ARYNews.tv | Urdu – Har Lamha Bakhabar

Tag: ایم کیو ایم پاکستان

  • ایم کیوایم انٹراپارٹی الیکشن میں فاروق ستارکنوینرمنتخب

    ایم کیوایم انٹراپارٹی الیکشن میں فاروق ستارکنوینرمنتخب

    کراچی : ایم کیوایم پاکستان کے انٹراپارٹی الیکشن میں فاروق ستار نے 9 ہزار433 ووٹ لے کر ایک بار پھر پارٹی سربراہ کا عہدہ سنبھال لیا۔

    تفصیلات کے مطابق کراچی میں ایم کیوایم پاکستان چیف الیکشن کمشنرخواجہ نوید نے میڈیا سے گفتگو کرتے ہوئے ایم کیوایم پاکستان کے انٹرا پارٹی الیکشن کے نتائج کا اعلان کردیا۔

    خواجہ نوید کے مطابق فاروق ستارانٹرا پارٹی الیکشن میں سب سے زیادہ ووٹ لے کنوینرمنتخب ہوئے۔

    ایم کیوایم پاکستان چیف الیکشن کمشنر نے کہا کہ فاروق ستار9 ہزار433 ووٹ کے کر پہلے نمبرپررہے، کامران ٹیسوری 8545 ووٹ لےکردوسرے نمبرپر رہے۔

    عبدالوسیم 8 ہزار525 ووٹ لے کرتیسرے نمبرپررہے، خواجہ سہیل منصور8 ہزار520 ووٹ لے کرچوتھے نمبرپرجبکہ قمرمنصور7ہزار989 ووٹ لے کر پانچویں نمبرپررہے۔

    ایم کیو ایم پاکستان کی نئی رابطہ کمیٹی اورسی ای سی ارکان منتخب

    خواجہ نوید نے میڈیا سے گفتگو کرتے ہوئے کہا کہ رابطہ کمیٹی کے نومنتخب ارکان نے فاروق ستار کو کنوینرمنتخب کرلیا جبکہ ڈپٹی کنوینرزکا فیصلہ آج نومنتخب اراکین رابطہ کمیٹی کریں گے۔

    ایم کیوایم پاکستان چیف الیکشن کمشنر نے کہا کہ آئین کے آرئیکل 18 سی کے تحت الیکشن ہوئے۔

    خواجہ نوید نے کہا کہ انٹرا پارٹی الیکشن میں ٹوٹل 9 ہزار613 ووٹ کاسٹ، 163مسترد ہوئے۔

    ایم کیوایم پاکستان چیف الیکشن کمشنر نے میڈیا سے گفتگو کرتے ہوئے کہا کہ اب تمام اجلاس فاروق ستارکی سربراہی میں ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ایم کیو ایم پاکستان کی نئی رابطہ کمیٹی اورسی ای سی ارکان منتخب

    ایم کیو ایم پاکستان کی نئی رابطہ کمیٹی اورسی ای سی ارکان منتخب

    کراچی : ایم کیو ایم پاکستان کے انٹرا پارٹی الیکشن کے بعد نئی رابطہ کمیٹی کے نام سامنے آگئے، سربراہ فاروق ستارنو ہزار500 سے زائد ووٹ لے کر پہلے نمبر پرہیں، انتخابی نتائج آج الیکشن کمیشن کو بھیجے جائیں گے۔

    تفصیلات کے مطابق پی آئی بی کالونی کے کے ایم سی گراؤنڈ میں منعقد ہونے والے انٹرا پارٹی الیکشن کی گنتی مکمل ہوگئی ہے، ذرائع کے مطابق ایم کیو ایم انٹرا پارٹی الیکشن میں12ہزار سے زائد ووٹ کاسٹ ہوئے۔

    نئی ووٹنگ کے بعد ایم کیو ایم رابطہ کمیٹی میں عبدالوسیم، خواجہ سہیل منصور، کامران ٹیسوری منتخب ہوئے ہیں رابطہ کمیٹی کے دیگر ناموں میں قمرمنصور،شیخ صلاح الدین،سہیل مشہدی،علی رضاعابدی شامل ہیں۔

    اس کے علاوہ سینٹرل ایگزیکٹیو کمیٹی (سی ای سی) میں طیب حسین، سلیم بندھانی، نازیہ علی، کامران اختر، فرحت خان، عظیم فاروقی سمیت دیگر ارکان منتخب ہوئے ہیں۔

    ذرائع کا مزید کہنا ہے کہ نئی رابطہ کمیٹی اور سی ای سی کا پہلا اجلاس فاروق ستار کی رہائش گاہ پر طلب کیا گیا ہے، اجلاس میں آج بہادر آباد جانے کے اعلان سمیت کنوینر کےانتخاب پر گفتگو ہوگی۔

    ذرائع کے مطابق سب سے زیادہ ووٹ حاصل کرنے والے ڈاکٹر فاروق ستار کو ایم کیو ایم کا کنوینر منتخب کیا جائے گا، انٹرا پارٹی الیکشن کے نتائج فاروق ستارآج الیکشن کمیشن کو ارسال کریں گے۔

  • کل جذبہ خیرسگالی کے تحت بہادرآباد جاؤں گا، فاروق ستار

    کل جذبہ خیرسگالی کے تحت بہادرآباد جاؤں گا، فاروق ستار

    کراچی: ایم کیو ایم پاکستان کے رہنما فاروق ستار نے کہا ہے کہ سربراہ میں ہوں اور پارٹی دوسرے چلائیں اب یہ ایم کیو ایم پاکستان میں نہیں چلے گا، کل جذبہ خیرسگالی کے تحت بہادرآباد جاؤں گا، میرےلئےیہ 10سے12روزتکلیف دہ تھے۔

    ان خیالات کا اظہار انہوں نے پی آئی بی کالونی میں انٹرا پارٹی الیکشن کے موقع پر میڈیا سے گفتگو کرتے ہوئے کیا، فاروق ستار نے کہا کہ آج ثابت ہوگیا کہ کسی بھی تحریک یاجماعت کو کارکن ہی چلاتے ہیں۔

    انہوں نے کہا کہ اگر کسی رابطہ کمیٹی کا کوئی وجود ہے، آئین ہے تو وہ صرف کارکنوں کی وجہ سے ہے، پارٹی سربراہ میں ہوں، پارٹی کوئی اورچلارہاہو، اب یہ ایم کیوایم پاکستان میں نہیں چلےگا، بہادرآباد میں سربراہ تو بہت سارے ہیں،

    فاروق ستار نے کہا کہ انٹراپارٹی الیکشن میں کارکنان کے ووٹ سے سربراہی کا معاملہ حل ہوگا،5فروری سے آج تک لوگ ذہنی اذیت کاشکار ہیں، میرے لئے یہ10سے12روز تکلیف دہ تھے،خوشی کی بات نہیں۔

    فاروق ستار نے کہا کہ رابطہ کمیٹی، بلدیاتی نمائندگی، میئرکراچی اور چیئرمین ڈی ایم سیز کارکنوں اور عوام کی حمایت اور تائید کی وجہ سے ہیں۔

    انہوں نے کہا کہ ریحان ہاشمی کو مبارکباد پیش کرتا ہوں، وہ ثابت قدم رہے، ہرطرح کے دباؤ کے باوجود اپنی جگہ پر ڈٹے رہنے والوں کو خراج تحسین پیش کرتاہوں، ایم کیوایم پاکستان کی بہنیں، بیٹیاں سیسہ پلائی دیوارکی طرح اپنی جگہ قائم رہیں، نظریے پرثابت قدمی کا مظاہرہ کرنے پرانہیں شاباش دیتا ہوں۔

    فاروق ستار کا مزید کہنا تھا کہ پوراہاتھی نکل کر یہاں آگیا ہے صرف دُم بہادر آباد میں رہ گئی ہے، پوری اے پی ایم ایس او میرے ساتھ کھڑی ہے۔

  • فاروق ستارمسلسل میڈیا میں ٖغلط بیانی کر رہے ہیں، کنورنوید جمیل

    فاروق ستارمسلسل میڈیا میں ٖغلط بیانی کر رہے ہیں، کنورنوید جمیل

    کراچی : ایم کیو ایم پاکستان کے رہنما کنور نوید جمیل نے کہا ہے کہ فاروق ستار مسلسل میڈیا میں ٖغلط بیانی کر رہے ہیں، انہوں نے کامران ٹیسوری کی ایما پر انیس قائم خانی سے ملاقاتیں کیں۔

    یہ بات انہوں نے متحدہ قومی موومنٹ کے مرکز بہادرآباد میں میڈیا سے گفتگو کرتے ہوئے کہی ، انہوں نے کہا کہ کوئی دانستہ طور پر پارٹی کو نقصان پہنچانے کی کوشش کرے یہ بات کسی کو بھی برداشت نہیں ہے۔

    ان کا کہنا تھا کہ غیرقانونی عمل کو روکنےکیلئے ہی فارق ستار کو کنوینر شپ سے ہٹایا گیا تھا،  گزشتہ رات بھی فاروق ستار سے بہادرآباد آنے کی درخواست کی گئی لیکن وہ پھر بھی نہیں آئے۔

    ایک سوال کے جواب میں انہوں نے کہا کہ انٹرا پارٹی کے غیر قانونی الیکشن میں ایک ایک آدمی 10۔10 ووٹ کاسٹ کررہاہے، ووٹنگ میں کارکنان کے ساتھ ساتھ عوام کو بھی بلایا گیا ہے۔

    کنور نوید جمیل نے بتایا کہ فاروق ستار نے کامران ٹیسوری کی ایما پر انیس قائم خانی سے خفیہ ملاقاتیں کیں، فاروق ستار اس لائن پر کئی ماہ پہلے چلے تھے، ہم فاروق بھائئی سے تنظیمی باتوں کو چھپانے کی باتیں کیا کرتے تھے، لیکن اب باقی باتوں سے پردہ اٹھایا جائے گا۔

  • انٹرا پارٹی الیکشن سےپہلےفاروق ستارکا کارکنان کےلیے ویڈیو پیغام

    انٹرا پارٹی الیکشن سےپہلےفاروق ستارکا کارکنان کےلیے ویڈیو پیغام

    کراچی : ایم کیو پاکستان کے رہنما ڈاکٹرفاروق ستار کا کہنا ہے کہ 23 اگست 2017 کی طرح آج پارٹی دوبارہ بچانے کا وقت ہے۔

    تفصیلات کے مطابق انٹرا پارٹی الیکشن سے پہلے ایم کیو ایم پاکستان کے رہنما فاروق ستارنے ویڈیو پیغام میں کہا کہ کارکنان کراچی اورحیدرآباد پہنچ کرحق رائے دہی استعمال کریں۔

    فاروق ستار نے کہا کہ کارکنان ووٹ سے رابطہ کمیٹی اور سی ای سی کومنتخب کریں، پارٹی شدید بحران کا شکارہے، انٹرا پارٹی الیکشن واحد حل ہے۔

    ایم کیوایم پاکستان کے رہنما نے کہا کہ 23اگست کی طرح آج پارٹی دوبارہ بچانے کا وقت ہے، آج کا الیکشن پارٹی کو بحران سے بچائے گا۔

    فاروق ستار نے کہا کہ میرا 35 سال کا شفاف سیاسی کیرئیر سب کے سامنے ہے، میرا یقین کریں، میں آپ کو مایوس نہیں کروں گا۔

    ایم کیو ایم پاکستان کے رہنما نے کہا کہ بحران سے نکلنے کے بعد عام انتخابات کی تیاری کریں گے، عام انتخابات میں بڑے مارجن سے کامیابی حاصل کریں گے۔

    آج ایم کیو ایم کے انٹرا پارٹی الیکشن ہوں گے، فاروق ستار

    یاد رہے کہ گزشتہ روز متحدہ قومی موومنٹ کے رہنما فاروق ستار کا کہنا تھا کہ 18 فروری کو کراچی اور حیدر آباد میں انٹرا پارٹی الیکشن ہوں گے، واضح ہوجائے گا کہ سیاسی سربراہ کون ہے اور آئینی سربراہ کون ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • ہم سب مانتے ہیں کہ فاروق ستارپارٹی کے سربراہ ہیں: خواجہ اظہار الحسن

    ہم سب مانتے ہیں کہ فاروق ستارپارٹی کے سربراہ ہیں: خواجہ اظہار الحسن

    کراچی: ایم کیو ایم پاکستان کا اندرونی تنازع حل کرنے کے لیے ثالثی کا عمل پھر شروع ہوگیا. ثالثی کمیٹی نے فاروق ستار سے اہم ملاقات کی ہے.

    تفصیلات کے مطابق سرداراحمد، خواجہ اظہار اور خواجہ سہیل منصور پر مشتمل کمیٹی نے پی آئی بی میں‌ ایم کیو ایم پی آئی بی گروپ کے سربراہ فاروق ستار سے ملاقات کی.

    پارٹی ذرایع کے مطابق خواجہ اظہار نے فاروق ستار سے کہا ہے کہ آپ بڑے ہیں، آپ کی عزت پہلے جیسی ہی قائم ہے، جب کہ سردار احمد کا کہنا تھا کہ واپس آ جائیں، پارٹی کو منظم و متحد کرتے ہیں.

    اس سے قبل فاروق ستار کی رہائش گاہ پر پہنچنے پر خواجہ اظہار نے میڈیا سے بات چیت کرتے ہوئے کہا تھا کہ تنظیم کارکنان کی ہے، وہ تقسیم نہیں چاہتے، کارکنان بہادرآباد کے ہوں یا پی آئی بی کے، سب تنظیم کا حصہ ہیں.

    ان کا کہنا تھا کہ سب مانتے کہ ہیں فاروق ستارسربراہ ہیں، اس میں دو رائے نہیں، تقسیم سے کچھ لوگوں کو فائدہ ہو رہا ہے، جوفائدہ اٹھارہے ہیں، ان سےکہتاہوں پیٹرول چھڑکنا بند کردیں.

    فاروق ستار آئیں اورکنوینرکی سیٹ سنبھالیں: رابطہ کمیٹی کا ردعمل

    اس سوال کے جواب میں‌ انھوں نے کہا کہ ذاتی حیثیت میں نہیں آیا، ثالثی کمیٹی نےمینڈیٹ دیا ہے،ثالثی کا کردار پہلے بھی ادا کیا، اب بھی کررہا ہوں.

    یاد رہے کہ گذشتہ روز فاروق ستار نے اپنے سینیٹ کے امیدواروں‌ سے دستبرداری کا اعلان کرتے ہوئے پیش کش کی تھی کہ تحلیل شدہ رابطہ کمیٹی سینینٹ کے چار امیدواروں‌ کے نام دے دے، وہ انھیں فائنل کر دیں‌ گے.

    رابطہ کمیٹی چار سینیٹرز کے نام دے دے: فاروق ستار کا اپنے امیدواروں سے دستبرداری کا اعلان

    فاروق ستار بیک فٹ پر گئے، تو رابطہ کمیٹی کی جانب سے بھی اس کا خیرمقدم کیا گیا اور پیش کش کی گئی کہ فاروق ستار واپس آکر پارٹی کی قیادت سنبھالیں.

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • فاروق ستار آئیں اورکنوینرکی سیٹ سنبھالیں: رابطہ کمیٹی کا ردعمل

    فاروق ستار آئیں اورکنوینرکی سیٹ سنبھالیں: رابطہ کمیٹی کا ردعمل

    کراچی: ایم کیو ایم پی آئی بی گروپ کے سربراہ فاروق ستار کی جانب سے اپنے سینیٹ کے امیدواروں سے دستبرداری کے بعد کراچی کی سیاست میں نیا موڑ آگیا.

    تفصیلات کے مطابق فاروق ستار کی جانب سے سینیٹ امیدواروں کی سیلیکشن سے دستبرداری کے اعلان کا رابطہ کمیٹی کی جانب سے خیرمقدم کیا گیا ہے. ایم کیو ایم بہادر آباد گروپ کے گلشن اقبال میں جاری جلسے سے میڈیا سے بات چیت کرتے ہوئے رابطہ کمیٹی کے ارکان کا کہنا تھا کہ فاروق ستار آئیں اورکنوینرکی سیٹ سنبھالیں۔

    جلد زبردست بریک تھرو ہوگا: خواجہ اظہار الحسن

    ایم کیو ایم کے مرکزی رہنما خواجہ اظہار الحسن کا کہنا ہے کہ ہمارے دل میں فاروق ستارکی جوجگہ ہے، وہ ہمیشہ رہے گی، ہم ایک جسم کے دوبازو ہیں، جدا ہو ہی نہیں سکتے. انھوں نے امید ظاہر کی کہ 24 گھنٹے میں زبردست بریک تھروہوگا، برف پگھلے گی.

    خواجہ اظہار الحسن کا کہنا تھا کہ ہم پہلے دن سے فاروق بھائی سے کہہ رہے تھے، آپ نام فائنل کرلیں، آج انہوں نے کہہ دیا کہ ہم نام فائنل کرلیں. ان کا مزید کہنا تھا کہ فاروق بھائی کی ناراضی اب ختم ہونے والی ہے۔

    ہم سب فاروق ستارکی عزت کرتے ہیں، وہ آجائیں: کنور نوید جمیل

    میڈیا سے بات کرتے ہوئے کنور نوید جمیل نے کہا کہ فاروق ستار کا اقدام مثبت ہے، ہم فاروق ستار سے مسلسل کہہ رہے تھے، امیدوار فائنل کریں. فاروق ستارآئیں اور کنوینر کی سیٹ سنبھالیں.

    کنور نوید جمیل نے کہا کہ کامران ٹیسوری پرجو اعتراض تھا، وہ برقرار ہے، ہم سب فاروق ستارکی عزت کرتے ہیں، وہ آجائیں، الیکشن کمیشن میں جو 16 نام دیے ہیں، فاروق ستار کی مشاورت سے انھیں میں سے چار فائنل کریں گے. اجلاس کے بعد بیٹھ کر مشاورت کریں گے.

    فاروق ستار بہادرآباد آئیں اور رابطہ کمیٹی کا اجلاس بلائیں

    ایم کیو ایم کی سنیئر رہنما نسرین جیل کا کہنا تھا کہ سینیٹ ٹکٹ تو بہانہ بن گیا، اصل بات یہ ہے کہ پارٹی آئین، منشور اور اختیارات کیا ہیں، ابھی بہت سی باتیں طے نہیں، پارٹی کہاں ہے اور کیا ہے یہ الیکشن کمیشن کو بتانا ہے.

    ان کا مزید کہنا تھا کہ جو بھی غلطی پرہے، اسے تسلیم کرے، یہ سلسلہ اب ختم ہونا چاہیے. فاروق ستار بہادرآباد آئیں اوررابطہ کمیٹی کا اجلاس بلائیں.

    رابطہ کمیٹی چار سینیٹرز کے نام دے دے: فاروق ستار کا اپنے امیدواروں سے دستبرداری کا اعلان

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پارٹی میں اب نئےلوگوں کوسامنےلےکرآنا ہے‘ فاروق ستار

    پارٹی میں اب نئےلوگوں کوسامنےلےکرآنا ہے‘ فاروق ستار

    کراچی : ایم کیوایم رہنما ڈاکٹرفاروق ستار کا کہنا ہے کہ 2018 کے انتخابات سے پہلے ہم انٹراپارٹی الیکشن کرائیں گے۔

    تفصیلات کے مطابق فاروق ستارنے یاسین آباد قبرستان کے باہر میڈیا سے گفتگو کرتے ہوئے کہا کہ نام نہاد رابطہ کمیٹی نےغیرآئینی اجلاس کیے۔

    فاروق ستار نے کہا کہ نام نہاد رابطہ کمیٹی نے مجھے کنونیرکےعہدے سے فارغ کیا، کنوینرکا واحدعہدہ ہے جوالیکشن کے ذریعے منتخب کیا جاتا ہے۔

    ایم کیو ایم رہنما نے کہا کہ ہمیں بہت جلدی خود کومنظم کرنا ہوگا، ہم اپنےب نیادی نظریے پرقائم ہیں، کارکن کی حیثیت سے سب کومل کرکام کرنا ہے۔

    انہوں نے کہا کہ یہ پتنگ ہم سے زیادہ دورنہیں جائے گی، ہم اپنےعوام اورکارکنان کے ساتھ ہیں۔

    فاروق ستار نے کہا کہ 2018 کے انتخابات سے پہلے ہم انٹراپارٹی الیکشن کرائیں گے، پارٹی میں اب نئے لوگوں کو سامنے لے کرآنا ہے۔

    انہوں نے کہا کہ کارکنان کو مایوس نہیں کریں گے، شہدا کوکسی حال میں بھول نہیں سکتے۔

    ایم کیوایم رابطہ کمیٹی نے خالد مقبول صدیقی کو کنونیر مقرر کردیا

    خیال رہے کہ گزشتہ روزخالد مقبول صدیقی کا انتخاب ڈاکٹر فاروق ستار کو کنونیر کے عہدے سے سبکدوش کرنے کے بعد رابطہ کمیٹی کے ہونے والے اہم اجلاس میں کیا گیا تھا۔

    بعدازاں ایم کیو ایم کے رہنما ڈاکٹر فاروق ستار نے رابطہ کمیٹی کے اختیارات اور اس کو تحلیل کرتے ہوئے نئے انٹرا پارٹی انتخابات کرانے کا اعلان کیا تھا، ان کا کہنا تھا کہ بہادرآباد والوں کے تمام اقدامات غیر آئینی ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

  • سازش کے تحت ایم کیوایم حقیقی ٹوکے قیام کی بنیاد رکھ دی گئی، فاروق ستار

    سازش کے تحت ایم کیوایم حقیقی ٹوکے قیام کی بنیاد رکھ دی گئی، فاروق ستار

    کراچی : ایم کیو ایم پاکستان کے رہنما ڈاکٹر فاروق ستار نے کہا ہے کہ رابطہ کمیٹی کا فیصلہ اس بات کا ثبوت ہے کہ مسئلہ ایک فرد کا نہیں بلکہ پارٹی پرقبضےکاہے، آج ایم کیوایم حقیقی ٹو کےقیام کی بنیاد رکھی گئی ہے، مجھے نہیں وفادار اور محنتی کارکنان کو ایم کیوایم سے نکالا گیا۔

    ان خیالات کا اظہار انہوں نے پی آئی بی کالونی میں میڈیا سے گفتگو کرتے ہوئے کیا، فاروق ستار کا کہنا تھا کہ سازش بے نقاب ہوگئی، میرے نادان، ناسمجھ ساتھیوں، بھائیوں نے ثابت کردیا کہ مسئلہ ایک فرد کا یا سینیٹ کی سیٹوں کا نہیں ہے پارٹی سربراہی اور پارٹی پر قبضے کا ہے، میرے ساتھیوں نے بردارانِ یوسف کا کردار ادا کرتے ہوئے آج ایم کیوایم حقیقی ٹو کےقیام کی بنیاد رکھی۔

    فاروق ستار نے کہا کہ میں نے اتنی غلطیاں کی تھیں تو سینیٹ الیکشن کا انتظار ہی نہیں کرنا چاہیے تھا، مسئلہ ساری سیٹوں پر اپنے من پسند لوگوں کو نامزد کرنے کا تھا، نیک نیتی تھی تو یہ قرارداد7فروری کو کیوں منظور کی گئی؟

    انہوں نے ازراہ مذاق کہا کہ میں پھر بھی یہ نہیں کہوں گا کہ مجھے کیوں نکالا؟ انہوں نے مجھے نہیں نکالا بلکہ ایک ایک کارکن کو نکالا گیا ہے، میرے اسیروں اور لاپتہ ساتھیوں کےخون کا سودا کیا گیاہے، معاملہ سیٹ پر قبضہ دینے کےاختیار کا تھا۔

    کنورنوید جواب دیں منصوبہ ہوتا ہے تو تیاری کی جاتی ہے، ایک طرف منصوبہ بندی اور دوسری طرف ثالثی کی پیش کش کی جارہی تھی، کل یہ کہاگیا ہم میں سے کسی کو کنوینر نہیں بننا، جوکنوینر ہےاسی کو فارغ کردیا گیا، اب کنوینر کی کرسی پر کوئی نہ کوئی تو بیٹھے گا؟

    انہوں نے کہا کہ میں نے کل بھی کہا تھا کہ پارٹی کو تقسیم سے بچاؤ، سینیٹ نشستوں کو لات مارو، لیکن یہ کہتے ہیں میری ساری باتیں مان لیں گئیں لیکن میری کوئی تجویز نہیں تھی، تمام تجاویز رابطہ کمیٹی کی اپنی تھیں، یہ لوگ اپنے مفادات کو ایک ٹکٹ دینے کی آڑ میں چھپا رہےہیں، قبضہ گروپ بالکل سفیدجھوٹ بول رہاہے۔

    انہوں نے کہا کہ اس بات کرارار جواب کے ایم سی اسٹیڈیم میں دیا جائےگا، اس میں فیصلہ ہوگا کہ کارکن رابطہ کمیٹی کے ساتھ ہیں یا وہ میرا ساتھ دے رہے ہیں؟ کارکنوں کااجلاس اور کارکنوں کی اسمبلی جمع ہوگی پھرجواب دیاجائیگا۔

  • ایم کیوایم رابطہ کمیٹی کے ارکان بہادرآباد پہنچ گئے

    ایم کیوایم رابطہ کمیٹی کے ارکان بہادرآباد پہنچ گئے

    کراچی : ایم کیو ایم رابطہ کمیٹی کے ارکان کی جانب سے جنرل ورکرزاجلاس میں شرکت کرنے یا نہ کرنے کا فیصلہ آج کیا جائے گا۔

    تفصیلات کے مطابق ایم کیوایم رابطہ کمیٹی کے ارکان عامرخان، فیصل سبزواری، کنورنوید اورخالد مقبول صدیقی بہادرآباد پہنچ گئے۔

    ذرائع کے مطابق بہادرآباد پرموجود اراکین کی مشاورت کے بعد آج جنرل ورکرزاجلاس میں شرکت کرنے یا نہ کرنے کا فیصلہ کیا جائے گا۔

    ذرائع کا کہنا ہے کہ ایم کیوایم رابطہ کمیٹی کے ارکان کے مشاورتی اجلاس میں آئندہ کا لائحہ عمل بھی طے کیا جائے گا۔

    قاتل کے ساتھ نہیں فاروق ستار کے ساتھ ہوں‘ سلمان مجاہد

    خیال رہے کہ گزشتہ روز رکن قومی اسمبلی سلمان مجاہد بلوچ نے ایم کیوایم پاکستان میں شمولیت کا اعلان کرتے ہوئے کہا تھا کہ میں قاتلوں اور مفادیوں کے ساتھ نہیں بلکہ فاروق ستار کے ساتھ ہوں۔

    ایم کیو ایم کے سینئر رہنما عامر خان سلمان مجاہد کی جانب سے سازش کے الزامات پرآبدیدہ ہوگئے تھے اور ساری زندگی کنوینرنہ بننے کا اعلان کیا تھا۔

    فاروق ستارکی جانب سے رابطہ کمیٹی کے اراکین کوشوکازنوٹس جاری

    یاد رہے کہ گزشتہ رات سربراہ ایم کیوایم پاکستان ڈاکٹر فاروق ستار نے رابطہ کمیٹی کے 33 اراکین کو شوکاز نوٹس جاری کیے تھے۔

    رابطہ کمیٹی کے اراکین کو شو کاز نوٹس تنظیمی نظم و ضبط کی خلاف ورزی کرنے پر جاری کیے گئے تھے جس پر ڈاکٹر فاروق ستار کے بطور کنونیر دستخط موجود تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔