Tag: ایم ڈی پی ٹی وی

اسلام آباد: قومی احتساب بیورو (نیب) نے ایم ڈی پی ٹی وی ارشد خان کے خلاف بے نامی چیک کی تحقیقات شروع کرتے ہوئے انہیں طلب کرلیا۔

تفصیلات کے مطابق نیب کی ایم ڈی پی ٹی وی ارشدخان کے خلاف بےنامی چیک پرانکوائری ، پی ٹی وی یونین کےجنرل سیکرٹری کو انکوائری کےلیےطلب کرلیاگیا۔

ایم ڈی پی ٹی ارشدخان نےازخوداپنی تنخواہ22 لاکھ روپے ماہانہ مقررکی اور  انہوں نے دو بے نامی چیکس کے ذریعے 31 ، 17 لاکھ روپے رقم کی ادائیگی بھی کی۔ نیب نے اس ضمن میں انہیں متعلقہ ریکارڈ اور شواہد پیش ہونے کا حکم دیا۔

مزید پڑھیں: رقم کی منتقلی ، وزیر اطلاعات کا ایم ڈی پی ٹی وی ارشد خان پر ایف آئی آر درج کرانے کا حکم

یاد رہے ارشدخان نےقائم مقام ایم ڈی کا چارج سنبھالنے کے بعد اپنی تنخواہ خود مقرر کی اور اُس کی بورڈ سے کوئی منظوری نہیں لی تھی۔

وفاقی وزیر اطلاعات فواد چوہدری نے گزشتہ ماہ ایم ڈی پی ٹی وی ارشدخان کے خلاف رقم کی منتقلی کے معاملات کی تحقیقات کرنے کا حکم دیتے ہوئے مقدمہ درج کرانے کی ہدایت کی تھی۔

اُن کا کہنا تھا کہ سرکاری ٹی وی کے اکاؤنٹس سے رقم کی بڑے پیمانے پر منتقلی کے معاملے پر وزیر اطلاعات فواد چوہدری نے ورکرز یونین کی شکایت پر ایم ڈی پی ٹی وی ارشد خان پر ایف آئی آر درج کروائی تھی۔

یہ بھی پڑھیں: قائمہ کمیٹی نے ایم ڈی پی ٹی وی کی فوری بر طرفی کا مطالبہ کر دیا

اس ضمن میں فوادچوہدری نے آئی جی پولیس اسلام آباد کوخط لکھا تھا جس میں کہا گیا تھاکہ میرے مشاہدے میں آیا ہے کہ معاملہ کرمنل کیس بن چکا ہے، معاملےکی میرٹ پر تحقیقات کے بعد رپورٹ دی جائے۔ یاد رہےنومبر 2018  میں ارشدخان کو قائم مقام  ایم ڈی پی ٹی وی تعینات کیا گیا تھا۔

اسلام آباد: سینیٹ کی قائمہ کمیٹی برائے اطلاعات و نشریات نے پاکستان ٹیلی وژن کے مینجنگ ڈائریکٹر کو فوری طور پر بر طرف کرنے کا مطالبہ کر دیا ہے۔

تفصیلات کے مطابق سینیٹ کی قائمہ کمیٹی برائے اطلاعات و نشریات کے اجلاس میں فواد چوہدری نے کہا ہے کہ ایم ڈی کو خود استعفیٰ دے دینا چاہیے۔

[bs-quote quote=”پی ٹی وی ملازمین نے بھی ایم ڈی کو فوری طور پر عہدے سے بر طرف کرنے کا مطالبہ کر دیا۔” style=”style-8″ align=”left”][/bs-quote]

وزیرِ اطلاعات نے کہا کہ پی ٹی وی ایک طرف ہے اور ایم ڈی ایک طرف ہیں، ایم ڈی کو  اب خود مستعفی ہو جانا چاہیے۔

فواد چوہدری نے کہا کہ کمیٹی کے تمام اراکین نے ایم ڈی پی ٹی وی کو ہٹانے کا کہا ہے، قائمہ کمیٹی اپنی سفارشات وزیرِ اعظم عمران خان کو بھیجے گی۔

دریں اثنا پی ٹی وی ملازمین نے بھی ایم ڈی کو فوری طور پر عہدے سے بر طرف کرنے کا مطالبہ کر دیا ہے، ملازمین نے اس سلسلے میں پیمرا آفس کے باہر احتجاجی مظاہرہ کیا، جس میں مظاہرین نے کہا کہ ایم ڈی پی ٹی وی کو عہدے سے فوری ہٹایا جائے۔

دوسری طرف ذرایع نے کہا ہے کہ فواد چوہدری اور نعیم الحق کے درمیان ایم ڈی پی ٹی وی سے متعلق اختلافات بڑھ گئے ہیں، نعیم الحق اور ایم ڈی پی ٹی وی ارشد خان نے اس سلسلے میں وزیرِ اعظم سے ملاقات کی۔

یہ بھی پڑھیں:  استعفیٰ نہیں دیا مگر تحفظات ہیں، فواد چوہدری کا ردِعمل

ذرایع کے مطابق یہ ملاقات 2 روز قبل بنی گالہ میں ہوئی، جس میں وزیرِ اعظم کو سرکاری ٹی وی کے معاملات پر اختلافات سے آگاہ کیا گیا۔

وزیرِ اطلاعات فواد چوہدری بھی کل وزیرِ اعظم عمران خان سے ملاقات کریں گے۔