Tag: ایم کیو ایم

سندھ اسمبلی میں قائد حز ب اختلاف فیصل سبزواری نے کہا ہے کہ پیپلزپارٹی نے کراچی میں کون سی دود ھ اور شہد کی نہریں جاری کی ہیں جو لوگ انہیں ووٹ دیں گے ، وہ سندھ اسمبلی سے اپوزیشن کے واک آئوٹ کے بعد خطاب کر رہے تھے۔

    ایم کیو ایم کے رہنما فیصل سبزواری نے کہ دیا کہ پیپلز پارٹی کا میئر آنا ایک معجزہ ہی ہوگا، ایم کیو ایم کا بلدیاتی آرڈیننس پر احتجاج جاری ہے اور اب توک اپوزیشن کی کئی جماعتیں بھی احتجاج میں شریک ہوگئی ہیں۔

متحدہ قومی موومنٹ وابطہ کمیٹی کے رکن واسع جلیل نے کہا ہے کہ پیپلز پارٹی اور ایم کیو ایم کے درمیان کسی بھی سطح پر کوئی مذاکرات نہیں ہوررہے اس قسم کی خبریں پھیلا کر متحدہ اپوزیشن میں اختلافات پیدا کرنے کی کوششیں کی جارہی ہیں۔

اے آر وائی نیوز سے گفتگو کرتے ہوئے انکا کہنا تھا کہ ایم کیو ایم کی حکومت میں شمولیت کے حوالے سے باتیں منفی پروپیگنڈہ پر مبنی اور من گھڑت ہے جس میں کوئی صداقت نہیں۔

سندھ اسمبلی میں اپوزیشن جماعتوں نے بلدیاتی انتخابات کے حوالے سے ہائیکورٹ سے رجوع کرلیا۔

سندھ ہائی کورٹ میں بلدیاتی انتخابات میں حد بندیوں اور لوکل گورنمنٹ آرڈیننس کے خلاف درخواستوں کی سماعت جسٹس محمد علی مظہر اور جسٹس صادق بھٹی پر مشتمل دو رکنی بینچ نے کی ، متحدہ قومی موومنٹ کے رہنما بیرسٹر فروغ نسیم نے موقف اختیار کیا کہ آبادیوں کے فرق سے بنائی گئی یونین کمیٹیوں سے جمہوری حقوق متاثر ہو رہے ہیں اور یہ آئین و قانون کے ماورا ہیں۔

عدلت میں ایم کیو ایم کی جانب سے لوکل گورنمنٹ آرڈیننس کے خلاف بھی متفرق درخواست بھی دائر کردی گئی، بیرسٹر فروغ نسیم اور خواجہ اظہار الحسن مسلم لیگ ن کے رہنما عرفان اللہ مروت نے بھی سندھ ہائی کورٹ میں لوکل گورنمنٹ آرڈیننس کے خلاف آئینی درخواست داخل کردی ہے، جس میں آرڈیننس کو آئین و قانون کی خلاف ورزی اور اسمبلیوں کی توہین قراردیا گیا ہے۔
   

پیپلزپارٹی نے بلدیاتی انتخابات کے حوالے سے ایم کیو ایم کو منانے کی کوششیں شروع کردی ہیں۔

نثار کھوڑو نے ایم کیو ایم کے رہنما سید سردار احمد سے ملاقات کے بعد میڈیا سے گفتگو میں کہا کہ اسمبلی کا اجلاس بلانا ممبران کا حق ہے اور تمام معاملات اسمبلی میں لاکر حل کیے جائیں تو بہتر ہوگا۔

سینیئر وزیر سندھ اسمبلی ایم کیو ایم کے رہنما سردار احمد کا کہنا تھا کہ اسمبلی کا اجلاس اسی لیے بلایا کہ ایم کیو ایم اپنی بات ایوان میں رکھ سکے، بلدیاتی آرڈیننس کا معاملہ عدالت میں ہیں وہاں جو بھی فیصلہ ہوگا بہتر ہوگا،  دونوں جماعتوں کے رہنماؤں نے مسائل کو اسمبلی میں بات چیت کے ذریعے حل کرنے پر اتفاق کیا۔
   

ترمیمی آرڈیننس اور نئی حد بندیوں کے خلاف ایم کیو ایم نے پریس کلب پر عوامی طاقت کا مظاہرہ کیا، احتجاجی مظاہرے میں شریک خواتین،عوام اور کارکنان نے پلے کارڈز بھی اٹھا رکھے تھے جس میں ترمیمی آرڈیننس اور سندھ کی تقسیم نا منظور کے نعرے درج تھے۔

اس موقع پر احتجاجی شرکاء نے الطاف حسین سے اظہار یکجہتی بھی کیا۔۔۔مظاہرین نے ترمیمی آرڈیننس، نئ حد بندیوں سمیت سرکاری اور نیم سرکاری اداروں میں لیبر قوانین کو آمرانہ اقدام قرار دیتے ہوئے شدید نعرے بازی بھی کی۔

متحدہ لیبر ڈویژن کے انچارج کاظم رضا کہتے ہیں کہ کراچی کو بہتر بنانے کا دعوی کرنے والے لاڑکانہ کی صورتحال کو بہتر نہیں بنا سکے ،  انکا مشن عوامی خزانے کو لوٹنا ہے، متحدہ رہنمائوں نے مطالبہ کیا کہ کنٹریکٹ ملازمین کو بحال اور تنخوائوں کی ادائیگی کرنے کے ساتھ شہری و بلدیاتی اداروں کے وسائل کو ہڑپ کرنے والوں کے خلاف کارروائی عوام کے مینڈیٹ پر شب خون مارنے والے ترمیمی آرڈیننس کو کالعدم قرار دیا جائے ۔

   ایم کیوا یم کے ترجمان نے وزیراعلیٰ سندھ کے اس بیان پر کہ سندھ کے دیگر شہروں میں بھی کراچی طرز کا آپریشن کیا جائے گا سخت ردعمل کا اظہار کرتے ہوئے کہا ہے حکومت سندھ ” ریاستی طاقت کے ذریعے ایم کیو ایم کو کچلنے کے منصوبے پر عمل پیرا ہے، ترجمان ایم کیو ایم کا کہنا ہےاگر سندھ حکومت کی جانب سے ایم کیوا یم کے مینڈیٹ پر شب خون مارنے اور عوام کو ریاستی طاقت سے دبانے کی سازشیں بند نہ کی گئیں تو اسے عوامی ردعمل کا سامنا کرنا پڑے گا ۔