Tag: ایم کیوایم

کراچی : :ایم کیوایم اورپیپلزپارٹی کےدرمیان فیصلہ کن مذاکرات آج ہوں گے ، ایم کیوایم نے 3 ڈی ایم سیزکے ایڈمنسٹریٹرمرضی سے لگانے کا مطالبہ کیا ہے۔

تفصیلات کے مطابطق کراچی اور حیدرآباد میں بلدیاتی معاملات کے حوالے سے پیپلزپارٹی اور ایم کیو ایم کے درمیان فیصلہ کن مذاکرات آج وزیر اعلیٰ ہاؤس میں ہوں گے۔

ملاقات میں کراچی اور حیدرآباد کے بلدیاتی ایڈمنسٹریٹر لگانے کا جائزہ لیا جائے گا جبکہ وزیر اعلیٰ سندھ اور ایم کیو ایم کے رہنما معاہدے پر عمل درآمد کا جائزہ لیں گے۔

ملاقات میں کراچی اور حیدرآباد کے ایڈمنسٹریٹر لگانے کے معاملے کا جائزہ لیا جائے گا ، ایم کیو ایم نے حکومت سندھ سے کراچی میں تین ڈی ایم سیز میں اپنے ایڈ منسٹریٹر لگانے کا مطالبہ کیا ہے۔

پیپلز پارٹی کے چیئرمین بلاول بھٹو نے وزیر اعلیٰ سندھ کو معاملات کے فوری حل کی ہدایت کی ہے۔

یاد رہے گذشتہ روز چیئرمین پیپلزپارٹی بلاول بھٹوسے وزیراعلیٰ سندھ اور وزرا کی ملاقات ہوئی تھی ، جس میں ایم کیوایم کوبلدیاتی اداروں میں حصہ دینےاور صوبے میں بلدیاتی انتخابات کےانعقاد سے متعلق بات چیت ہوئی۔

ملاقات میں وزیراعلیٰ سندھ نے بتایا کہ ایم کیوایم نے بلدیاتی اداروں میں انتظامی عہدوں کیلئے نئے مطالبات رکھ دیے ، ایم کیوایم نے کراچی اور حیدرآباد کے ساتھ 3 اضلاع کے ایڈمنسٹریٹر شپ مانگ لی ہے جبکہ سینٹرل، ویسٹ اور ایسٹ کے ایڈمنسٹریٹر کا بھی مطالبہ کردیا۔

ذرائع نے کہا کہ جس پر بلاول بھٹو نے وزیراعلیٰ کو ایم کیوایم کیساتھ ملاقات اور معاملات حل کرنے کی ہدایت کی۔

اسلام آباد : مسلم لیگ ق آج ایم کیوایم اور بلوچستان عوامی پارٹی (بی اے پی) سے ملاقات کرے گی ، جس میں حکومتی اتحادی مستقبل کا لائحہ عمل وضع کریں گے۔

تفصیلات کے مطابق تحریک عدم اعتماد کے معاملے پر حکومت اور اتحادی جماعتوں کی اہم ملاقاتیں آج ہوں گی ، مسلم لیگ ق،ایم کیو ایم اور بلوچستان عوامی پارٹی (بی اے پی) سے ملاقات کرے گی۔

ذرائع کا کہنا ہے کہ ق لیگ اور ایم کیوایم کے رہنماؤں کی ملاقات آج ایک بجے ہوگی، ق لیگ کی طرف سے پرویز الہٰی، طارق بشیر چیمہ ودیگر رہنما ملاقات میں موجود ہوں گے۔

ملاقات میں ن لیگ، پی پی رہنماؤں سے ملاقات سے بھی آگاہ کیا جائے گا اور سیاسی صورتحال،تحریک عدم اعتماد پربھی تبادلہ خیال ہوگا۔

ق لیگ ایم کیو ایم سے ملاقات کے بعد 3 بجے بی اے پی رہنماؤں سے ملاقات کرے گی ، ملاقاتوں میں حکومتی اتحادی مستقبل کا لائحہ عمل وضع کیا جائے گا۔

گذشتہ روز مسلم لیگ (ق) اور مسلم لیگ (ن) کے رہنماؤں کی ملاقات ہوئی تھی، دونوں جماعتوں میں آئندہ انتخابات میں نشستوں پر ڈیڈ لاک برقرار ہے۔

ذرائع کا کہنا تھا کہ مسلم لیگ (ق) نے قومی اسمبلی کی 15 نشستوں پر ایڈجسٹمنٹ کا مطالبہ کر دیا جب کہ مسلم لیگ (ن) اتنی زیادہ نشستوں پر ایڈجسٹمنٹ نہیں چاہتی۔

دوسری جانب ایم کیو ایم پاکستان اورن لیگی وفد میں بھی ملاقات ہوئی ، جس میں ن لیگ نے ایم کیوایم پاکستان کے تمام تحفظات دورکرنے کی یقین دہانی کرادی ہے۔

کراچی: شہرقائد کی ترقی کا کریڈٹ کون لے؟ ایم کیوایم اور پی ٹی آئی میں اختلافات کی بڑی وجہ ترقیاتی فنڈز ہیں۔

کراچی میں ایم کیوایم کے4 اور پی ٹی آئی کے14ارکان قومی اسمبلی ہیں، وفاق کراچی کے ایم این ایز کو 15کروڑ روپے ترقیاتی فنڈز کی مد میں دے گی، پی ٹی آئی ارکان قومی اسمبلی کو تعداد کےاعتبار سے زیادہ فنڈ ملے گا۔

ذرائع کا کہنا ہے کہ ایم کیوایم نے ترقیاتی فنڈز کے ایم سی کے ذریعےخرچ کرنےکامطالبہ کیا ہے، ایم کیوایم کو خدشہ ہے پی ٹی آئی اپنےحلقوں میں ترقیاتی کام کر کےمضبوط ہوجائے گی، کے ایم سی کوخصوصی فنڈز نہ ملےتوایم کیوایم کی ناراضی ختم نہیں ہوگی۔

یہ بھی پڑھیں: حکومت کی ایم کیو ایم پاکستان کو فنڈز فراہم کرنے کی یقین دہانی

وفاقی کے بعد پی ٹی آئی سندھ کی قیادت نے بھی کے ایم سی کو براہ راست فنڈز دینے کی مخالفت کی ہے، پی ٹی آئی سندھ نے ترقیاتی فنڈز کے ایم سی کے بجائے گورنر کےذریعےخرچ کرنے پر زو دیا ہے۔

دوسری جانب وزیراعظم عمران خان کے دورہ کراچی سے قبل گورنر سندھ عمران اسماعیل سے وزیراعلیٰ مرادعلی شاہ کی ملاقات ہوئی ہے جس میں وزیراعظم کےدورہ کراچی اور سندھ کیلئےوفاق کےاقدامات پر تبادلہ خیال کیا گیا۔

اس موقع پر گورنر سندھ کا کہنا تھا کہ وفاق صوبے کے تمام اسٹیک ہولڈرز کو ساتھ لے کر چلنا چاہتا ہے،عوام کےمسائل کےحل کیلئےتمام سیاسی نمائندوں کی شمولیت ضروری ہے۔

اسلام آباد: حکمران جماعت کی اتحادی ایم کیوایم پاکستان کو وفاق نے فنڈز فراہم کرنے کی یقین دہانی کروادی۔

تفصیلات کے مطابق جہانگیر ترین کی قیادت میں پی ٹی آئی کے وفد نے اسلام آباد میں ایم کیوایم پاکستان کے رہنماؤں خالد مقبول صدیقی، کنور نوید جمیل اور دیگر سے ملاقات کی جس میں حکومتی کمیٹی نے متحدہ کے تحفظات اور
مطالبات پر ہونے والی پیش رفت سے آگاہ کیا۔

ذرائع کا کہنا ہے کہ ایم کیوایم کے رہنماؤں نے دوٹوک الفاظ میں واضح کیا کہ وفاق نے فنڈز فراہم کرنے کی یقین دہانی کروائی ہے جب فنڈز مل جائیں گے اس کے بعدلائحہ عمل بنایا جائے گا۔

یہ بھی پڑھیں: ایم کیو ایم اور حکومتی وفد کی ملاقات کی اندرونی کہانی سامنے آگئی

ذرائع کے مطابق متحدہ رہنماؤں کی حکومتی کمیٹی سے ملاقات خوشگوار ماحول میں ہوئی اب پیشرفت کا انتظار ہے، پیشرفت ہوگی اس کے بعد ہی آئندہ کا اعلان کیا جائے گا تاہم اب تک کا حتمی فیصلہ یہی ہے کہ استعفیٰ واپس نہیں لیا جارہا اور نہ ہی کابینہ میں واپس شمولیت اختیار کی جارہی ہے۔

واضح رہے کہ ایم کیوایم کے رہنما خالد مقبول صدیقی نے مطالبات پورے نہ ہونے پر وزارت سے استعفیٰ دے دیا ہے اور وفاقی کابینہ کے اجلاس میں بھی شرکت سے معذرت کر لی ہے۔

کراچی: پیپلزپارٹی کے رہنما نثار کھوڑو کا کہنا ہے کہ ایم کیوایم بلدیاتی انتخابات کے لیےعوام کو بیوقوف بنا رہی ہے تو یہ غلط ہے۔

تفصیلات کے مطابق پیپلزپارٹی کے رہنما نثار کھوڑو نے میڈیا سے گفتگو کرتے ہوئے کہا کہ وفاقی حکومت میں اتحادی سنبھالنے کی اہلیت نہیں ہے، وفاقی حکومت ملک،عوامی مسائل بھی حل کرنے کی اہل نہیں۔

نثار کھوڑو کا کہنا تھا کہ ایم کیو ایم کو عوام کے سامنے جواب دے ہونا پڑے گا، کیا وہ صرف وزارتوں کے لیے وفاقی حکومت میں ہیں، ایم کیو ایم نے سندھ حکومت میں شامل ہونے سے انکار کر دیا ہے۔

صوبائی مشیرکا کہنا تھا کہ بلدیاتی انتخابات سے پہلے کوئی بھی عوام کے ساتھ دھوکہ دہی نہ کرے، ایم کیو ایم بلدیاتی انتخابات کے لیے عوام کو بیوقوف بنا رہی ہے تو یہ غلط ہے۔

نثار کھوڑو کا کہنا تھا کہ ملک بھر کےعوام تبدیلی سے نجات چاہتے ہیں، مہنگائی نے لوگوں کی کمر توڑ کر رکھ دی ہے، پیٹرول، بجلی، گیس سمیت کھانے پینے کی اشیا مہنگی ہو رہی ہیں۔

پی ٹی آئی حکومت نے جو وعدے کیے وہ پورے نہیں کیے، پیرپگارا

اس سے قبل مسلم لیگ فنکشنل کے سربراہ پیرپگارا کا کہنا تھا کہ پی ٹی آئی حکومت نے جو وعدے کیے وہ پورے نہیں کیے۔