Tag: ایم کیو ایم

کراچی : ایم کیو ایم پارلیمانی پارٹی نے اپوزیشن لیڈر کے عہدے کے لئے تحریک لبیک پاکستان (ٹی ایل پی) سے حمایت کی درخواست کردی۔

تفصیلات کے مطابق ایم کیو ایم کی اپوزیشن لیڈر کا عہدہ حاصل کرنے کے لئے سرتوڑ کوششیں جاری ہے ، ایم کیو ایم پارلیمانی پارٹی نے ٹی ایل پی سے حمایت کی درخواست کردی۔

ایم کیو ایم پارلیمانی پارٹی نے پی ٹی آئی کے منحرف ارکان سے بھی رابطہ کیا تاہم جی ڈی اے نے تاحال ایم کیو ایم باضابطہ حمایت کا اعلان نہیں کیا۔

ایم کیو ایم کوجی ڈی اے کی حمایت کے بعد مزید ارکان کی حمایت درکار ہے ، اپوزیشن لیڈر کی رعنا انصار نے کہا ہے کہ ہم پرامید ہیں کہ ہمیں اپوزیشن ارکان سپورٹ کریں گے۔

ترجمان جی ڈی اے سردار رحیم کا کہنا ہے کہ ہم نے باضابطہ حمایت کا فیصلہ نہیں کیا ہے، ہماری ایم کیو ایم سے مشاورت جاری ہے۔ ابھی ہم کسی نتیجے پر نہیں پہنچے۔

کراچی : اپوزیشن لیڈر کے معاملے پر جی ڈی اے اور ایم کیو ایم میں ڈیڈ لاک برقرار ہے ، جی ڈی اے کے کسی رکن نے ایم کیو ایم کی اپوزیشن لیڈرکےلئےحمایت نہیں کی۔

تفصیلات کے مطابق ایم کیو ایم کواپوزیشن لیڈر کا عہدہ ملنا مشکل بن گیا ، جی ڈی اے اور ایم کیو ایم میں ڈیڈ لاک برقرار ہے، جی ڈی اےکے کسی رکن نے ایم کیو ایم اپوزیشن لیڈر کیلئے حمایت نہیں کی۔

ایم کیو ایم کے 20 ارکان نے اپوزیشن لیڈر کیلئے درخواست اسپیکرکوجمع کرادی ہے ، حلیم عادل کی بطور اپوزیشن لیڈرتعیناتی کے وقت 59 اراکین کے دستخط تھے۔

حلیم عادل کوہٹانےکیلئے ایم کیو ایم صرف 20 ارکان کی حمایت حاصل کرسکی ، اسمبلی رولز شق26کے تحت اپوزیشن لیڈرکو اپوزیشن بینچز کی اکثریت درکار ہے۔

اسپیکر سندھ اسمبلی آغاسراج دُرانی نے درخواست پر فیصلہ رولز کے مطابق کرنے کا فیصلہ کیا ہے۔

کراچی: ایم کیو ایم پاکستان کے رہنما خواجہ اظہار الحسن کا کہنا ہے کہ کتوں کی نسل کشی پر 75 کروڑ روپے لگا دیے کتے بھی پریشان ہیں اتنی رقم کہاں گئی۔

اے آر وائی نیوز کے مطابق سندھ اسمبلی میں اظہار خیال کرتے ہوئے ایم کیو ایم پاکستان کے رہنما خواجہ اظہار الحسن نے کہا کہ سندھ حکومت نے کتوں کی فیملی پلاننگ کے لیے 75 کروڑ خرچ کیے کتے پریشان ہیں کہ ان پر اتنے پیسے لگ گئے۔

خواجہ اظہار نے کہا کہ کراچی کے لوگوں نے پیسہ کہیں لگانے سے منع نہیں کیا مگر جو پیسہ لگ رہا ہے وہ نظر تو آئے۔

انہوں نے کہا کہ وفاق میں ہم اتحادی ہیں یہاں ہمارا گورنر ہے، حکومت کا دعویٰ ہے کہ یہ ٹیکس فری بجٹ ہے، بجٹ 900 فیصد بڑھ چکا لیکن کیا بہتری 100 فیصد بھی ہوئی۔

ایم کیو ایم رہنما نے کہا کہ پیسے خرچ کرنے کی جو مہارت سندھ کے پاس ہے وہ کسی ملک کے پاس نہیں۔

انہوں نے مزید کہا کہ کیا میرے شہر پر 100 ارب روپے بھی خرچ ہورہے ہیں، آپ بتائیں آپ کا عمل وسائل خرچ کرنے کا انداز بتائے گا کراچی سندھ ہے یا نہیں۔

اسلام آباد: ایم کیو ایم نے ادارہ شماریات کی جانب سے جاری کراچی کی آبادی کے اعداد و شمار کو مسترد کردیا۔

ذرائع کے مطابق متحدہ قومی مؤمنٹ( ایم کیو ایم) پاکستان کا وفد آج کنونئیر ڈاکٹر خالد مقبول کی صدارت میں وزیراعظم ہائوس پہنچا ہے، وفد نے وزیراعظم شہباز شریف سے اہم ملاقات کی۔

ذرائع نے بتایا کہ ملاقات میں امین الحق، جاوید حنیف اور روف صدیقی شامل ہیں جبکہ حکومت کی جانب سے احسن اقبال، اسحاق ڈار، اعظم نذیر تارڑ اور ایاز صادق ملاقات میں شریک ہوئے۔

ذرائع نے بتایا کہ ایم کیو ایم نے وزیراعظم کے سامنے مردم شماری کے حوالے سے  اپنے تحفظات رکھ دئیے،  ایم کیو ایم وفد نے حکومت وفد  سے سوال کیا کہ کیا کراچی کی آبادی دو کڑور سے بھی کم ہے، یہ کیسے ممکن ہے؟۔

ایم کیو ایم وفد نے کہا کہ پہلے بھی آگاہ کیا تھا کہ صوبائی حکومت کے ماتحت مردم شماری کرنے والوں کا رویہ متعصبانہ ہے۔

ایم کیو ایم نے وزیر اعظم سے مطالبہ کیا کہ مردم شماری کے اعداد و شمار کو شفاف اور گنتی کو پورا کیا جائے۔

کراچی: متحدہ قومی موومنٹ (ایم کیو ایم) پاکستان نے مردم شماری کے حوالے سے گرینڈ ڈائیلاگ کے انعقادکا فیصلہ کرلیا ہے۔

ذرائع کے مطابق  حیدرآباد میں 7 مئی اور کراچی میں 10 مئی کو مردم شماری پر گرینڈڈائیلاگ کا آغاز ہوگا جس میں ایم کیو ایم شہر کے تمام اسٹیک ہولڈرز کو گرینڈ ڈائیلاگ کے لیے دعوت دیگی، گرینڈ ڈائیلاگ کو شہری سندھ کا مقدمہ کا نام دیا گیا ہے۔

ذرائع کا بتانا ہے کہ اہم شخصیات، دانشور، ادیب، تاجر، صنعتکار،  وکلا، سوشل ایکٹیوسٹ کو بھی  اس گرینڈڈائیلاگ میں مدعو کیا جائےگا، ساتھ ہی سیاسی جماعتوں کے قائدین کو بھی شرکت کی دعوت دی جائےگی۔

ذرائع کا کہنا ہے کہ اس گرینڈ ڈائیلاگ میں ایم کیوا ایم مردم شماری میں گھرانوں کو غائب کرنا، مردم شماری کے عملے اور صوبائی حکومت کی غیر شفافیت کے معاملے کو  اٹھایا جائے گا۔

ذرائع نے بتایا کہ ڈائیلاگ میں مردم شماری کے حوالےسے ایم کیو ایم اپنی کاوشوں کو بھی سامنے رکھےگی، ایم کیو ایم ذرائع نے کہا کہ مردم شماری کسی ایک قوم کا نہیں اس شہر میں رہنے والے ہر شخص کا مسئلہ ہے۔

ایم کیوا ایم ذرائع کا کہنا ہے کہ کراچی کی آدھی آبادی کو گنا ہی نہیں گیا ہے، پوری کوشش کررہے ہیں کہ شہری سندھ کے ایک ایک شخص کو گنا جائے۔

متحدہ قومی موومنٹ پاکستان کا وفد وزیراعظم سے ملاقات کے لیے پارلیمنٹ ہاؤس پہنچ گیا۔

تفصیلات کے مطابق وزیر اعظم شہباز شریف سے ایم کیوایم پاکستان کے وفد نے ملاقات کی، ملاقات میں ملک کی مجموعی سیاسی صورتحال اورجاری مردم شماری پربات چیت کی گئی۔

ایم کیو ایم کے وفد میں فاروق ستار، امین الحق اور دیگر رہنما شامل ہیں۔

ذرائع نے بتایا کہ وزیر اعظم سے ملاقات میں ایم کیو ایم وفد نے مردم شماری سے متعلق اپنے تحفظات سے آگاہ کیا، ایم کیو ایم نے وزیر اعظم سے مردم شماری میں خامیوں کی درستگی کی یقین دہانی پر عملدرآمد نہ ہونے کا بھی شکوہ کیا۔

ڈاکٹر فاروق ستار کی جانب سے مردم شماری کے عمل میں خامیوں پر تفصیلی بریفنگ دیتے ہوئے وزیر اعظم کو بتایا کہ مردم شماری میں پھر کراچی سے نا انصافی ہونے جارہی ہے۔

ڈاکٹر فاروق ستار نے کہا کہ کئی جگہوں پر عملہ نہیں تو کہیں بلڈنگ کے مکینوں کو ایک شمار کیا جارہا ہے، مردم شماری صحیح نہ ہوئی تو کراچی کو حق، وسائل کیسے ملیں گے۔