Tag: ایم کیو ایم پاکستان

کراچی: ایم کیوایم پاکستان کی جانب سے شہریوں کے مسائل کے حل کیلئے کنیکٹ کمپلین سینٹر متعارف کرادیا گیا۔

ایکسپو سینٹر میں ایم کیو ایم پاکستان کا یوتھ کنونشن منعقد ہوا جس میں شہریوں کے مسائل حل کرنے کیلئے کنیکٹ کمپلین سینٹر کا اقدام سامنے آیا ہے، ایم کیوایم پاکستان کا کمپلین سینٹر کنیکٹ 24 گھنٹے عوام کے مسائل کو سننے کیلئے دستیاب ہوگا۔

عوام کے مسائل حل کرنے لیے ایم کیو ایم کے ارکان اسمبلی کی مدد لی جائے گی اور ان کے ذریعے مسائل حل کرانے کی کوشش کی جائے گی۔

ایم کیوایم پاکستان نے کہا کہ عوام اپنے مسائل و آواز ہم تک پہنچائیں ہم حل کرنے کی کوشش کریں گے، ایم کیو ایم پاکستان نے یوتھ کے لیے نئے ترانے کا اجرا بھی کردیا ہے۔

دریں اثنا ایکسپو سینٹر میں یوتھ کنونشن سے خطاب کرتے ہوئے مصطفیٰ کمال نے کہا کہ ابھی تو پارٹی شروع ہوئی ہے، ابھی بہت کچھ آگے ہے، مایوسی کو اسی ایکسپوسینٹرمیں دفن کرکے جائیں گے۔

مصطفیٰ کمال نے کہا کہ معاشرے میں اتناجھوٹ ہے، درست لیڈر کی پہچان کرنا مشکل ہے، کوئی بدکردار ہے تو وہ سب کچھ ہوسکتا ہے لیکن لیڈر نہیں ہوسکتا۔

رہنما ایم کیوایم پاکستان فاروق ستار کا کہنا تھا کہ اب ہمیں بل گیٹس پیدا کرنے ہیں، محتاجی اور مایوسی ختم کریں گے، نوجوانوں کو ہنرمند بنائیں گے، آئی ٹیک کو فروغ دینا ہے، نوجوانوں کو برسرروزگار بنائیں گے۔

فاروق ستار نے کہا کہ کراچی کا ہرنوجوان ٹام کروز ہے، کوئی چیز ناممکن نہیں، منشیات کےعادی نوجوانوں کو اس عادت سے باہرنکالنا ہے۔

اسلام آباد : ایم کیو ایم پاکستان کے رہنما امین الحق کا کہنا ہے کہ ن لیگ کیساتھ وزارتوں سےمتعلق ابھی کوئی بات نہیں ہوئی ایم کیوایم عہدوں کیلئےنہیں عوام کےمسائل کیلئےبات کررہی ہے۔

تفصیلات کے مطابق ایم کیو ایم کے رہنما امین الحق نے اے آر وائی نیوز کے پروگرام میں گفتگو کرتے ہوئے کہا
آئین کےآرٹیکل140اےمیں ترمیم لانا چاہتےہیں، آئین میں ترمیم کیلئےدوتہائی اکثریت ضروری ہے، ہم اتفاق رائے پیدا کرنے کیلئے سب سے رابطےکررہےہیں۔

امین الحق کا کہنا تھا کہ بلدیاتی حکومتوں کومضبوط کرانےکیلئےسب سےرابطےکیےہیں، ن لیگ اورایم کیوایم نے بلدیاتی حکومتوں کو مضبوط کرنامنشورکاحصہ بنایا، مسلم لیگ ن، ق لیگ کیساتھ ہمارے مذاکرات ہوچکےہیں، ہم پی ٹی آئی سمیت سب جماعتوں کے پاس جائیں گے۔

 

View this post on Instagram

 

A post shared by ARY News (@arynewstv)

رہنما ایم کیو ایم نے کہا کہ ہرچارسال بعدبلدیاتی حکومتوں کےانتخابات کرائےجائیں گے، جیسےصوبوں کو فنڈز ملتے ہیں ایسےبلدیاتی حکومتوں کوبھی فنڈز ملیں گے۔

ان کا کہنا تھا کہ ایم کیوایم عہدوں کیلئےنہیں عوام کےمسائل کیلئےبات کررہی ہے، آج ایم اویو پردستخط ہوئے تو اسپیکر اور ڈپٹی اسپیکرکوووٹ کیے، اربن ڈیویلپمنٹ کیلئے بھی بات چیت آگے بڑھ رہی ہے۔

وزارتوں کے حوالے سے سوال پر امین الحق نے کہا کہ ن لیگ کیساتھ وزارتوں سےمتعلق ابھی کوئی بات نہیں ہوئی ہے، وزارتوں سےمتعلق آئندہ 24 سے 48 گھنٹے میں گفتگوہوگی۔

کراچی : ایم کیوایم پاکستان نے وزیراعظم کے لیے نوازشریف کوووٹ دینے کا اعلان کردیا اور کہا ( ن) لیگ سے سیٹ ایڈجسمنٹ پر بات ہوئی کچھ پر اتفاق ہوگیا ہے۔

تفصیلات سابق وفاقی وزیر امین الحق نے اپنے بیان میں کہا ہے کہ نوازشریف اگلے وزیراعظم ہوں گے، ہم انہیں ووٹ دیں گے۔

امین الحق کا کہنا تھا کہ ( ن) لیگ سے سیٹ ایڈجسمنٹ پر بات ہوئی کچھ پر اتفاق ہوگیا ہے، کچھ معاملات کو دونوں جماعتیں اپنی قیادت کو بھیجیں گی، ہر صورت سندھ میں کرپشن کو ختم کرنا ہے۔

رہنما ایم کیو ایم کا کہنا تھا کہ سپریم کورٹ کا جو فیصلہ آیا وہ اچھا فیصلہ ہے، این اے 242 پر فیصلہ شہباز شریف اور خالد مقبول کریں گے، این اے 242 میں مصطفیٰ کمال 2ماہ سے مہم چلا رہے ہیں، سندھ کے عوام کو ایم کیو ایم(ن) لیگ اتحاد کی خوشخبری ملے گی، ایم کیو ایم (ن) لیگ کی سندھ میں مشترکہ حکومت ہوگی۔

دوسری جانب رہنما نون لیگ رانا مشہود کا کہنا تھا کہ ایم کیو ایم سےمل کربہترین کمبینیشن کے ساتھ سندھ کے انتخابی میدان میں اتریں گے، آٹھ فروری کے بعد سندھ پورے پاکستان کی نمائندگی کرے گا۔

رانا مشہود نے کہا کہ فیصلہ کرلیا سندھ میں اب لوٹ مار،کرپشن، جبر اور زیادتی کی سیاست نہیں چلنےدیں گے۔