Tag: ایم کیو ایم پاکستان

حیدرآباد: ایم کیو ایم پاکستان کے سربراہ ڈاکٹر خالد مقبول صدیقی نے کہا ہے کہ خود مختار صوبوں کا مطالبہ کرتے رہیں گے، ایم کیو ایم بکھر نہیں نکھر رہی ہے۔

تفصیلات کے مطابق حیدرآباد میں جلسے سے خطاب کرتے ہوئے سربراہ ایم کیو ایم پاکستان ڈاکٹر خالد مقبول صدیقی نے کہا کہ وزیراعظم اپنے وعدوں کی تکمیل کریں، جب انصاف ہوگا تو امن و خوشحالی ہوگی۔

خالد مقبول صدیقی نے کہا کہ صوبوں کو اختیار مل گیا، صوبوں سے بلدیاتی اداروں کو اختیارات نہیں ملے، پاکستان کی یکجہتی کے لیے صوبائی خود مختاری ضروری ہے، صوبوں کی خود مختاری سے زیادہ اہم عوام کو بااختیار بنانا ہے۔

[bs-quote quote=”مہاجر اس سرزمین کے سب سے بڑے پاکستانی ہیں” style=”style-7″ align=”left” author_name=”خواجہ اظہار”][/bs-quote]

خواجہ اظہار الحسن نے جلسے سے خطاب کرتے ہوئے کہا کہ ایم کیو ایم پاکستان پورے پاکستان میں الیکشن سماں بنانے کی کوشش اور جلسے کررہی ہے، پاکستان میں ایک پارٹی ہر پندرہ دن بعد اپنے ہونے کا احساس دلا رہی ہے۔

انہوں نے کہا کہ ہم نے پانچ سال پہلے کہا تھا ’دیے سب کے بجھیں گے ہوا کسی کی نہیں‘ ہم نے پانچ سال پہلے کہا تھا جو ظلم ہمارے ساتھ ہوا کسی اور کے ساتھ ہوتا تو اس کا نام و نشان نہ ہوتا، ایم کیو ایم کے خلاف حیدرآباد میں بڑی سازشیں کی گئیں۔

مزید پڑھیں: خالد مقبول صدیقی کا وزیر اعظم کو خط، ایم کیو ایم رہنماؤں کو سیکیورٹی فراہم کرنے کا مطالبہ

خواجہ اظہار نے کہا کہ جو کہتے تھے مہاجر پہلے پاکستانی بنیں انہیں بتانا چاہتا ہوں ہم سے زیادہ اس سرزمین میں کوئی پاکستانی نہیں، مہاجر اس سرزمین کے سب سے بڑے پاکستانی ہیں۔

انہوں نے کہا کہ مہاجروں کے اتحاد کو ختم کرنے والی ہر سازش کو ناکام بنائیں گے، ہم نے وفاقی حکومت سے مشروط اتحاد رکھا ہے، شہر کی ترقی اور مسائل حکومت کے سامنے رکھے ہیں۔

کراچی: ایف آئی اے نے ایڈمنسٹریٹر کے کے ایف کو ایمبولینس کی ممکنہ فروخت سے روک دیا، خلاف ورزی پر قید یا جرمانے کے علاوہ دونوں سزائیں بھی لاگو ہوں گی۔

تفصیلات کے مطابق ایف آئی اے نے خط کے ذریعے ایڈمنسٹریٹر کے کے ایف کو ایمبولینس کی ممکنہ فروخت سے روک دیا، خط میں کہا گیا ہے کہ ایمبولینسز کی فروخت کے لیے جاری کارروائی فوری روک دی جائے۔

ایف آئی اے کی جانب سے خط میں کہا گیا ہے کہ زیر تفتیش معاملے پر گاڑیاں، ایمبولینس فروخت یا منتقل نہیں کی جاسکتیں، ایف آئی اے یا متعلقہ عدالت کی اجازت کے بغیر کارروائی نہیں کی جاسکتیں، خلاف ورزی پر قید یا جرمانے کے علاوہ دونوں سزائیں بھی لاگو ہوں گی۔

ذرائع کے مطابق ایڈمنسٹریٹر کے کے ایف کو خط درج ایف آئی آر کے حوالے سے جاری کیا گیا ہے، ایڈمنسٹریٹر نے ایمبولینسز کی فروخت کے لیے اشتہار 9 دسمبر کو جاری کیا تھا۔

ذرائع کے مطابق اشتہار کے تحت مبینہ 70 ایمبولینسز کی فروخت کی کارروائی شروع کی گئی تھی، کے کے ایف کی ملکیتی جائیدادوں کی فروخت پر ایف آئی اے پابندی لگا چکی ہے۔

مزید پڑھیں: خدمت خلق فاؤنڈیشن کی ساڑھے 3 ارب روپے مالیت کی جائیدادیں ضبط

واضح رہے کہ گزشتہ روز ایف آئی اے کی جانب سے متحدہ قومی موومنٹ کے فلاحی ادارے کے کے ایف کی ساڑھے تین ارب روپے مالیت کی جائیدادیں ضبط کی گئی تھیں۔

خدمت خلق فاؤنڈیشن کے نام پر اربوں روپے کی منی لانڈرنگ کا انکشاف 3 ماہ قبل ہوا تھا، ایف آئی اے کا کہنا تھا کہ فاؤنڈیشن کی جائیدادیں بھتے کی رقوم سے بنائی گئیں۔

یاد رہے کہ ترجمان متحدہ قومی موومنٹ پاکستان کی جانب سے خدمت خلق فاؤنڈیشن کی املاک کو قبضے میں لینے پر سخت تشویش کا اظہار کیا گیا تھا۔

کراچی: متحدہ قومی موومنٹ کے سابق رہنما اور سابق رکن اسمبلی علی رضا عابدی قتل کیس سے متعلق تفتیش کے لیے فاروق ستار کو پولیس کی تحقیقاتی ٹیم نے طلب کرلیا ہے۔

تفصیلات کے مطابق کراچی کے علاقے میں ڈیفنس میں قتل ہونے والے متحدہ قومی موومنٹ کے سابق رہنما علی رضا عابدی قتل کیس سے متعلق تفتیش کے لیے پولیس کی تحقیقاتی ٹیم نے فاروق ستار کو طلب کرلیا ہے۔

ایم کیو ایم کے رہنما فاروق ستار اپنا بیان ریکارڈ کرانے ساؤتھ زون انویسٹی گیششن دفتر پہنچے، ذرائع کے مطابق فاروق ستار سے علی رضا عابدی سے متعلق انٹرویو کیا گیا۔

پولیس کی جے آئی ٹیم میں ایس ایس پی ساؤتھ پیر محمد شاہ، رزاق دھاریجو اور دیگر افسران موجود تھے۔

یہ پڑھیں: علی رضا عابدی کے قتل میں ملوث چاراہم ملزمان گرفتار

ایس ایس پی پیر محمد شاہ کا کہنا ہے کہ فاروق ستار کو علی رضا عابدی قتل کیس میں تحقیقات کے لیے بلایا تھا، ان سے آدھے گھنٹے تک پوچھ گچھ کی گئی۔

ایس ایس پی کے مطابق علی رضا عابدی قتل کیس میں کل اہم رہنماؤں کو بھی طلب کیا گیا تھا، کیس میں مزید لوگوں کو طلب کرسکتے ہیں۔

ذرائع کا کہنا ہے کہ فاروق ستار پولیس تحقیقاتی ٹیم کو بیان دینے کے بعد واپس روانہ ہوگئے ہیں۔

مزید پڑھیں: علی رضا عابدی کے قتل اوردیگرواقعات پر ڈی آئی جی ساؤتھ عہدے سے برطرف

واضح رہے کہ 25دسمبر کی شام کوکراچی کے علاقے ڈیفنس میں اپنی رہائش گا ہ کے پاس متحدہ قومی موومنٹ پاکستان کے سابق رہنما علی رضا عابدی نامعلوم موٹر سائیکل سواروں کی فائرنگ سے زخمی ہو گئے تھے انہیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔

اس حوالے سے آئی جی سندھ کلیم امام نے وارداتوں میں قابو نہ پانے اور فرائض میں غفلت برتنے پر ڈی آئی جی ساؤتھ جاوید عالم اوڈھو کو عہدے سے ہٹا دیا تھا، آئی جی سندھ نے یہ ذمہ داریاں شرجیل کھرل کو سونپ دینے کے احکامات جاری کیے تھے۔

کراچی: ایم کیو ایم پاکستان کے رہنما ڈاکٹر فاروق ستار نے کہا ہے کہ کل پریس کانفرنس میں اہم اعلانات کروں گا۔

تفصیلات کے مطابق علی رضا عابدی کے سوئم کے بعد فاروق ستار نے میڈیا سے گفتگو کرتے ہوئے کہا کہ علی رضا کی شہادت پر کہا جارہا ہے آپ تقسیم ہوئے اس لیے ایسا ہورہا ہے، بہت جلد ایک کونسل یا فورم بناؤں گا، جن سے اختلافات ہیں ان سب کو بھی شرکت کی دعوت دیتا ہوں۔

فاروق ستار نے کہا کہ علی رضا عابدی کے خون کو رائیگاں نہیں جانے دیں گے، ان کی قربانی ہمیں اکٹھا ہونے، پھر سے کھڑا ہونے کا پیغام دیتی ہے، ہم اتنی آسانی سے ان قوتوں کے سامنے سر نہیں جھکائیں گے، قاتلوں کی گرفتاری، سازش بے نقاب ہونے تک چین سے نہیں بیٹھیں گے۔

انہوں نے کہا کہ پاک سرزمین پارٹی کے لوگ بھی میرے اپنے تھے، کارکنان کی شہادت پر افسوس ہوا، امید ہے قانون نافذ کرنے والے ادارے قاتلوں کو پکڑ سکیں گے۔

فاروق ستار نے کہا کہ آئندہ کی حکمت عملی بنا رہا ہوں جس کے لیے مشاورت شروع کردی ہے، ہمیں کمزور کیا گیا، مردم شماری میں ہمیں کم دکھایا گیا۔

یہ پڑھیں: ہم سے ہمارا شہزادہ چھین لیا گیا، فاروق ستار

واضح رہے کہ دو روز قبل فاروق ستار کا کہنا تھا کہ کراچی میں ایک بار پھر خون کی ہولی کھیلی جارہی ہے، علی رضا عابدی کو ٹارگٹ کرکے شہید کیا گیا، وہ پاکستان بنانے والوں کا بیٹا تھا، ہم کب تک لاشیں اُٹھائیں گے۔

ان کا کہنا تھا کہ کراچی میں کئی دنوں سے بدامنی کی لہر آگئی ہے، سازش کے تحت شہر کا امن خراب کیا جارہا ہے، اس واقعے کے بعد اب کیا پڑھے لکھے لوگ سیاست میں آئیں گے۔