بھی اس ٹیم کے ساتھ کچھ نہیں کرسکتا تھا۔

یہ بات قابل ذکر ہے کہ چیمپئنزٹرافی کے لیے پاکستانی اسکواڈ کا اعلان ہونے کے بعد سے سوشل میڈیا پر تنقید کی جارہی تھی اور کئی سابق کرکٹرز نے اسکواڈ میں فرنٹ لائن اسپنرز کی کمی کو اجاگر کیا تھا۔

راولپنڈی میں پیر کو چیمپئنزٹرافی گروپ اے کے میچ میں نیوزی لینڈ نے بنگلہ دیش کو 5 وکٹوں سے شکست دی جس کے بعد میزبان پاکستان چیمپئنز ٹرافی سے باہر ہو گیا۔

بھارتی کرکٹ ٹیم کے سابق کپتان ایم ایس دھونی نے کہا ہے کہ جب میں کپتانی کیا کرتا تھا تو اس وقت ’کول‘ رہنا آسان ہوتا تھا۔

آئی سی سی چیمپیئنز ٹرافی کے آغاز میں تین ہفتے سے بھی کم وقت باقی ہے، ایسے میں سابق بھارتی کپتان اور چیمپئنزٹرافی جیتنے والے مہندر سنگھ دھونی شائقین کے لیے اسکرین پر دوبارہ واپس آئے ہیں، بھارتی چینل اسٹار اسپورٹس نے دھونی کا ایک پرومو جاری کیا ہے۔

دھونی جو کیپٹن کول کے طور پر پہچانے جاتے تھے وہ اس اشتہار میں ایک برفانی جگہ میں بیٹھ نظر آرہے ہیں، اشتہار میں دھونی کہتے ہیں ’جب میں کپتان تھا تو ’کول‘ رہنا آسان تھا لیکن مداح بن کر آئی سی سی چیمپئنز ٹرافی دیکھنا ہو تو، نہیں!

اشتہار میں مہندر سنگھ دھونی مزید کہتے ہیں اگرچہ ہماری ٹیم بھلے ہی مضبوط ہے مگر یہاں اگر ایک بھی میچ ہارتے ہیں تو سمجھو باہر۔

خیال رہے کہ دھونی نے 2013 میں انگلینڈ میں آئی سی سی چیمپئنز ٹرافی میں بھارتی ٹیم کی کپتانی کی تھی، اس ٹورنامنٹ میں بھارت ان کی رہنمائی میں ٹرافی جیتنے میں کامیاب رہا تھا۔

قومی ٹیم کے مایہ ناز بیٹر بابر اعظم نے جنوبی افریقا کے خلاف دوسرے ون ڈے میں نصف سنچری اسکور کرکے سابق بھارتی کپتان مہندر سنگھ دھونی کا ریکارڈ توڑ دیا۔

گزشتہ روز پاکستان نے جنوبی افریقا کو دوسرے ون ڈے میچ میں 81 رنز سے شکست دے کر سیریز میں 2-0 کی فیصلہ کن برتری حاصل کرلی۔

کیپ ٹاؤن میں کھیلے گئے میچ میں پاکستان کی جانب سے دیے گئے 330 رنز کے تعاقب میں جنوبی افریقا کی ٹیم 43.1 اوورز میں 248 رنز پر ڈھیر ہوگئی۔

ہینرک کلاسن کی 97 رنز کی اننگز میں جنوبی افریقا کو شکست سے نہ بچاسکی، اوپنر ٹونی ڈی زوزوی 34 رنز بنا کر آؤٹ ہوئے، جارح مزاج بیٹر ڈیوڈ ملر 29 رنز پر شاہین آفریدی کا نشانہ بنے۔

کپتان ٹیمبا باوما 12 رنز بناکر پویلین لوٹ گئے، رسی وین ڈر ڈوسن 23 رنز پر وکٹ گنوا بیٹھے، ایڈن مارکرم کو 21 رنز پر ابرار احمد نے آؤٹ کیا۔

پاکستان کی جانب سے شاہین شاہ آفریدی نے 4 وکٹیں حاصل کیں، نسیم شاہ نے تین اور ابرار احمد نے دو کھلاڑیوں کو پویلین کی راہ دکھائی۔

یہ پڑھیں: ہنرک کلاسن کی حرکت پر آئی سی سی نے ایکشن لے لیا

بابر اعظم نے 73 رنز کی شاندار اننگز کھیلی اور دھونی کا ریکارڈ توڑ دیا۔

بابر اعظم SENA ممالک( جنوبی افریقا،انگلینڈ، نیوزی لینڈ اور آسٹریلیا) کے خلاف تمام فارمیٹس میں سب سے زیادہ نصف سنچریاں اسکور کرنے والے بیٹر بن گئے ہیں۔

بابر اعظم نے اب تک SENA ممالک کے خلاف 39 نصف سنچریاں اسکور کی ہیں۔

اس سے قبل یہ ریکارڈ بھارت کے سابق کپتان مہندرا سنگھ دھونی کے پاس تھا جنہوں نے اپنے کیریئر میں جنوبی افریقا،انگلینڈ، نیوزی لینڈ اور آسٹریلیا کے خلاف تمام فارمیٹس میں 38 نصف سنچریاں اسکور کی تھیں۔

سابق بھارتی کپتان دھونی ٹیم سے ویرات کوہلی کو باہر نکالنے کی بات پر غصے میں آگئے تھے اور انھوں نے ٹیم منیجر کو کھری کھری سنادی تھی۔

ویرات کوہلی کو ماڈرن دور کے چند عظیم کرکٹرز میں شمار کیا جاتا ہے جبکہ وہ اپنے شاندار ٹی ٹوئنٹی کیریئر کا ٹی ٹوئنٹی ورلڈکپ 2024 کی جیت کے ساتھ اختتام کرچکے ہیں، مگر ایک وقت ایسا بھی آیا تھا جب بھارتی ٹیم کے منیجر نے دھون سے سفارش کی تھی کہ انھیں میچ نہ کھلایا جائے۔

اس بات کا انکشاف پاکستان کرکٹر عمر اکمل نے کیا ہے کہ 2013 میں کوہلی کے کیریئر کے مشکل مرحلے میں دھونی نے بھارتی ٹیم سے انھیں ڈراپ ہونے نہیں دیا اور منیجر سے بحث کی تھی۔

ٹی ٹوئنٹی ورلڈ کپ 2024 کے دوران ایک چینل پر اظہار خیال کرتے ہوئے عمر اکمل نے 2013-2012 کے پاکستان کے دورہ بھارت کے بارے میں بتایا۔

عمر اکمل نے کہا کہ یہ سال 2013 کی بات ہے ہم بھارت کے دورے پر گئے ہوئے تھے ہم نے وہاں سیریز جیتی تھی، میں ایک بار ایم ایس دھونی کے ساتھ ڈنر کر رہا تھا، اس وقت سریش رائنا، یوراج سنگھ، اور شعیب ملک بھی موجود تھے۔

اس دوران ٹیم انڈیا کے منیجر اندر آئے اور دھونی سے کہا کہ وہ کوہلی کو آخری ون ڈے میچ میں نہ کھلائیں، اس پر دھونی نے انھیں جواب دیا کہ میں چھ ماہ سے گھر نہیں گیا ہوں، آپ میری اور کوہلی کی ٹکٹ ایک ساتھ بُک کیوں نہیں کرتے؟ اگلے میچ میں رائنا فائنل کپتانی کر سکتے ہیں۔

عمر نے بتایا کہ اس بات پر میں نے چونک کر دھونی کے چہرے کو گھورتا رہا، مینیجر بھی سمجھ گیا اس نے کہا کہ ٹھیک ہے، آپ جو چاہیں وہی کریں، آپ کوہلی کو آخری میچ میں کھلا سکتے ہیں۔

پاکستانی کرکٹر نے بتایا کہ میں نے دھونی سے پوچھا کہ انھوں نے اس انداز میں کیوں جواب دیا، تو بھارتی کپتان نے وضاحت کرتے ہوئے بتایا کہ ویرات کوہلی ہمارے بہترین بلے باز ہیں، اگر وہ صرف 3-4 میچوں میں ناکام رہے ہیں تو ہم اسے بینچ پر کیوں بیٹھائیں۔

بھارتی کرکٹ بورڈ کے اہلکار نے انکشاف کیا ہے کہ نیوزی لینڈ کے سابق کپتان اسٹیفن فلیمنگ کو منانے کے لے دھونی کو ٹاسک دیا جائے گا۔

بی سی سی آئی کے ایک ذرائع نے ملکی میڈیا کو بتایا کہ فلیمنگ نے بھارتی ہیڈ کوچ بننے کے لیے انکار نہیں کہا ہے، انھوں نے معاہدے کی مدت کے بارے میں اپنے خدشات ظاہر کیے ہیں اور یہ کوئی غیر معمولی بات نہیں ہے۔

آفیشل نے کہا کہ راہول ڈریوڈ بھی شروع میں ہیڈ کوچ بننے کے خواہشمند نہیں تھے، انھیں بھی راضی کر لیا گیا تھا۔ ایسا ہونا حیران کن نہیں کہ فلیمنگ کے ساتھ بھی ایسا ہی اور اور انھیں منانے کے لیے ایم ایس دھونی سے بہتر کون ہے؟

ایم ایس دھونی بھارتی کرکٹ ٹیم کے اگلے ہیڈ کوچ کے انتخاب کے حوالے سے اہم کردار ادا کرسکتے ہیں۔ بی سی سی آئی اس بات پر غور کررہا ہے کہ چنئی کے کوچ اسٹیفن فلیمنگ سے ڈیل کرنے کے لے لیجنڈری کرکٹر دھونی کی مدد لی جائے۔

ٹی ٹوئنٹی ورلڈکپ کے بعد راہول ڈریوڈ کو بھارتی ہیڈ کوچ کے طور پر تبدیل کرنے کے لیے بورڈ کا پہلا انتخاب فلیمنگ تھے، تاہم سابق کیوی اوپنر 2027 تک عہد کی معیاد کی وجہ سے ہچکچاہٹ کا اظہار کررہے ہیں۔۔

خیال رہے کہ دھونی کی ٹیم چنئی سپر کنگز آئی پی ایل میں اپنا آخری لیگ میچ رائل چیلنجرز بنگلور سے ہارنے کے بعد ٹورنامنٹ سے باہر ہو گئی تھی جبکہ اسٹیفن فلیمنگ اس چنئی کے ہیڈ کوچ تھے۔

اسٹیفن فلیمنگ 303 میچوں میں نیوزی لینڈ کی کپتانی کرچکے ہیں اور آئی پی ایل میں کسی ٹیم کے ساتھ سب سے طویل عرصے تک برقرار رہنے والے کوچ بھی ہیں۔

بھارتی کرکٹ لیجنڈ اور سابق کپتان ایم ایس دھونی کا نیا بیٹ اسٹیکر آئی پی ایل 2024 سے پہلے ان دنوں کافی سرخیوں میں ہے۔

چنئی سپر کنگز کے کپتان کرکٹ سے پوری طرح ریٹائرمنٹ کی تیاری کر رہے ہیں۔ انٹرنیشنل کرکٹ سے پہلے ہی ریٹائر ہونے والے مہندر سنگھ دھونی اس آئی پی ایل کے بعد فرنچائز کرکٹ کو بھی چھوڑنے کا اعلان کرسکتے ہیں۔

کھیلوں کی مصنوعات کی برانڈ کے مالک پرمجیت سنگھ نے دھونی کے اس عمل کو سراہا ہے کہ انھوں نے پیسے کو ترجیح دینے کے بجائے ’دوستی‘ کو اہمیت دی۔

بھارت کی سب سے بڑی اسپورٹس مینوفیکچرنگ کمپنیوں میں سے ایک بیٹ آل اسپورٹس کے مالک اور دھونی کی پہلی کٹ کو اسپانسر کرنے والے سومی کوہلی نے انکشاف کیا ہے کہ 2019 ورلڈ کپ کے دوران سابق بھارتی کپتان نے اپنے بیٹ پر BAS لوگو لگانے کے لیے ایک پیسہ بھی نہیں لیا تھا۔

دھونی نے پورے ٹورنامنٹ میں اپنے بلے پر بی اے ایس اور ایس ایس اسٹیکرز لگائے جو کہ ان کا آخری ورلڈکپ بھی تھا۔ ورلڈ کپ سے پہلے، کوہلی نے انکشاف کیا تھا کہ دھونی نے تمام مالیاتی فوائد سے انکار کرتے ہوئے خالصتاً اپنے دل کی سنی اور خیر سگالی کے تحت ایسا کیا۔

سومی کوہلی نے بتایا کہ دھونی نے کسی رقم کا ذکر تک نہیں کیا، انھوں نے صرف اتنا کہا کہ میرے بلے پر اپنے اسٹیکرز لگائیں اور انھیں ادھر بھیج دیں۔

میں نے انھیں سمجھانے کی کوشش کی، آپ اتنے منافع بخش معاہدے کو چھوڑ رہے ہیں۔ انھوں نے کروڑوں روپے کے معاہدے کو چھوڑ دیا۔

بی اے ایس اور سومی کوہلی کے ساتھ دھونی کی وابستگی 1998 میں شروع ہوئی۔ پچیس سال پہلے کوہلی نے دھونی پر بھروسہ کیا اور انھیں اپنی کٹس بھیجیں۔

اس دوران دھونی نے مختلف اسپورٹس برانڈز جیسے ریبوک، اسپارٹن اور بہت سے دوسرے برانڈز کو سائن کیا لیکن اس کے باوجود کوہلی کے بھیجے گئے کٹس کو بھی دھونی استعمال کرتے رہے۔

رام مندر کی افتتاحی تقریب کے لیے مودی سرکار کی جانب سے کئی بھارتی اسٹار کرکٹرز کو بھی مدعو کرلیا گیا ہے۔

لٹل ماسٹر سچن ٹنڈولکر سے لے کر لیجنڈری کرکٹر ایم ایس دھونی اور ویرات کوہلی تک، بھارتی حکومت نے کئی نامور کرکٹرز کو بھی 22 جنوری کو ایودھیا، اتر پردیش میں رام مندر ’پران پرتیشتھا‘ کی تقریب میں شرکت کے لیے مدعو کیا ہے۔

نامور کرکٹرز کو دعوت نامے مل گئے ہیں جبکہ منگل کو سابق کپتان ویرات کوہلی نے بھی ایودھیا میں ہونے والی تقریب کے لیے کارڈ وصول کیا ہے۔

View this post on Instagram

A post shared by HT City (@htcity)

کوہلی اور ان کی بیوی بالی وڈ اداکارہ انوشکا شرما کو ممبئی میں ان کے گھر پر دعوت نامہ موصول ہوا۔ اس سے قبل دھونی اور بیٹنگ لیجنڈ سچن ٹنڈولکر کو بھی رام مندر کے حوالے سے ’پران پرتیشتھا‘ کی تقریب میں مدعو کیا گیا تھا۔

आज प्रदेश महामंत्री (संगठन) श्री @bjpkarmveer जी और राष्ट्रीय स्वयंसेवक संघ के सह प्रांत कार्यवाह श्री धनंजय सिंह जी ने JSCA स्टेडियम में भारतीय क्रिकेट टीम के पूर्व कप्तान, झारखंड की शान श्री महेंद्र सिंह धोनी जी को अयोध्या में हो रहे राम मंदिर प्राण प्रतिष्ठा में शामिल होने के… pic.twitter.com/LXvQXOmPZK

— BJP JHARKHAND (@BJP4Jharkhand) January 15, 2024

اس سے قبل سابق بھارتی اوپنر گوتم گمبھیر نے دعوت نامہ موصول ہونے کے بارے میں ایک پوسٹ شیئر کی تھی۔ انھوں نے ’ایکس‘پر لکھا کہ میرے والد کو رام مندر کی افتتاحی تقریب کا دعوت نامہ موصول ہوا ہے۔

Dad was honoured to receive the invitation for प्राण प्रतिष्ठा! Jai Shri Ram! #RamMandir #Ayodhya pic.twitter.com/7NjiqOGeXN

— Gautam (@GautamGambhir) January 16, 2024

واضح رہے کہ بابری مسجد شہید کر کے اس پر تعمیر کے گئے متنازع رام مندر کے افتتاح پر مودی سرکار کی ہٹ دھرمی برقرار ہے، تاہم بڑے ہندو مذہبی پیشواؤں نے اس کے بائیکاٹ کا اعلان کرتے ہوئے افتتاحی تقریب سے لاتعلقی ظاہر کر دی ہے۔

مودی سرکار نے 22 جنوری کو ایودھیا میں متنازع مندر کے افتتاح کا اعلان کیا ہے اور بھارتی وزیراعظم اس کا افتتاح کریں گے تاہم کانگریس نے اس پر کڑی تنقید کرتے ہوئے کہا ہے کہ ایک نا مکمل مندر کا افتتاح انتخابی مہم کی ایک چال ہے۔

خیال رہے کہ ایودھیا میں تاریخی بابری مسجد کو ہندو انتہا پسندوں نے 6 دسمبر 1992 میں شہید کر دیا تھا۔ مودی اور بی جے پی بابری مسجد کو شہید کرنے اور اس کی جگہ مندر تعمیر کرنے کی مہم میں شریک تھے۔