Tag: ایم ڈی کیٹ

کراچی : آئی بی اے کراچی نے ایم ڈی کیٹ ٹیسٹ کرانے سے معذرت کرلی، عدالت نے سندھ حکومت کوآئی بی اے سے تعاون کرنے ہدایت کی تھی۔

تفصیلات کے مطابق انسٹیٹیوٹ بزنس ایڈمنسٹریشن(آئی بی اے) کراچی نے ایم ڈی کیٹ کاٹیسٹ کرانے سے معذرت کرلی۔

ذرائع نے بتایا کہ سندھ ہائیکورٹ نے 26 اکتوبر کو 4 ہفتوں میں دوبارہ ٹیسٹ کرانے کا حکم دیا تھا اور سندھ حکومت کو آئی بی اے سے تعاون کرنے ہدایت کی تھی۔

سندھ ہائیکورٹ کے2 رکنی بینچ نے ایم ڈی کیٹ نتائج کالعدم قرار دیے تھے۔

مزید پڑھیں : ایم ڈی کیٹ کا دوبارہ ٹیسٹ ! طلبا کے لئے اہم خبر

یاد رہے سندھ ہائیکورٹ میں میڈیکل کالجز میں داخلے کے ٹیسٹ میں مبینہ بے قاعدگیوں کیخلاف درخواست دائر کی گئی تھی۔

جس میں کہا گیا تھا کہ 200 میں سے 160 سے زائد سوالات سوشل میڈیا پر تھے، استدعا ہے کہ ایم ڈی کیٹ کے نتائج کالعدم قرار دے کر دوبارہ ٹیسٹ لیا جائے اور داخلہ ٹیسٹ کا پرچہ لیک ہونےکی تحقیقات جےآئی ٹی سے کرائی جائے۔

کراچی : سندھ ہائیکورٹ میں میڈیکل کالجز میں داخلے کے ٹیسٹ کیخلاف درخواست دائر کردی گئی ، جس میں استدعا کی ہے کہ ایم ڈی کیٹ کے نتائج کالعدم قرار دے کر دوبارہ ٹیسٹ لیا جائے۔

تفصیلات کے مطابق سندھ ہائیکورٹ میں میڈیکل کالجز میں داخلے کے ٹیسٹ میں مبینہ بے قاعدگیوں کیخلاف درخواست دائر کردی گئی۔

دائر درخواست میں سندھ حکومت ،ڈاؤمیڈیکل یونیورسٹی ، پی ایم سی اور ایف آئی اے کوفریق بنایا گیا۔

وکیل درخواست گزار نواز ڈاہری ایڈووکیٹ نے کہا کہ 22 ستمبر کو ایم ڈی کیٹ کا ٹیسٹ ہوا تھا، ٹیسٹ سے قبل ہی پرچہ سوشل میڈیا پر آؤٹ ہوچکا تھا۔

مزید پڑھیں : ایم ڈی کیٹ ٹیسٹ کا پیپر کتنے لاکھ روپے میں لیک کیا گیا؟

نواز ڈاہری ایڈووکیٹ کا کہنا تھا کہ 200 میں سے 160 سے زائد سوالات سوشل میڈیا پر تھے، استدعا ہے کہ ایم ڈی کیٹ کے نتائج کالعدم قرار دے کر دوبارہ ٹیسٹ لیا جائے اور داخلہ ٹیسٹ کا پرچہ لیک ہونےکی تحقیقات جےآئی ٹی سےکرائی جائے۔

یاد رہے کراچی میں طلبا نے ایم ڈی کیٹ کے امتحان پر تحفظات کا اظہار کرتے ہوئے ڈاؤ یونیورسٹی گیٹ کے سامنے احتجاج کیا تھا۔

طلبا نے کہا تھا ایم ڈی کیٹ کے تقریباً سوالات اور سوشل میڈیا پر وائرل ہونے والا پرچہ ایک جیسا ہی تھا، ٹیسٹ کومسترد کرتے ہیں، پرچہ ہرسال امتحان سے ایک رات قبل آؤٹ ہوتا ہے اور اس سال بھی ایسا ہی ہوا۔

طلبا نے سوشل میڈیا پر لیک پیپر کی تحقیقات، ٹیسٹ کے دوبارہ انعقاد کا مطالبہ کرتے ہوئے کہا تھا کہ نارواسلوک کےباعث متعددطلباٹیسٹ میں شرکت نہیں کرسکے۔

اسلام آباد : اسلام آباد ہائی کورٹ نے شہید ذوالفقار علی بھٹو یونیورسٹی کو ایم ڈی کیٹ نتائج جاری کرنے کی اجازت دے دی۔

تفصیلات کے مطابق اسلام آباد ہائیکورٹ میں ایم ڈی کیٹ امتحان میں آؤٹ آف سلیبس سوالات سے متعلق کیس کی سماعت ہوئی، اسلام آبادہائیکورٹ کےجسٹس ارباب محمدطاہر نے طلباکی درخواست پر سماعت کی۔

رجسٹرارپی ایم ڈی سی،رجسٹراریونیورسٹی اوردیگر حکام عدالت پیش ہوئے، عدالت نے استفسار کیا پہلے پروسیجر کا بتائیں، قانون کیا کہتا ہے؟ رجسٹرار نے بتایا کہ پی ایم ڈی سی ریگولیٹر ہے، ٹیسٹ کےدوران 14 ایسے کیس پکڑے جن کے پاس ڈیوائسزتھیں۔

رجسٹراریونیورسٹی نے مزید بتایا 6 سوالات ایسے ہیں جن کا لیول ہائی تھا اور گریس مارکس دیے گئے، رزلٹ تیار ہے، پی ایم ڈی سی نے خفیہ رپورٹ بھیجی، کچھ لوگ معاملات خراب کرناچاہتےہیں، 22 ہزار 500 طلبا نے امتحان دیا،200 طلبا یہاں آئے ہوں گے۔

جس پر عدالت نے استفسار کیا کسی اورصوبےمیں ایساکچھ نہیں ہواصرف یہاں ایساکیوں ہوا؟ تو رجسٹرارپی ایم ڈی سی کا کہنا تھا کہ سالوں سےشفافیت سےکام ہورہاہے،صوبوں سےمشاورت ہوتی ہے، کئی پرچے دکھاسکتےہیں امتحان سےایک روزقبل پرچہ آؤٹ ہوگیا،مافیا ایساکرتاہے۔

رجسٹرار نے استدعا کی عدالت کل صبح تک کاوقت دے،کمیٹی اجلاس کےبعدتفصیل بتادیں گے، 2 نمائندہ طلبا کے بھی آجائیں، بچے خود فیصلہ کریں کون آئے گا۔

عدالت نے کہا کہ پی ایم ڈی سی کمیٹی کانوٹیفکیشن عدالت میں دیں،طلباباہرجاکراپنے2نمائندوں کافیصلہ کرلیں، کمیٹی کوتمام اختیارات ہوں گے، سوالات اورپیپرکاامعاملہ بھی دیکھے گی، کل دوبارہ کیس سن لیں گے،کمیٹی کانوٹیفکیشن جمع کرادیں۔

رجسٹرار نے عدالت میں بیان میں کہا کہ پی ایم ڈی سی نے وی سی آر ایم یو کی سربراہی میں کمیٹی بنادی، جس کے بعد عدالت نے شہید ذوالفقار علی بھٹو یونیورسٹی کو ایم ڈی کیٹ نتائج جاری کرنے کی اجازت دے دی اور کہا ایم ڈی کیٹ کے نتائج عدالت کے حتمی آرڈر سے مشروط ہوگا۔

کراچی : طلبا نے ایم ڈی کیٹ کے امتحان پر تحفظات کا اظہار کرتے ہوئے سوشل میڈیا پر لیک پیپر کی تحقیقات اور ٹیسٹ کے دوبارہ انعقاد کا مطالبہ کردیا۔

تفصیلات کے مطابق کراچی میں طلبا نے ایم ڈی کیٹ کے امتحان پر تحفظات کا اظہار کرتے ہوئے ڈاؤ یونیورسٹی گیٹ کے سامنے احتجاج کیا۔

طلبا نے کہا ایم ڈی کیٹ کے تقریباً سوالات اور سوشل میڈیا پر وائرل ہونے والا پرچہ ایک جیسا ہی تھا، ٹیسٹ کومسترد کرتے ہیں، پرچہ ہرسال امتحان سے ایک رات قبل آؤٹ ہوتا ہے اور اس سال بھی ایسا ہی ہوا۔

طلبا نے سوشل میڈیا پر لیک پیپر کی تحقیقات، ٹیسٹ کے دوبارہ انعقاد کا مطالبہ کردیا اور کہا نارواسلوک کےباعث متعددطلباٹیسٹ میں شرکت نہیں کرسکے۔

کندھ کوٹ میں بھی میڈیکل ٹیسٹ میں پرچہ آؤٹ ہونے کیخلاف طلبا نے پریس کلب کے سامنے احتجاج کیا اور کہا ڈاؤ انتظامیہ نے کروڑوں روپے لیکر مافیاکیساتھ پرچہ آؤٹ کیا، پرچہ آؤٹ کرکےسیکڑوں طلبا کےحق پرڈاکاڈالا گیا، ہم اس جعلی میڈیکل انٹری ٹیسٹ کو نہیں مانتے۔

دوسری جانب ڈاکٹروں نے ایم ڈی کیٹ کے امتحان پرتحفظات کا اظہار کرتے ہوئے پرچہ وقت سےپہلےباہر آنے کے خلاف عدالت میں جانے اور احتجاجی تحریک چلانے کا عندیہ دے دیا۔

ینگ ڈاکٹرز ایسوسی ایشن سندھ نے اس حساس معاملےپرڈاؤ یونیورسٹی آف ہیلتھ سائنسز، چیف سیکریٹری سندھ اور وزیر اعلیٰ سندھ کو قانونی نوٹس بھیجا ہے، جس میں مطالبہ کیا گیا ہے کہ پرچہ وقت سے پہلے سوشل میڈیا پروائرل ہونے کے تنازع پر تحقیقاتی کمیٹی تشکیل دی جائے تاکہ امیدواروں کے تحفظات دور کیے جا سکیں۔

ینگ ڈاکٹرز ایسوسی ایشن سندھ کا کہنا تھا کہ ایم ڈی کیٹ کے تقریباً پچھتر فیصد سوالات سوشل میڈیا پر ایک رات قبل آؤٹ ہونے والے پرچے سے لیے گئے تھے، ہماری انتظامیہ سے شکایات جمع کروانے کی کوشش بھی ناکام رہی اگر اس بار بھی ماضی کی طرح نظر انداز کیا گیا تو احتجاجی تحریک کا آغاز کیا جائے گا۔