کراچی : ایم کیو ایم پاکستان کے رہنما ڈاکٹر فاروق ستار کا کہنا ہے کہ ہماری طاقت ہمارا ووٹ بینک ہے جسے تقسیم کرنے کی کوشش کی جا رہی ہے۔

تفصیلات کے مطابق ڈاکٹر فاروق ستار نے پریس کانفرنس سے خطاب کرتے ہوئے کہا کہ ایم کیو ایم ایک سیاسی حقیقت ہے جو کراچی ،حیدر آباد ،میرپور خاص سمیت سندھ کی شہری علاقوں کی منتخب جماعت ہے جیسے تسلیم کیا جانا چاہیے۔

انہوں نے مزید کہا کہ جمہوری نظام میں ایک دوسرے کے مینڈیٹ کا احترام کیا جاتا ہے لیکن ستم بلائے ستم یہ ہے کہ جمہوری دور میں ہی ہمارے ووٹ بینک کو کمزورکرنے کے لیےایم کیوایم کو تقسیم در تقسیم کیا جارہا ہے۔

میڈیا سے گفتگو کے دوران ڈاکٹرفاروق ستار نے بتایا کہ کل ہم نے منتخب نمائندوں سمیت کارکنان کا ایک ایم اور بڑا اجتماع کیا جس کو سبوتاژ کرنے کی کوشش کی گئی اور ایک بار بھی ہمیں ہمارے ایک کی کارکن کی لاش کی تحفہ دیا گیا

میڈیا کو تفصیلات بتاتے ہوئے ڈاکتر فاروق ستار کا کہنا تھا کہ کارکن کو کورنگی سے ایک سال قبل گرفتارکیا گیا تھا جس کی بازیابی کے لیے اہل خانہ نے مختلف پیٹیشن بھی دائر کر رکھی تھیں لیکن کل کارکن کی لاش لاڑکانہ کےل ویران میدان میں پھینک دی گئی جو نہایت افسوسناک امر ہے

ڈاکٹر فاروق ستار کا کہنا تھا کہ مہاجروں کا سیاسی، معاشی اور سیاسی استحصال کیا جارہا ہے ،ہمیں نہ صرف دیوارسےلگا دیا گیا ہے بلکہ روزگار کے دروازے بھی بند کردیے گئے ہیں۔

اسلام آباد : متحدہ قومی موومنٹ پاکستان نے نیشنل ایکشن پلان پر ناکافی عمل درآمد سے متعلق قرارداد قومی اسمبلی میں جمع کرادی ہے۔

تفصیلات کے مطابق قومی اسمبلی سیکریٹریٹ میں جمع کرائی گئی قرارداد میں کہا گیا ہے کہ وفاقی حکومت نیشنل ایکشن پلان پرعملدرآمد کرانے میں ناکام ہوچکی ہے۔

قرارداد کے متن میں کہا گیا ہے کہ ایکشن پلان پرعملدرآمد نہ ہونے سے آپریشن ضربِ عضب کی کامیابیوں کو نقصان پہنچنے کا خدشہ ہے اور اس کے درست ثمرات عوام تک منتقل ہونے میں مشکلات کا سامنا ہے۔

اسی سے متعلق : وزیراعظم نےآپریشن کی مانیٹرنگ کیلئے خصوصی کمیٹی قائم کردی

ایم کیوایم کی جانب سے اس قرارداد کے نکات پر بحث و مباحثہ اور اتفاق رائے قائم کرنے کے لیے آل پارٹیز کانفرنس بلانے کا بھی مطالبہ کیا گیا ہے۔

ذرائع کے مطابق قرارداد ایم کیوایم پاکستان کے اراکین اسمبلی کنوینیرڈاکٹر فاروق ستار،ڈپٹی کنوینیرخالد مقبول صدیقی اوررکن رابطہ کمیٹی خواجہ سہیل منصور نے قومی اسمبلی سیکریٹریٹ میں جمع کروائی ہے۔

واضح رہے کہ قومی ایکشن پلان کے تحت کراچی میں کیے گئے رینجرزآپریشن کے دوران شکایات کے ازالے کے لیے ایم کیو ایم نے وفاق سے ایک مانیٹرنگ کمیٹی بنانے کا مطالبہ کیا گیا تھا جو ناگزیر وجوہات کی بناء پرتا حال نہیں بن پائی ہے۔

یاد رہے وزیراعظم پاکستان نے ایم کیو ایم کے مطالبے پر ایک مانیٹرنگ کمیٹی کا اعلان بھی کیا تھا تا ہم اب تک وہ کمیٹی کئی پیچیدگیوں اور رکاوٹوں کے باعث فعال ہوتی نظر نہیں آئی۔