سندھ کے سینئر وزیر شرجیل انعام میمن نے کہا ہے کہ ایم کیو ایم کے کسی بھی رہنما کے کسی بھی بیان کو ہم سنجیدہ نہیں لیتے۔

ایم کیو ایم کے سربراہ خالد مقبول صدیقی کے بیان پر ردعمل دیتے ہوئے شرجیل انعام میمن کا کہنا تھا کہ ایم کیو ایم اپنی مردہ سیاست زندہ کرنے کیلئے پیپلزپارٹی پر تنقید کرتی ہے، کراچی کے عوام کیلئے ایم کیو ایم ماضی کا ایک ڈراؤنا خواب ہوکر رہ گئی ہے۔

صوبائی وزیر نے کہا کہہ ایم کیو ایم اس لئے تنقید کرتی ہے کہ اس پر جوابی تنقید ہو اور سیاسی قد بڑھے، کراچی میں تاجروں کے اعزاز میں ظہرانہ ایک کامیاب اجتماع تھا۔

تاجروں کے اعزاز میں ظہرانے کا مقصد تاجروں کے مسائل کی نشاندہی کرنا تھا، ظہرانے کا مقصد تاجروں سے مل کر پاکستان کو ترقی کی راہ پر گامزن کرنا تھا۔

انھوں نے کہا کہ چیئرمین بلاول بھٹو زرداری پر تاجروں نے بھرپور اعتماد کا اظہارکیا، تاجروں نے شکریہ ادا کیا اب ان کو بھتے کی پرچیاں اور بوری بند لاشیں نہیں ملتیں۔

سینئر وزیر شرجیل انعام میمن کا مزید کہنا تھا کہ تاجروں سے قربانی کی کھالیں نہیں چھینی جاتیں، روز روز ہڑتالیں نہیں ہوتیں۔

کراچی : ایم کیو ایم  نے کے الیکٹرک کیخلاف سندھ ہائیکورٹ میں پٹیشن دائر کردی اور کہا کے الیکٹرک ریاست کے اندر ریاست بنا کر بیٹھا ہواہے۔

تفصیلات کے مطابق ایم کیوایم نے کے الیکٹرک کیخلاف سندھ ہائیکورٹ میں درخواست دائر کردی ، اس موقع پر ایم کیوایم کےممبرصوبائی اسمبلی عامر صدیقی نے ہائیکورٹ میں بات چیت کرتے ہوئے کہا کہ لوڈ شیڈنگ کی وجہ سے لوگوں کی زندگی اجیرن کردی گئی ہے، جو لوگ بل بھر رہےوہ بھی لوڈ شیڈنگ کا سامنا کررہے ہیں۔

عامر صدیقی کا کہنا تھا کہ کے ای اربوں ڈالر کراچی کے لوگوں سے کما چکا ہے، چند لوگ امیر بنیں گے اور ملک کےسسٹم کو خراب کریں گے ، نیپرا ہر جگہ کہہ چکا ہے کہ لوڈ شیڈنگ نہیں کی جاسکتی۔

رہنما ایم کیو ایم نے کہا کہ کے ای ریاست کے اندر ریاست بنا کر بیٹھا ہواہے۔

رہنما حسان صابر کا کہنا تھا کہ نگراں حکومت نے کے ای سے معاہدے کو کرکے لوگوں کیساتھ زیادتی کی، نیپرا نے کبھی بھی کے ای کی کسی بھی درخواست کو رد نہیں کیا۔

انھوں نے مزید کہا کہ صرف کراچی میں ایک پرائیویٹ کمپنی کو کام کرنے دیا جا رہا ہے، ہم حکومت میں رہ کروہ کردار ادا کرتے ہیں جو اپوزیشن کو کرنا چاہیے۔

اسلام آباد : ایم کیو ایم نے کے الیکٹرک کو قاتل الیکٹرک قرار دے دیا اور کہا اٹھارہ اٹھارہ گھنٹے لوڈشیڈنگ سےسات سولوگ جان سے گئے لیکن کوئی پوچھنے والا نہیں۔

تفصیلات کے مطابق قومی اسمبلی اجلاس میں کے الیکٹرک کی بجلی ترسیل اور تقسیم سے متعلق توجہ دلاؤ نوٹس پیش کیا گیا۔

قومی اسمبلی میں سید امین الحق نے توجہ دلاؤ نوٹس پیش کیا ، جس پر ،وفاقی وزیر عطاتارڑ نے کہا کہ کراچی میں جولائی اور اگست میں ضرورت سے زیادہ پانی آیا ، بارش کی وجہ سے تین سو فیڈر بند کرنا پڑے ،اس دوران کرنٹ لگنے کا کوئی ایک واقعہ بھی سامنے نہیں آیا اور کے الیکٹرک کا کہیں فالٹ نظر نہیں آیا۔

امین الحق کا کہنا تھا کہ کے الیکٹرک کو روزانہ لوگ بدعائیں دیتے ہیں، کے الیکٹرک نے ریاست کے اندر ریاست بنائی ہوئی ہے، اس کاشماران چندکمپنیز میں ہوتاہےجونفرت کی نگاہ سےدیکھےجاتےہیں اور وفاقی ،صوبائی حکومتوں کی بات نہیں مانتے۔

رہنما ایم کیو ایم نے کہا کہ کراچی میں بارش کاپہلاقطرہ گرتاہےدرجنوں فیڈرزٹرپ کرجاتےہیں، غیراعلانیہ لوڈشیڈنگ کرتے ہیں گھنٹوں بجلی بند کردیتے ہیں، ہرماہ فالٹ کےنام پرپورا پورا دن بجلی بند کر دیتے ہیں۔

ان کا کہنا تھا کہ کے الیکٹرک لوڈ شیڈنگ کے باوجود اربوں روپے کما رہا ہے ، کراچی میں کرنٹ لگنے سے 24موات ہوئیں اس کا ذمہ کون ہے، یہ مافیا کے طرز پر کام کررہی ہے۔

ایم کیو ایم رہنما محمد معین نے کہا کہ ہیٹ ویو کےدوران اٹھارہ اٹھارہ گھنٹے لوڈشیڈنگ سےسات سولوگ جان سے گئے لیکن کوئی پوچھنےوالا نہیں۔

جس پر وزیراطلاعات عطاتارڑ بولے معاملہ کسی کمیٹی کوبھیج دیں، کے الیکٹرک والوں کو بلا کر سوالات سامنے رکھ دیتے ہیں۔

ڈاکٹر فاروق ستار نے کہا ہے کہ اگر پی پی گورنر کا استعفیٰ مانگ سکتی ہے تو ایم کیو ایم بھی صدر کا استعفیٰ مانگ سکتی ہے۔

رہنما ایم کیوایم پاکستان ڈاکٹرفاروق ستار نے اے آر وائی نیوز سے گفتگو کرتے ہوئے کہا کہ پیپلز پارٹی رہنماؤں نے اصل مدعے سے ہٹ کر بات کی، لگتا ہے ایم کیو ایم کی پریس کانفرنس پی پی کو لگی بھی اور چھبی بھی ہے۔

پیپلزپارٹی رہنماؤں کی جانب سے گورنر سندھ کامران ٹیسوری کے استعفے کے مطالبے کے بعد گفتگو کرتے ہوئے فاروق ستار نے کہا کہ پی پی والے میچور لوگ ہوتے تو اصل ایشو پر عدالتی فیصلے پر بات کرتے۔

فاروق ستار کا کہنا تھا کہ گورنر سندھ کامران ٹیسوری قابل قبول بھی ہیں اور مقبول بھی ہیں، کامران ٹیسوری ایک عوامی گورنرکی حیثیت رکھتے ہیں۔

انھوں نے کہا کہ گورنر کا پوچھنا ہے تو مفت آئی ٹی تعلیم حاصل کرنیوالے 50 ہزار بچوں سے پوچھیں، کامران ٹیسوری کے بارے میں مختلف مکاتب فکر کے علما اور کاروباری حضرات سے پوچھیں۔

ڈاکٹرفاروق ستار نے کہا کہ گورنرکاسندھ کے بارے میں عوام سے پوچھیں جن کیلئے انھوں نے بلاامتیاز خدمت کی، گورنر کے کاموں کی تو پی پی کے کئی وزرا اور رہنما بھی تعریف کرتے ہیں۔