Tag: ایم کیو ایم پاکستان

کراچی: ایم کیو ایم پاکستان کے رہنما فیصل سبزواری نے کہا ہے کہ صوبے کو اختیارات ملیں اور اس پر حکومت ناگ بن کر بیٹھ جائے ایسا نہیں ہونا چاہئے، گیارہ سال سے پیپلزپارٹی فنڈز فراہم نہیں کررہی، جان بوجھ کر شہر تباہ کیا جارہا ہے۔

تفصیلات کے مطابق ایم کیو ایم پاکستان کے رہنما فیصل سبزواری نے اے آر وائی نیوز سے خصوصی گفتگو کرتے ہوئے کہا کہ حکومتوں کو جانچا جانا چاہئے کہ ان کے پاس اختیارات کتنے ہیں، یہ بھی جانچنا چاہئے کہ حکومتوں کی نیت کیسی ہے۔

فیصل سبزواری نے کہا کہ 90 فیصد مسائل مقامی ہوتے ہیں، کچرا، پینے کے پانی اور سڑکوں کے مسائل ہوتے ہیں، صوبائی، وفاقی اور مقامی حکومت جو کوشش کررہی ہیں اس پر شہر نہیں چل سکتا، کراچی کو 6 ڈسٹرکٹس میں تقسیم کردیا گیا ہے۔

انہوں نے کہا کہ کراچی کی آدھی سڑکیں پانی کے رساؤ سے ٹوٹی ہوئی ہیں، جب مصطفی کمال ناظم تھے تب 43 ارب کا بجٹ تھا اب ایسا نہیں ہے، نعمت اللہ خان، مصطفی کمال کے دور میں نظام میں وسائل تھے۔

ایم کیو ایم پاکستان کے رہنما نے کہا کہ پہلے اختیارات تھے اب تو یہ بھی نہیں دئیے جارہے، واٹر اینڈ سیوریج بورڈ کا نظام بھی میئر کے پاس نہیں ہے، پیپلزپارٹی کی نااہلی نہیں بلکہ بدعنوانی ہے، جان بوجھ کر شہر تباہ کیا جارہا ہے۔

فیصل سبزواری نے کہا کہ کے ایم سی کا ترقیاتی بجٹ سڑکوں پر لگتا نظر آنا چاہئے، پیپلزپارٹی کو برا لگتا ہے سندھ میں دوسرا انتظامی یونٹ نہ بنے۔

کراچی: میئر کراچی وسیم اختر نے کہا ہے کہ کے ایم سی کے پاس ماضی والے اختیارات ہونے چاہئیں، اختیارات نہیں دینے تو آئندہ الیکشن نہ کرایا جائے۔

تفصیلات کے مطابق میئر کراچی وسیم اختر نے میڈیا سے گفتگو کرتے ہوئے کہا کہ کے ایم سی کو ماضی والے اختیارات دینے چاہئیں اگر اختیارات نہیں دینے ہیں تو آئندہ بلدیاتی الیکشن نہ کرائے جائیں، اس حوالے سے سپریم کورٹ سے درخواست کروں گا۔

[bs-quote quote=”مجھے غیب کا علم نہیں کہ میں دوبارہ جیل جاؤں گا” style=”style-8″ align=”left” author_name=”وسیم اختر”][/bs-quote]

وسیم اختر نے کہا کہ کراچی میں سب سے بڑا کام انکروچمنٹ ہٹانا تھا، سندھ حکومت کا چڑیا گھر بحالی منصوبہ مکمل ہوجانا چاہئے تھا، حکومتی ٹھیکیدار نے بتایا پیسے سست روی سے مل رہے ہیں، کراچی کے لوگوں کے چڑیا گھر کو جلد مکمل کیا جائے۔

انہوں نے کہا کہ سپریم کورٹ نے تجاوزات سے متعلق معلومات حاصل کرلی ہیں، لی مارکیٹ کا متبادل جلد بنایا جائے گا۔

ایک سوال کے جواب میں میئر کراچی نے کہا کہ مجھ سے کچھ شکایات ہیں تو پچھ گچھ کی جائے، مجھے غیب کا علم نہیں کہ میں دوبارہ جیل جاؤں گا۔

سرکاری اسپتالوں کے حوالے سے وسیم اختر کا کہنا تھا کہ توجہ نہیں دی تو سرکاری اسپتالوں کے مسائل حل نہیں ہوں گے۔

مزید پڑھیں: تجاوزات نے کراچی کا ستیاناس کردیا، لوگ کمانے آتے ہیں لیکن کوئی اپناتا نہیں، میئر وسیم اختر

واضح رہے کہ رواں سال فروری میں میئر کراچی وسیم اختر کا کہنا تھا کہ جگہ جگہ تجاوزات بنانے والے آج کروڑپتی بن گئے اور روز کمانے والے متاثر ہوئے، غیر قانونی تجاوزات سے کراچی کا ستیاناس کردیا گیا، لوگ نالوں اور فٹ پاتھوں پر کاروبار کررہے تھے، پورے ملک سے سب یہاں کمانے آتے ہیں لیکن اس شہر کو کوئی اپناتا نہیں، اس کیلئے آواز اٹھانی پڑے گی۔

کراچی: پلوامہ حملے کے بعد بھارت کی جانب سے دی جانے والی دھمکیوں کے ایم کیو ایم پاکستان نے کراچی پریس کلب پر احتجاج کیا اور کشمیر میں بھارتی جارحیت کی مذمت کی گئی۔

تفصیلات کے مطابق کراچی پریس کلب پر ایم کیو ایم پاکستان نے بھارتی دھمکیوں کے خلاف احتجاج کیا اور مودی کی ہت دھرمی، بھارتی ہرزہ سرائی کے خلاف نعرے بازی کی گئی، احتجاج میں کارکنان، عوام، دیگر شعبہ ہائے زندگی سے تعلق رکھنے والے افراد نے شرکت کی۔

ایم کیو ایم پاکستان کے رہنماؤں نے کہا کہ بھارت جان لے کشمیر پاکستان کا اٹوٹ انگ ہے، ہم قوم ملک کے دشمنوں کے خلاف متحد ہیں، امن کی ہر کوشش کو ہم سراہتے ہیں۔

[bs-quote quote=”بھارت کو متنبہ کرتے ہیں ہماری امن کی کوششوں کو کمزوری نہ سمجھا جائے” style=”style-8″ align=”left” author_name=”کنور نوید جمیل”][/bs-quote]

رؤف صدیقی نے کہا کہ ایک لاکھ سے زائد کشمیریوں کو شہید اور گرفتار کیا گیا، بھارت نہتے کشمیریوں پر ظلم و ستم بند کرے، بھارتی جارحیت کی پرزور مذمت کرتے ہیں، کشمیر کا مسئلہ مذاکرات سے حل ہوسکتا ہے۔

کنور نوید جمال نے کہا کہ ہمیں معلوم ہے ہماری افواج پاکستان کے دفاع کی بھرپور حفاظت کرسکتے ہیں، ہم فوج کے شانہ بشانہ ہر جنگ کے لیے تیار ہیں اور انشا اللہ جب ضرورت پڑے گی ہمارا ہر نوجوان فوج کے شانہ بشانہ سرحدوں پر موجود ہوگا اور ہندوستان کی متعصب حکومت اور افواج کو بتادینا چاہتے ہیں تم پاکستان سے بڑے بھی ہوجاؤ تو پاکستان کے قدموں کے نیچے ہی رہو گے۔

کنور نوید جمیل نے قرارداد بھی پیش کی جس میں کہا گیا کہ آج کا مظاہرہ بھارت کی ہٹ دھرمی کی مذمت کرتا ہے، بھارت کو متنبہ کرتے ہیں ہماری امن کی کوششوں کو کمزوری نہ سمجھا جائے۔

انہوں نے کہا کہ پاکستان کے عوام اور مسلح افواج بھارت کے ہر قسم کے عزائم کو جواب دینے کی صلاحیت رکھتے ہیں، اقوام متحدہ سے مطالبہ کرتے ہیں کہ بھارت کی جارحیت اور کنٹرول لائن پر جاری بربریت کا نوٹس لے۔