Tag: ایم ڈی کیٹ کا امتحان

اسلام آباد : سندھ ہائی کورٹ کے بعد اسلام آباد ہائیکورٹ نے بھی ایم ڈی کیٹ کا امتحان دوبارہ لینے کا حکم دے دیا۔

تفصیلات کے مطابق اسلام آباد ہائیکورٹ نے ایم ڈی کیٹ امتحانات کیخلاف درخواست منظورکرلی ، جسٹس ارباب طاہر نے یونیورسٹی کو ایم ڈی کیٹ امتحان دوبارہ لینے کا حکم دے دیا.

عدالت نے کہا کہ شہیدذوالفقار علی بھٹویونیورسٹی ایک ماہ میں دوبارہ ایم ڈی کیٹ ٹیسٹ لے، پی ایم ڈی سی رپورٹ کے مطابق ایم ڈی کیٹ پیپر میں سوالات آؤٹ آف سلیبس تھا۔

دوسری جانب اسلام آباد ہائیکورٹ نے ایم ڈی کیٹ امتحانات کیخلاف درخواستوں پر مختصر فیصلہ جاری کردیا، اسلام آبادہائیکورٹ کے جسٹس ارباب محمد طاہر نے ایک صفحہ کامختصر فیصلہ جاری کیا۔

جس میں کہا ہے کہ اسلام آباد کی حدود کے درخواست گزاروں سےایم ڈی کیٹ امتحان دوبارہ لیں، ہشہید ذوالفقار بھٹو یونیورسٹی ایک ماہ میں دوبارہ ایم ڈی کیٹ ٹیسٹ لے۔

عدالت کا کہنا تھا کہ جن امیدواروں نےپہلےامتحان دیا اوردوبارہ دینا چاہتے ہیں صرف ان کواجازت ہوگی، امیدواروں کو پہلا یا دوسرا رزلٹ بطورآپشن استعمال کرنے کی اجازت ہو گی۔

اسلام آباد ہائی کورٹ نے کہا کہ 8 ہزار روپے فیس پہلے ہی یونیورسٹی لے چکی اب دوبارہ بوجھ نہیں ڈالاجائے۔

اسلام آباد : میڈیکل کالجز میں داخلہ لینے کے خواہشمند طلبا کے لیے بڑی خبر آگئی، ایم ڈی کیٹ کے امتحان کی تاریخ سامنے آگئی۔

تفصیلات کے مطابق پاکستان میڈیکل اینڈ ڈینٹل کونسل (پی ایم ڈی سی) نے ایم ڈی کیٹ کا امتحان کی تاریخ کا اعلان کردیا، صدرپی ایم ڈی سی ڈاکٹررضوان تاج نے کہا کہ امتحان 22 ستمبر کو پاکستان اور بیرون ملک ایک ہی دن ہوگا

ڈاکٹررضوان تاج کا کہنا تھا کہ نصاب اگلے ہفتے ویب سائٹ پراپ لوڈ ہوجائے گا، کونسل نے نصاب تبدیل نہ کرنے کا فیصلہ کیاہے، لہذا نصاب بدستور برقرار رہے گا اور گزشتہ سال جیسا ہی رہے گا۔

کونسل نے تمام صوبائی سیکرٹریز کو ہدایت کی کہ وہ ایم ڈی سی اے ٹی امتحان کی تیاری شروع کر دیں۔

بیان میں کہا گیا کہ یہ فیصلہ طلباء کے وسیع تر مفاد کو مدنظر رکھتے ہوئے کیا گیا ہے، گزشتہ سال تقریباً 180534 طلباء امتحانات میں شریک ہوئے تھے۔

اندازوں کے مطابق رواں سال 200,000 طلباء کے امتحان دینے کا امکان ہے، پیپر انڈیکس کو میرٹ پر سمجھوتہ کیے بغیر طلبہ کی آسانی کے لیے بھی مدنظر رکھا جائے گا تاکہ اس بات کو یقینی بنایا جاسکے کہ تمام صوبوں نے طلبہ کو بغیر کسی پریشانی کے امتحانات کا انعقاد کیا ہے۔

پروفیسر ڈاکٹر رضوان تاج نے اس بات پر زور دیا کہ طلبہ کا روشن مستقبل ہماری اولین ترجیح ہے اور پی ایم ڈی سی ان کی سہولت کے لیے محنت کر رہا ہے۔

انھوں نے امتحانات منعقد کرنے والی تمام یونیورسٹیوں کو ہدایت کی ہے کہ وہ داخلے کے عمل میں شفافیت کو یقینی بنانے کے لیے ہدایات اور ضوابط پر سختی سے عمل کریں۔