Tag: ایم ڈی کیٹ کا ٹیسٹ

اسلام آباد : میڈیکل اینڈ ڈینٹل کالجز میں داخلے کے لئے ایم ڈی کیٹ ٹیسٹ 2025 کی تاریخ کا اعلان کردیا گیا۔

تفصیلات کے مطابق قومی اسمبلی کی قائمہ کمیٹی صحت کا ڈاکٹر مہیش کمار ملانی کی زیر صدارت اجلاس ہوا۔

اجلاس میں پی ایم ڈی سی حکام نے میڈیکل کالجز کے انٹری ٹیسٹ پر بریفنگ دیتے ہوئے کہا کہ ایم ڈی کیٹ 5 اکتوبر کو ملک بھرمیں بیک وقت ہوگا۔

اس سے قبل، پاکستان میڈیکل اینڈ ڈینٹل کونسل نے میڈیکل اینڈ ڈینٹل کالجز کے داخلہ ٹیسٹ ایم ڈی کیٹ 2025 کے لیے نیا نصاب جاری کیا تھا۔

پی ایم ڈی سی کے صدر ڈاکٹر رضوان تاج کے مطابق، نظرثانی شدہ ٹیسٹ میں پانچ مضامین بیالوجی، کیمسٹری، فزکس، انگلش، اور لاجیکل ریزننگ شامل ہوں گے۔

یہ امتحان 180 کثیر انتخابی سوالات (MCQs) پر مشتمل ہوگا اور اس کا دورانیہ تین گھنٹے ہوگا۔ سوالیہ پرچہ مکمل طور پر ایم سی کیو پر مبنی ہوگا اور کوئی منفی مارکنگ نہیں لگائی جائے گی۔ سوالات کی درجہ بندی 15 فیصد آسان، 70 فیصد اعتدال پسند اور 15 فیصد مشکل ہوگی۔

مزید پڑھیں : ایم ڈی کیٹ 2025 کا نیا نصاب جاری

ڈاکٹر رضوان تاج نے بتایا تھا کہ میڈیکل کالج میں داخلے کے لیے کم از کم 55 فیصد مارکس اور ڈینٹل کالج میں داخلے کے لیے 50فیصد نمبر درکار ہوں گے۔

PMDC نے امتحان کے لیے سوالیہ بینک تیار کرنے کا عمل بھی شروع کر دیا ہے، نیا نصاب تعلیمی ماہرین، تعلیمی بورڈز اور یونیورسٹیوں کی مشاورت سے تیار کیا گیا ہے۔

کراچی : ایم ڈی کیٹ کا ٹیسٹ دوبارہ دینے والے طلبا کے لئے بڑی خوشخبری آگئی ، سندھ ہائیکورٹ نے ایم ڈی کیٹ ٹیسٹ کیس کا تفصیلی فیصلہ جاری کردیا ، جس میں نمبرز کی کٹوتی کے حوالے سے بتایا۔

تفصیلات کے مطابق سندھ ہائیکورٹ نے ایم ڈی کیٹ ٹیسٹ کیس کا تفصیلی فیصلہ جاری کردیا ، جس میں حکومت سندھ اور پی ایم ڈی سی کو مشترکہ ویجیلنس ٹیمیں بنانے کا حکم دیتے ہوئے کہا ہے کہ تمام رپورٹس سے ثابت ہوتا ہے ایم ڈی کیٹ ٹیسٹ شفاف نہیں ہوا، تحقیقاتی ٹیم،ایف آئی اے نے ایم ڈی کیٹ کا پیپر لیک ہونے کی تصدیق کی۔

فیصلے میں کہا گیا کہ ٹیسٹ میں اس طرح غیر شفافیت معاشرے، میڈیکل شعبے کیلئے خطرناک رجحان ہے، دوبارہ ایم ڈی کیٹ ٹیسٹ دینے والوں کے 10 فیصد نمبرز کی کٹوتی نہیں ہوگی، ایم ڈی کیٹ 2024 میں جو طالب علم امتحان دے گا اسے فریش ہی سمجھا جائے۔

سندھ ہائیکورٹ کا کہنا تھا کہ ٹیسٹ پیپرلیک ہونے کے کئی عوامل ہیں،تعلیمی اداروں اوربورڈزمیں کمزور ریگیولیٹری فریم ورک پیپر لیکج کا بڑا سبب ہے، پیسے کی لالچ میں پیپرکی فروخت دوسر ابڑا سبب ہے، جو احتسابی عمل نہ ہونے سے ہو رہا ہے۔

عدالت نے کہا کہ جو بچے محنت کرتے ہیں انھیں اس طرح دور کر دینا ان میں مایوسی پیدا کرتا ہے، اس طرح کی سلیکشن میڈیکل کے شعبے کو زوال کی طرف لے جائے گی ، تعلیمی اداروں کو بچوں میں میرٹ کو ترجیح دینے کی حوصلہ افزائی کرنی چاہیے اور شارٹ کٹ والے طلبہ کی حوصلہ شکنی ہونی چاہیے۔

فیصلے میں کہا گیا کہ ٹیسٹ کوغیرشفاف بنانے والے ذمہ داروں کےخلاف سبق آمیز کارروائی ہونی چاہیے، میڈیکل داخلے کیلئے پرائیویٹ یونیورسٹیز کو استثنیٰ دینا بنیادی حقوق کے خلاف ہے، یونیورسٹیز میں برابری کی بنیاد پر موقع دینے کیلئے پی ایم ڈی سی قانون میں ترمیم کیلئے جائزہ لیا جائے۔

پی ایم ڈی سی وکیل کا کہنا تھا کہ امتحانات شفاف ہوتے ہیں، سخت نگرانی کے باعث 88 امیدوار نقل کرتے ہوئے پکڑے گئے ، عدالت تعلیمی معاملات میں مداخلت نہیں کر سکتی۔

عدالت نے کہا کہ ایف آئی اے سائبر کرائم کی رپورٹ عدالتی فیصلے کا حصہ بنائی گئی ہے، رپورٹ کے مطابق پیپر واٹس ایپ کے ذریعے پھیلایا گیا، ان میں سے ایک واٹس ایپ گروپ میڈیکو انجنیئر ایم ڈی کیٹ کے نام سے تھا، اس گروپ نے 21 ستمبر کو رات 8 بجکر16منٹ پر پیپر لیک کیا، تحویل میں لی گئی ڈیوائس کے فرانزک کے دوران پتا چلا پیپر کئی گروپس میں شیئر کیا گیا۔

عدالت نے بتایا حکومتی کمیٹی نے بھی پیپر لیکج کی تصدیق کردی تاہم سندھ حکومت کی تحقیقاتی کمیٹی نے کہا کہ پیپر 13گھنٹے 44 منٹ ٹیسٹ سے قبل آؤٹ کیا گیا، سوالنامے کی کلیو کی 6 گھنٹے قبل لیک گئی، کلیو کی کے مطابق 75 فیصد سوالات سے ملتے جلتے تھے۔

عدالت نے سندھ کے تمام بورڈز کو ایک ماہ کے دوران امتحانات کے نتائج کا اعلان کرنے کا حکم دیا، عدالت نے ایم ڈی کیٹ ٹیسٹ دوبارہ لینے کا مختصر فیصلہ 26 اکتوبر کو سنایا تھا۔

کراچی : ایم ڈی کیٹ کے امتحانات میں شرکت کرنے والے طلبا کے لیے اہم خبر آگئی ، طلبا صبح 7 بجے سے 9 بجے تک امتحانی مرکز میں داخل ہوسکیں گے اور صبح ساڑھے نو بجے امتحانی مراکز کو سیل کر دیا جائے گا۔

تفصیلات کے مطابق پاکستان بھر میں ایم ڈی کیٹ کے امتحانات بائیس ستمبر کو کرائے جائیں گے، سندھ میں ڈاؤ یونیورسٹی ایم ڈی کیٹ کے امتحانات لے گی۔

سندھ کے پانچ شہروں میں چھ امتحانی مراکز قائم کئے گئے ہیں جبکہ صوبہ سندھ کے اڑتیس ہزار سات طلبہ کے لئے ڈاؤ یونیورسٹی اور این ای ڈی یونیورسٹی میں امتحانی مرکز قائم کیا گیا ہے۔

ڈاو یونیورسٹی میں پریس کانفرنس کرتے ہوئے ڈاو یونیورسٹی کی پرو وائس چانسلر پروفیسر نازلی حسین نے کہا کہ سندھ کے 6 ہزار 846 طلبہ کے لئے ڈاو یونیورسٹی جبکہ 6 ہزار طلبہ کے لئے این ای ڈی یونیورسٹی میں انتظانات مکمل کرلئے گئے ہیں، انتظامات بہتر کرنے کے لئے ضلعی انتظامیہ ،پولیس اور ٹریفک پولیس کا تعاون بھی حاصل رہے گا۔

وائس چانسلر ڈاو یونیورسٹی کا کہنا تھا کہ امتحانی مراکز کی کلوز سرکٹ کیمروں سے مانیٹرنگ کی جائے گی جبکہ امتحانی مراکز میں جیمرز بھی لگائےگئے ہیں۔

انھوں نے بتایا کہ والدین کے بیٹھنے کےلئے ڈاو یونیورسٹی میں لیکچر ہالز جبکہ این ای ڈی میں آنے والے والدین کے لیے قریبی شاری ہال میں انتظامات کیے گئے ہیں۔

پروفیسر نازلی حسین نے کہا کہ طلبہ صبح 7 بجے سے 9 بجے تک امتحانی مرکز میں داخل ہوسکیں گے اور صبح ساڑھے نو بجے امتحانی مراکز کو سیل کر دیا جائے گا، جس کے بعد کسی کو بھی داخلے کی اجازت نہیں ہوگی

صدرپی ایم ڈی سی نے بتایا کہ امتحانی عمل کےدوران دفعہ 144نافذ،خلاف ورزی کرنے والوں کے خلاف کارروائی ہوگی اور امتحانی مراکزکی نگرانی کیلئےجدیدسرویلنس ٹیکنالوجی کااستعمال کیاجائےگا۔

انھوں نے کہا کہ امیدوارغیراخلاقی رویےسےگریزکریں، چیٹنگ پرسخت سزادی جائےگی،پی ایم ڈی سی

کراچی: نگران وزیر صحت سندھ ڈاکٹر سعد خالد کا کہنا ہے کہ سندھ میں ایم ڈی کیٹ کا دوبارہ ٹیسٹ 19 نومبر کو ہوگا، پیپر لیک ہونے کی وجہ سے بچوں نے زیادہ نمبر حاصل کرلیے تھے۔

تفصیلات کے مطابق نگران وزیر صحت سندھ ڈاکٹر سعد خالد نے پریس کانفرنس کرتے ہوئے کہا کہ ایم ڈی کیٹ کااہم مسئلہ ہے، پیپر لیک ہونے کی وجہ سے بچوں نے زیادہ نمبر حاصل کرلیے تھے۔

ڈاکٹر سعد خالد کا کہنا تھا کہ شفاف انکوائری کیلئے ایف آئی اے کوذمہ داری دینےکی سفارش کی ہے، رپورٹ کے بعد دوبارہ امتحان لینے کا فیصلہ کیا ہے۔

نگران وزیر صحت سندھ نے کہا کہ بعض بچے نقل اور پیپر لیک ہونے کی وجہ سے پاس ہوئے تھے، ایم ڈی کیٹ کا دوبارہ ٹیسٹ 19نومبر کو ہوگا، 49ہزار بچوں کا دوبارہ ٹیسٹ ایک چیلنج ہے۔

انھوں نے بتایا کہ شفاف انکوائری کیلئے ایف آئی اے کو ذمہ داری دینے کی سفارش کی ہے۔

یاد رہے صوبے سندھ کے میڈیکل و ڈینٹل کالجوں میں داخلے کے لئے دوبارہ ایم ڈی کیٹ کے امتحان کا اعلان کیا گیا تھا۔

نگران وزیر اعلیٰ سندھ جسٹس ریٹائرڈ مقبول باقر نےایم ڈی کیٹ 2023 کے انٹری ٹیسٹ کے نتائج منسوخ کرنے کا حکم دیا تھا، اب یہ داخلہ ٹیسٹ ڈاو یونیورسٹی کے زیر انتظام کرایا جائے گا۔