Tag: ایم کیو ایم پاکستان

  • ایم کیو ایم پاکستان کا ضمنی الیکشن میں حصہ لینے فیصلہ

    کراچی: ایم کیو ایم پاکستان نے ضمنی الیکشن میں بھرپور طریقے سے حصہ لینے کا فیصلہ کرلیا۔

    اے آر وائی نیوز کے مطابق سابق میئر کراچی وسیم اختر نے میڈیا سے گفتگو کرتے ہوئے کہا کہ استعفے منظور ہونے کے بعد کراچی کی خالی نشستوں پر الیکشن لڑیں گے۔

    انہوں نے کہا کہ ایم کیو ایم پی ڈی ایم کی اتحادی ہے لیکن فیصلے ہمارے اپنے ہوں گے اگر جماعت اسلامی یا پی ٹی آئی کا میئر آیا تو پیپلزپارٹی کام کرنے نہیں دے گی۔

    ایم کیو ایم رہنما نے کہا کہ چیف جسٹس بلدیاتی الیکشن پر سوموٹو ایکشن لیں ہم اداروں سے بھی امید کرتے ہیں کہ مطالبات کو سنجیدگی سے لیا جائے گا۔

    وسیم اختر کا کہنا تھا کہ کراچی کے مسائل کے لیے پی ٹی آئی سے اتحاد کیا تھا پھر مسائل کے حل کے لیے پی ٹی آئی کو چھوڑ کر پیپلزپارٹی سے اتحاد کیا۔

    انہوں نے کہا کہ نئے میئر کے پاس نہ انتظامی اور نہ مالی اختیارات ہوں گے نیا آنے والا میئر میری طرح چار سال چیختا رہے گا۔

    انہوں نے مزید کہا کہ کراچی کو کیا دوسرا بنگلہ دیش بنانے کی تیاری ہے کراچی کو دو ڈویژن میں تقسیم کرنے کی بات سنی لیکن کراچی ایک ڈویژن ہونا چاہیے شہر کو سات اضلاع میں تقسیم کردیا گیا ہے۔

  • ایم کیو ایم پاکستان کا بلدیاتی الیکشن کی بے ضابطگیوں پر پٹیشن دائر کرنے کا فیصلہ

    کراچی: ایم کیو ایم پاکستان نے بلدیاتی الیکشن کی بے ضابطگیوں پر پٹیشن دائر کرنے کا فیصلہ کرلیا ہے۔

    اے آر وائی نیوز کے مطابق ذرائع کا کہنا ہے کہ ایم کیو ایم پاکستان کے رہنماؤں کی قانونی ماہرین سے مشاورت جاری ہے، ایم کیو ایم جلد بلدیاتی الیکشن میں ہونے والی بے ضابطگیوں پر پٹیشن دائر کرے گی، حلقہ بندیوں کے حوالے سے سندھ حکومت کو خط بھی پٹیشن کا حصہ بنایا جائے گا۔

    ایم کیو ایم ذرائع کا بتانا ہے کہ بادی النظر آئین کی 22ویں ترمیم، آرٹیکل 218 ٹو، 2019 کی خلاف ورزی کی گئی ہے۔ غیرآئینی اقدامات پر آئین کے تحت بنیادی حقوق کی خلاف ورزی پر پٹیشن دائر کریں گے۔

    واضح رہے کہ گزشتہ روز کراچی میں خالد مقبول صدیقی اور مصطفیٰ کمال کے ہمراہ پریس کانفرنس کرتے ہوئے فاروق ستار کا کہنا تھا کہ بلدیاتی انتخابات جیسے بھی ہوئے عوام کے سامنے ہیں، ایک دھاندلی قبل از انتخابات ہوئی اور دوسری انتخابات کے دوران ہوئی ہے۔

    ان کا کہنا تھا کہ آج ساری جماعتیں الیکشن میں سمجھ رہی تھیں کہ ووٹرز نکلیں گے، کراچی اور حیدر آباد کے عوام کو بنیادی حقوق سے محروم کیا گیا اس لیے انہوں نے بائیکاٹ کیا۔

    ایم کیو ایم رہنما کا کہنا تھا کہ انتظار کیا جا رہا تھا کہ موقع ملے تاکہ فائدہ اٹھائیں لیکن عوام نے جواب دے دیا، ٹرن آؤٹ نے بتا دیا کہ عوام کے بنیادی حقوق پر سودا کر کے نشستیں ہڑپ کی گئیں۔

  • ’پیپلزپارٹی کراچی کے الیکشن کو ہائی جیک کرنا چاہتی ہے‘

    کراچی: مہاجر قومی موومنٹ کے چیئرمین آفاق احمد کا کہنا ہے کہ تینوں جماعتوں کے ملنے پر مبارک باد دیتا ہوں موجودہ غیریقینی صورتحال کی ذمہ دار سندھ حکومت ہے، پیپلزپارٹی شہر کے الیکشن کو ہائی جیک کرنا چاہتی ہے۔

    اے آر وائی نیوز کے مطابق چیئرمین مہاجر قومی موومنٹ آفاق احمد نے نیوز کانفرنس کرتے ہوئے کہا کہ دعا ہے کہ یہ تینوں جماعتیں مل کر قوم کے لیے کچھ کریں گے، مہاجر قومی موومنٹ اور تینوں جماعتوں نے بھی حلقہ بندیوں پر کئی بار آواز اٹھائی۔

    انہوں نے کہا کہ آج بھی سندھ کے شہری عوام غیریقینی صورتحال سے دوچار ہیں مہاجر قومی موومنٹ نے ہمیشہ مسائل پر بات کی ہے، ہم نے مسائل اٹھانے والوں کے ساتھ آواز سے آواز اٹھائی ہے۔

    آفاق احمد نے کہا کہ متحدہ اور پیپلزپارٹی کے مذاکرات حتمی شکل میں نہیں آئے تمام اداروں نے امن و امان کی خراب صورت حال کی نشاندہی کی ہے ہزار سے زائد اہلکار اندرون سندھ سے کراچی میں تعینات کیے جائیں گے، فوج اور رینجرز کو پولنگ الیکشن اسٹیشنز پر میں تعینات کیا جائے گا تو مہاجر قومی موومنٹ حصہ لے گی۔

    مہاجر قومی موومنٹ کے چیئرمین نے کہا کہ ایک طرف متحدہ کی طرف سے اعلان ہوا کہ الیکشن لڑیں گے نہ لڑنے دیں گے دوسری جانب لندن سے بھی بائیکاٹ کیا ایسے حالات میں عوام کا نکلنا آسان نہیں ہے۔

    انہوں نے کہا کہ اندرون سندھ سے بلوائی گئی پولیس کے ذریعے الیکشن نہ کروائے جائیں پیپلزپارٹی کو عوام کی خواہشات کا احترام کرنا ہوگا۔

    آفاق احمد نے کہا کہ وفاق اور سندھ حکومت سے مطالبہ ہے کہ اس معاملے پر اقدامات کریں، سندھ کے اندر فوج اور رینجرز کو پولنگ اسٹیشن میں تعینات کیا جائے۔

    انہوں نے مزید کہا کہ ہم متحدہ سے رابطے میں ہیں مہاجروں کے مفاد میں اگر کوئی فیصلہ کرنا پڑا تو ہم ساتھ ہیں ہم الیکشن سے علیحدہ نہیں ہورہے یہ بھی نہیں چاہیں گے عوام کو آگ میں جھونکیں۔

    مہاجر قومی موومنٹ کے چیئرمین نے کہا کہ ہر تھوڑے دن بعد جماعت اسلامی کی ترجیحات تبدیل ہوجاتی ہیں جبکہ پیپلزپارٹی شہر کے الیکشن کو ہائی جیک کرنا چاہتی ہے۔

  • ’آئین میں سپریم کورٹ کی زیادہ اہمیت ہے یا الیکشن کمیشن کی؟‘ فاروق ستار

    کراچی: ایم کیو ایم رہنما فاروق ستار کا کہنا ہے کہ آئین میں سپریم کورٹ کی زیادہ اہمیت ہے یا الیکشن کمیشن کی، سندھ بلدیاتی الیکشن سے متعلق سپریم کورٹ کا فیصلہ موجود ہے۔

    اے آر وائی نیوز کے مطابق ایم کیو ایم پاکستان کے رہنماؤں فاروق ستار اور فیصل سبزواری نے میڈیا سے گفتگو کرتے ہوئے کہا کہ سندھ حکومت خود اعتراف کررہی اور حلقہ بندیاں ٹھیک کرنے کے لیے تیار ہے، یہ پریس کانفرنس نہ توہین الیکشن کمیشن ہے اور نہ ہی توہین عدالت ہے۔

    سیکشن 9 کو الیکشن کمیشن نے استعمال کیا ہے جو لاگو نہیں

    ہوتا، فروغ نسیم

     فروغ نسیم نے کہا کہ سیکشن 9 کو الیکشن کمیشن نے استعمال کیا ہے جو لاگو نہیں ہوتا پھر بھی بلدیاتی الیکشن ہوتے ہیں تو اس کی قانونی حیثیت نہیں ہوگی۔

    انہوں نے کہا کہ پی ٹی آئی نے ہماری درخواست کو کاپی پیسٹ کیا ہے ہم بات کراچی کے حقوق کی کررہے ہیں، سندھ حکومت کے آرڈر کا مطلب ہے آج کی تاریخ میں کوئی حلقہ بندی نہیں سپریم کورٹ کے کہنے پر سندھ حکومت کو ہم نے قائل کرنے کی کوشش کی جب قائل کیا تو سندھ حکومت نے ٹین ون کا آرڈر پاس کیا۔

    فروغ نسیم نے کہا کہ 31 دسمبر 2021 کو سندھ حکومت نے بہت سی یوسیز بنائی تھیں ان بنائی گئی یوسیز کی آبادی صحیح نہیں تھی، حلقہ بندیوں میں ایم کیو ایم کے ووٹرز کو ڈاؤن سائز کیا گیا جہاں ہمارا ایک ووٹر تھا دوسرے حلقے میں وہاں تین ووٹر تھے۔

    انہوں نے مزید کہا کہ مہاجر آبادی کے ووٹ کو تقسیم کرنے کی سازش کی گئی ہم نے عدالتوں میں بروقت درخواست دائر کی تھی سپریم کورٹ میں جب ہم گئے اور ہماری بات سنی، سپریم کورٹ نے سندھ حکومت اور الیکشن کمیشن سے رجوع کرنے کہا تھا۔

    الیکشن کمیشن سے ایم کیو ایم بھاگ نہیں رہی بلکہ کراچی سے آپ کو بھگائے گی، فیصل سبزواری

    فیصل سبزواری نے کہا کہ الیکشن کمیشن سے ایم کیو ایم بھاگ نہیں رہی بلکہ کراچی سے آپ کو بھگائے گی امیدواروں کے کارناموں کے سبب صرف عمران خان کی تصاویر لگا رہے ہیں۔

    انہوں نے کہا کہ دوسری جماعت کراچی میں اپنے امیر تک کی تصاویر نہیں لگا پارہی ہے موجودہ حلقہ بندیوں میں آئین کی خلاف ورزی ہورہی تھی۔

    ایم کیو ایم رہنما نے کہا کہ متنازع حلقہ بندیوں کے خلاف جنگ کو آخری سطح تک لے کر جائیں گے۔

  • ’سرفراز دھوکا نہیں دیتا اب دھوکا کھائے گا بھی نہیں‘ فاروق ستار

    ایم کیو ایم کے رہنما فاروق ستار کا کہنا ہے کہ ’سرفراز احمد دھوکا نہیں دیتا اور اب وہ دھوکا کھائے گا بھی نہیں۔

    اے آر وائی نیوز کے مطابق ایم کیو ایم رہنما فاروق ستار نے دوٹوک اعلان کرتے ہوئے ’سرفراز احمد دھوکا نہیں دیتا، سرفراز کی بحالی سے کرکٹ اور عزت نفس کی بحالی ہوئی ہے۔

    انہوں نے کہا کہ انگلینڈ کے خلاف 2022 میں ٹیسٹ میچز کھیلے ہار گئے اور 2023 میں نیوزی لینڈ کے خلاف دونوں میچ برابر کردیے۔

    فاروق ستار نے مزید کہا کہ اس ڈرا کے ساتھ کرکٹ کی ساکھ کی بحالی کا مظاہرہ بھی ہے اور کرکٹ کی ساکھ کی بحالی کیسے ہوئی سرفراز کی بحالی ہوئی ہے۔

     

    واضح رہے کہ سرفراز احمد کی چار سال بعد ٹیسٹ کرکٹ میں واپسی ہوئی، قومی بیٹر نے نیوزی لینڈ کے خلاف دو ٹیسٹ میچز کی سیریز میں ایک سنچری اور تین نصف سنچریاں اسکور کیں۔

    سابق کپتان نے میڈیا سے گفتگو کرتے ہوئے کہا تھا کہ ’کم بیک کرنا مشکل ہوتا ہے جب پہلی گیند کھیل رہا تھا تو ایسا لگ رہا تھا کہ دوبارہ ڈیبیو کررہا ہوں۔


    عبوری چیف سلیکٹر شاہد خان آفریدی سمیت موجودہ و سابق کرکٹرز نے بھی سرفراز کی شاندار اننگز کی تعریف کی تھی جبکہ شعیب ملک نے شاہد آفریدی کو مشورہ دیا تھا کہ سرفراز احمد کو ون ڈے ٹیم میں بھی شامل کیا جانا چاہیے۔

    خیال رہے کہ پاکستان اور نیوزی لینڈ کے درمیان ون ڈے سیریز کراچی میں کھیلی جارہی ہے، پہلے میچ میں گرین شرٹس نے کامیابی حاصل کی جگہ دوسرے میچ میں کیویز نے قومی ٹیم کو آؤٹ کلاس کیا، تین میچز کی سیریز 1-1 سے برابر ہے فیصلہ کن میچ کل کھیلا جائے گا۔

  • ایم کیو ایم کا سیاسی میدان دیگر جماعتوں کیلیے خالی نہ چھوڑنے کا فیصلہ

    ایم کیو ایم کا سیاسی میدان دیگر جماعتوں کیلیے خالی نہ چھوڑنے کا فیصلہ

    کراچی: ایم کیو ایم پاکستان نے سیاسی میدان کسی بھی طرح پی پی، دیگر جماعتوں کے لیے خالی نہ چھوڑنے کا فیصلہ کرلیا۔

    اے آر وائی نیوز کے مطابق ایم کیو ایم رابطہ کمیٹی اجلاس میں سیاسی صورت حال، بلدیاتی انتخابات، پی پی کے معاملات پر گفتگو کی گئی۔

    ایم کیو ایم ذرائع کا بتانا ہے کہ حلقہ بندیوں، ووٹر لسٹ، دیگر تحفظات ہیں لیکن سیاسی میدان سے بھاگنے والے نہیں، ایم کیو ایم دھاندلی کے خلاف اپنی احتجاجی تحریک بھی جاری رکھے گی۔

    ذرائع کا بتانا ہے کہ ایم کیو ایم پاکستان نے الیکشن کمیشن سندھ کے باہر احتجاج کی تاریخ بھی تبدیل کردی ہے ایم کیو ایم اب 9 کے بجائے 11 جنوری کو حلقہ بندیوں اور پیپلزپارٹی کے خلاف احتجاج کرے گی۔

    واضح رہے کہ ایم کیو ایم نے الیکشن کمیشن کے سامنے احتجاج کی کال بھی دے رکھی ہے جبکہ احتجاج کے لیے دیگر جماعتوں کو بھی شرکت کی دعوت دی گئی ہے۔

    واضح رہے کہ گزشتہ دنوں ایم کیوایم کنوینر خالد مقبول نےمصطفی کمال کوباضابطہ احتجاج میں شرکت کی دعوت دی تھی۔

    ان کا کہنا تھا کہ پیپلزپارٹی نے اپنے مفاد اور شہری سندھ پر قبضہ کرنےکیلئےحلقہ بندیاں کی پیپلزپارٹی اور غیرمنصفانہ حلقہ بندیوں کےخلاف مل کر آواز اٹھانا ہو گی۔

    پی ایس پی چیئرمین مصطفی کمال کا کہنا تھا کہ قوم کے وسیع تر مفاد میں سب کو  یکجا ہو کرنا انصافی پر اٹھنا ہوگا شہر، صوبے کیلئےکسی کیساتھ بھی جدوجہدکرنےکیلئےتیارہوں۔

  • ’ایم کیو ایم دھڑوں کا متحد ہونا وقت کی ضرورت، کب متحد ہونگے وقت نہیں بتا سکتا‘

    کراچی: تنظیم بحالی کمیٹی کے سربراہ فاروق ستار کا کہنا ہے کہ ایم کیو ایم دھڑوں کا متحد ہونا وقت کی ضرورت ہے اور یہ دھڑے کب تک متحد ہوں گے اس کے وقت کا نہیں بتا سکتا۔

    پروگرام الیونتھ آور میں گفتگو کرتے ہوئے فاروق ستار نے کہا کہ مجھے ہی دیکھنا ہوگا کہ ہم مہاجروں کی ضرورت کو کیسے حل کریں گے ہماری کامیابی بھی اسی میں ہے کہ ہم انفرادی نہیں اجتماعی مفادات پر فیصلے کریں۔

    "خالد مقبول صدیقی کی قیادت میں کام کرنے پر کوئی اعتراض نہیں”

    انہوں نے کہا کہ کنوینر خالد مقبول صدیقی کی قیادت میں کام کرنے پر کوئی اعتراض نہیں ہے جبکہ ایم کیو ایم کی قیادت کے حوالے سے گورنر نے مجھ سے کوئی گفتگو بھی نہیں کی ہے۔

    فاروق ستار نے کہا کہ پی ایس پی کی قیادت کو بھی سمجھ آگیا ہے کہ اس کے علاوہ اب کوئی چارہ نہیں ہے میں نے تو ایم کیو ایم سے الگ رہ کر بھی کوئی جماعت تشکیل نہیں دی۔

    "ہمیں چھ سال سے متحد ہونے کا موقع ہی نہیں دیا گیا”

    انہوں نے کہا کہ میں سمجھتا ہوں کہ اس موقع پر کراچی میں رہنے والی تمام اکائیوں کو متحد ہونا چاہیے، ہمیں چھ سال سے متحد ہونے کا موقع ہی نہیں دیا گیا۔

    ڈاکٹر فاروق ستار نے کہا کہ ’میری پوزیشن تو ابھی بھی 23 اگست والی ہے جہاں سے ایم کیو ایم سے الگ ہوگیا تھا میں اپنے ویژن کے مطابق سمجھتا تھا کہ ایم کیو ایم کے تمام دھڑوں کو متحد ہونا چاہیے اور میری خواہش بھی یہی تھی کہ سب کو متحد کیا جائے۔

    "اللہ کرے اگلی حکومت الیکٹڈ آئے”

    انہوں نے کہا کہ سابق آرمی چیف جنرل (ر) باجوہ تو جاتے جاتے کہہ گئے کہ ان پر سیلکٹڈ کا الزام تھا یہ کہتے ہیں ان پر امپورٹڈ کا الزام ہے اللہ کرے اگلی حکومت الیکٹڈ آئے۔

    ” اب سب کے ایک ہونے کا یہ آخری موقع ہے ، ٹرین نکل گئی تو پھر نکل گئی”

    فاروق ستار نے کہا کہ پریس کلب میں پریس کانفرنس کی تو مصطفیٰ کمال کی زبان سے کچھ نکل گیا، معاملات جب خراب ہوگئے تو میں بھی انضمام سے پیچھے ہٹ گیا تھا جو اس وقت جو فیصلہ کرنا تھا وہ میں نے کرلیا اب سب کے ایک ہونے کا یہ آخری موقع ہے ، ٹرین نکل گئی تو پھر نکل جائے گی۔

     

  • ایم کیو ایم پاکستان کو پیپلزپارٹی کے رویے پر تحفظات

    ایم کیو ایم پاکستان کو پیپلزپارٹی کے رویے پر تحفظات

    کراچی : ایم کیو ایم پاکستان نے گورنرسندھ کامران ٹیسوری سے پیپلزپارٹی کیجانب سے معاہدے پرعمل درآمد نہ ہونے کی شکایت کردی۔

    تفصیلات کے مطابق ایم کیو ایم پاکستان کے وفد کی گورنرسندھ کامران ٹیسوری سے ملاقات کا احوال سامنے آگیا۔

    ملاقات میں ایم کیو ایم پاکستان نے ایک بار پھر پیپلز پارٹی سے تعلقات پر اپنے تحفظات کا اظہار کردیا اور پیپلزپارٹی کیجانب سےمعاہدے پرعمل درآمد نہ ہونے کی شکایت کی۔

    ایم کیو ایم نے گورنر سے شکوہ کیا کہ ہم حکومت کے اہم اتحادی ہیں لیکن پیپلزپارٹی معاہدے پر عملدرآمد نہیں کررہی، پیپلزپارٹی آرٹیکل 140 اے پر عملدرآمد نہیں کررہی۔

    کراچی: بلدیاتی حلقہ بندیوں کو درست کرنے کا عمل بھی تعطل کا شکار ہے، ایم کیو ایم نے مطالبہ کیا کہ آپ ایم کیو ایم کے تحفظات وفاق تک پہنچائیں۔

    گورنر نے ایم کیو ایم کے تحفظات پیپلزپارٹی اور وفاق تک پہچانےکی یقین دہانی کرادی۔

  • گورنر شپ ملنے کے بعد ایم کیو ایم پاکستان کو بڑا جھٹکا

    گورنر شپ ملنے کے بعد ایم کیو ایم پاکستان کو بڑا جھٹکا

    کراچی‌‌ : پی ٹی آئی نے ایم کیو ایم کی بڑی وکٹ گرادی، ایم کیوایم رہنما شہاب امام تحریک انصاف میں شامل ہوگئے۔

    تفصیلات کے مطابق ایم کیوایم رہنما شہاب امام نے تحریکِ انصاف میں شمولیت کا باقاعدہ اعلان کردیا۔

    شہاب امام نے پی ٹی آئی رہنما علی زیدی کے ہمراہ پریس کانفرنس کرتے ہوئے کہا کہ تحریکِ انصاف نے کراچی سمیت سندھ کومتبادل پلیٹ فارم دیا۔

    رہنما ایم کیو ایم کا کہنا تھا کہ اندرون سندھ ایک اور اربن سندھ دوسری جماعت کے ہاتھوں یرغمال ہے، ابھی نہیں توکبھی نہیں والی صورتحال ہے۔

    انھوں نے مزید کہا کہ پڑھے لکھے نوجوان اورماؤں بہنوں سے درخواست ہے آئیں اور پی ٹی آئی میں شامل ہوں۔

    اس موقع پر پی ٹی آئی رہنما علی زیدی نے سربراہ ن لیگ پر کڑی تنقید کرتے ہوئے کہا کہ نوازشریف پٹاخہ نہیں پھاڑسکتے ایمٹی دھماکے کا حکم کیسے دے سکتے ہیں، برسوں سے بلاوجہ کریڈٹ لے رہے ہیں۔

    کل کہہ رہے تھے امریکا ایٹمی دھماکے پر دباؤ ڈال رہا تھا تو انہوں نے ایبسو لوٹلی ناٹ کہا تھا، ان کے بیان پر اب غصہ نہیں ہنسی آتی ہے۔۔۔ معلوم نہیں وہ کس سے شکایت کر رہے تھے۔

  • اندرون سندھ بارشوں سے سیلابی صورتحال: ایم کیو ایم پاکستان کی آرمی چیف سے اپیل

    اندرون سندھ بارشوں سے سیلابی صورتحال: ایم کیو ایم پاکستان کی آرمی چیف سے اپیل

    کراچی : اندرون سندھ بارشوں سے سیلابی صورتحال پر ایم کیو ایم پاکستان نے آرمی چیف سے اپیل کی کہ ہنگامی بنیادوں پر متاثرہ عوام کی مدد کے لئے احکامات جاری کریں۔

    تفصیلات کے مطابق اندرون سندھ بارشوں سے سیلابی صورتحال پر ایم کیو ایم پاکستان کی آرمی چیف سے مدد کی اپیل کردی۔

    رابطہ کمیٹی نے کہا کہ اندرون سندھ کے مختلف شہروں میں جاری بارشوں سے تشویشناک صورتحال ہے، سول انتظامیہ بارشوں کے سبب سیلاب اور اسکی تباہ کاریوں سے نمٹنے میں ناکام ہوچکی ہے۔

    ایم کیو ایم کا کہنا تھا کہ لوگوں کے گھربار، کھیت کھلیان اور مال مویشی سیلاب کی نظر ہوچکے ہے اور لوگ کھلے آسمان تلے امداد کے منتظر ہیں۔

    رابطہ کمیٹی نے کہا کہ آرمی چیف سے اپیل ہے کہ وہ ہنگامی بنیادوں پر متاثرہ عوام کی مدد کے لئے احکامات جاری کریں۔

    ایم کیو ایم نے مزید کہا کہ پاک فوج کے جوان سیلاب سے تباہی کا شکار علاقوں میں امدادی سرگرمیاں شروع کریں۔