ARYNews.tv | Urdu – Har Lamha Bakhabar

Tag: ایم کیو ایم وفد

  • حکومت سازی کا معاملہ : ایم کیو ایم وفد کی شہباز شریف سے آج اہم ملاقات ہوگی

    حکومت سازی کا معاملہ : ایم کیو ایم وفد کی شہباز شریف سے آج اہم ملاقات ہوگی

    اسلام آباد : ایم کیو ایم کا تین رکنی وفد آج مسلم لیگ ن کے صدر شہباز شریف سے ملاقات کرے گا ، جس میں معاملات کو حتمی شکل دی جائے گی۔

    تفصیلات کے مطابق ایم کیو ایم پاکستان اور مسلم لیگ ن کے درمیان ملاقات آج شام 4بجے لاہور میں ہوگی، ذرائع نے بتایا ایم کیو ایم کا 3رکنی وفد معاملات کو حتمی شکل کیلئےشہباز شریف سے ملاقات کرے گا۔

    ذرائع کا کہنا تھا کہ ملاقات میں ایم کیو ایم کی جانب سے گورنر سندھ کامران ٹیسوری، فاروق ستار اور مصطفی کمال شامل ہوں گے ، ن لیگ کی بنائی گئی کمیٹی شہباز شریف کو معاملات پر بریفنگ بھی دے گی۔

    یاد رہے مسلم لیگ (ن) نے ایم کیو ایم کو گورنر سندھ کے حوالے سے یقین دہانی کراتے ہوئے کہا تھا کہ ایم کیو ایم گورنر کیلئے جس کا نام دے گی اسے مقرر کیا جائے گا۔

    ذرائع کے مطابق ایم کیو ایم کی جانب سے گورنر سندھ کے لیے کامران ٹسوری کا نام ہی دیئے جانے کا امکان ہے جبکہ مصطفی کمال پہلے ہی کامران ٹیسوری کو ایم کیو ایم کا گورنر، ذمہ داریاں جاری رکھنے کا بیان دے چکے ہیں۔

    واضح رہے کہ متحدہ قومی موومنٹ (ایم کیو ایم) پاکستان نے وفاق میں حکومت سازی کیلیے مسلم لیگ (ن) سے پانچ اہم وزارتوں کا مطالبہ کر رکھا ہے۔

  • ایم کیو ایم وفد کی آج ن لیگ کے قائد نواز شریف سے ملاقات ہوگی

    کراچی : ایم کیو ایم وفد کی آج ن لیگ کے قائد نواز شریف سے ملاقات ہوگی، ملاقات میں عام انتخابات اور نئی سیاسی صف بندی پر بات چیت متوقع ہے۔

    تفصیلات کے مطابق ایم کیو ایم وفد آج ن لیگ کے قائد نواز شریف سے ملاقات کرے گا ، پارٹی ذرائع نے بتایا کہ ملاقات پاکستان مسلم لیگ ن کے مرکزی سیکرٹریٹ ماڈل ٹاؤن میں ہو گی، خالد مقبول ، فاروق ستار ،مصطفی کمال اوردیگر رہنما وفدمیں شامل ہوں گے۔

    نواز شریف سے ملاقات کیلئے ایم کیو ایم کا 3 رکنی وفد لاہور پہنچ گیا ہے ،ذرائع کا کہنا تھا کہ ملاقات میں ملک کی مجموعی سیاسی صورتحال، آئندہ عام انتخابات کے بعد بننے والی نئی حکومت کے لیے چیلنجز اور مشترکہ قومی ایجنڈے پر بات چیت متوقع ہے۔

    اس کے علاوہ ملاقات میں عام انتخابات اور نئی سیاسی صف بندی پر بات چیت متوقع ہے جبکہ سندھ میں ایم کیو ایم پاکستان، جی ڈی اے، جے یو آئی ایف سمیت مسلم لیگ ن کے انتخابی الائنس پر بات چیت ہوگی۔

    ملاقات میں مسلم لیگ ن اور ایم کیو ایم ورکنگ ریلشن شپ سمیت اندرون سندھ سیاسی سیٹ ایڈجسمنٹ پر بھی بات کی جائے گی۔

    ملاقات میں شہباز شریف، مریم نواز بھی نواز شریف کی معاونت کریں گے جبکہ مسلم لیگ ن سندھ کے رہنما بشیر میمن بھی نواز شریف کی معاونت کیلئے موجود ہوں گے۔

    یاد رہے سابق وزیراعظم شہبازشریف نے ایم کیو ایم کنوینیرڈاکٹرخالدمقبول صدیقی سے ٹیلی فونک رابطہ کیا تھا اور ایم کیو ایم وفد کو لاہور آنے اور ملاقات کی دعوت دی تھی۔

  • وزیراعظم شہباز شریف اور ایم کیو ایم وفد کے درمیان ملاقات کی اندرونی کہانی سامنے آگئی

    وزیراعظم شہباز شریف اور ایم کیو ایم وفد کے درمیان ملاقات کی اندرونی کہانی سامنے آگئی

    کراچی : وزیراعظم شہباز شریف نےایم کیو ایم کی درخواست پر معاہدے پر عمل درآمد کیلئے کمیٹی تشکیل دے دی، کمیٹی معاہدے پر عمل درآمد اور رفتار تیز کرنے کیلئے کردار ادا کرے گی۔

    تفصیلات کے مطابق وزیراعظم شہباز شریف اورایم کیو ایم وفد کے درمیان ملاقات کا احوال سامنے آگیا ، ذرائع کا کہنا ہے کہ وزیراعظم نےایم کیوایم کی درخواست پرمعاہدےپرعمل درآمد کیلئے کمیٹی تشکیل دے دی۔

    ذرائع نے بتایا کہ دونوں جماعتوں پر مشتمل کمیٹی معاہدے پر عمل درآمد اور رفتار تیز کرنے کیلئے کردار ادا کرے گی ، مسلم لیگ ن کی جانب سے کمیٹی میں احسن اقبال،سعدرفیق اور ایاز صادق شامل ہیں۔

    ذرائع ایم کیوایم نے کہا ہے کہ ایم کیوایم نے پیپلزپارٹی سے کیے گئے معاہدے کی سست روی پر وزیراعظم سے شکوہ کرتے ہوئے کہا پیپلزپارٹی سے کیےگئےمعاہدےکےحوالےسےکئی اہم امورتاحال حل طلب ہیں۔

    ذرائع کے مطابق وزیراعظم معاہدے پر عمل درآمدکےحوالےسےاپناکرداراداکریں کیونکہ بلدیاتی ڈرافٹ پر نہ قانون سازی ہوسکی اور نہ سپریم کورٹ فیصلے پر عمل ہوسکا۔

    ذرائع نے بتایا کہ ایم کیو ایم نے کہا کہ مردم شماری اور بلدیاتی انتخابات کے حوالے سے عدالتوں میں درخواستیں لےکرگئے، سیاسی آزادی،لاپتہ کارکنان اورآفس کی واپسی کے حوالے سے بھی معاملے کو دیکھا جائے۔

  • ایم کیو ایم کا وفد آج پھر وزیر اعظم سے ملاقات کرے گا

    ایم کیو ایم کا وفد آج پھر وزیر اعظم سے ملاقات کرے گا

    اسلام آباد:ایم کیو یام کا وفد آج ایک بار پھر وزیر اعظم سے ملاقات کرے گا، وزیر اعظم ہاوس کے مطابق کل کی ملاقات میں ایم کیو ایم نے نئے صوبوں کا معملہ نہیں اٹھایا تھا۔

    ایم کیو ایم اور پیپلز پارٹی کے درمیان پیدا ہو نے والی دوریوں کے بعد ایم کیو ایم اور  حکمران جماعت مسلم لیگ سے قربتیں بڑھنے لگی ہے اسی سلسلے میں ایم کیو ایم وفد نے کل وزیر اعظم سے ملاقات کی تھی اور اسی سلسلے کی ایک کڑی کے طور پر ایم کیو ایم کا وفد آج بھی وزیر اعظم سے ملاقات کرنے جارہا ہے۔

    ترجمان وزیراعظم ہاوس کے مطابق ایم کیو ایم اور وزیر اعظم کے درمیان ہو نے والی کل کی ملاقات میں ایم کیو ایم کےوفد کی جانب سے نئےصوبے کا معاملہ نہیں اٹھایا۔

    ایوان وزیراعظم کے ترجمان کے مطابق گزشتہ روز ایم کیو ایم کے وفد نے ڈاکٹر فاروق ستار کی قیادت میں وزیر اعظم نواز شریف سے ملاقات کی، جس میں اہم قومی امور اور ملکی سیاسی صورتحال پر بات چیت ہوئی۔ ترجمان کا کہنا ہے کہ ان خبروں میں کوئی صداقت نہیں کہ وفد نے وزیر اعظم سے نئے صوبوں کے مسئلہ پر بات کی ہے۔ وزیرا عظم نے ایم کیو ایم کے وفد سے بات چیت میں کہا کہ مسائل کو بات چیت کے ذریعے حل کرنے کی ضرورت ہے، ملک دھرنوں کا متحمل نہیں ہو سکتا ۔

    ملاقا ت کے دوران وزیراعظم نواز شریف کا کہنا تھا کہ جمہوری پارٹیوں میں اختلاف رائے موجود رہتا ہے جسے مذاکرات کے ذریعے نظام میں رہتے ہوئے حل کیا جانا چاہئے۔ وزیر اعظم کا مزید کہنا تھا کہ نظام کی بہتری کے لئے جمہوری اداروں کے وقار کا تحفظ ضروری ہے۔

    وزیر اعظم نے منتخب جمہوری قوتوں کو متحد رہتے ہوئے ملک کی بہتری اور سلامتی سمیت سندھ میں ترقی کے لئے کام کرنے کی ضرورت پر زور دیا ۔ملاقات میں ایم کیو ایم کی جانب سے رشید گوڈیل اور نسرین جلیل جبکہ حکومت کی جانب سے وفاقی وزیر اطلاعات پرویز رشید،وفاقی وزیر برائے ریلوے خواجہ سعد رفیق اور وزیر اعظم کے پولیٹیکل سیکرٹری آصف کرمانی بھی شریک ہوئے۔