Tag: ایم کیو ایم

متحدہ قومی موومنٹ (ایم کیو ایم) پاکستان نے قومی اسمبلی کی نشستوں پر ہونے والے ضمنی انتخابات میں حصہ نہ لینے کا فیصلہ کرتے ہوئے کاغذات نامزدگی واپس لے لیے ہیں۔

ذرائع کے مطابق ایم کیو ایم نے امیدواروں کو کاغذات واپس لینے کی ہدایت کی تھی جس کے بعد 9 حلقوں کے امیدوار کا اپنے کاغذات نامزدگی واپس لینے کا سلسلہ شروع ہوگیا ہے۔

ذرائع نے بتایا کہ ایم کیو ایم کی جانب سے نو حلقوں میں سے اب تک  26  امیدواروں نے کاغذات نامزدگی واپس لے لیے ہیں۔

جس میں مصطفی کمال، محفوظ یار خان، ڈاکٹر صغیر احمد، شیخ صلاح الدین ، عبدالقادر خانزادہ، ریحان ہاشمی، عادل عسکری، وسیم آفتاب، شاکر علی اور طلحہ احمد کے نام شامل ہیں۔

16 مارچ کو کراچی میں ہونے والے ضمنی انتخابات میں آج کاغذات نامزدگی واپس لینے کا آخری دن ہے جس کے بعد مختلف حلقوں کے آر او کی جانب سے کل حتمی امیدواروں کو انتخابی نشان الاٹ کیے جائیں گے۔

کراچی : ایم کیو ایم کا قومی اسمبلی کے ضمنی انتخاب نہ لڑنے کا امکان ہے تاہم حتمی فیصلے کا اعلان رابطہ کمیٹی میں رائے لینے کے بعد کیا جائے گا۔

تفصیلات کے مطابق گورنر ہاؤس میں ایم کیو ایم رہنماؤں کے اجلاس کی اندرونی کہانی سامنے آگئی۔

ذرائع نے بتایا کہ اجلاس میں پی ڈی ایم کی جانب سے ضمنی انتخاب میں حصہ نہ لینے کی درخواست پر غور کیا گیا۔

ذرائع کا کہنا تھا کہ گورنر نے ایم کیوایم رہنماؤں سے گفتگو میں کہا کہ معاشی حالات بہت خراب ہیں اور تجویز دی کہ ملکی حالات ، معیشت کے پیش نظرضمنی انتخاب نہ لڑاجائےتوبہترہے۔

ایم کیو ایم کا قومی اسمبلی کے ضمنی انتخاب نہ لڑنے کا امکان ہے تاہم حتمی فیصلے کا اعلان رابطہ کمیٹی میں رائے لینے کے بعد کیا جائے گا۔

ذرائع ایم کیو ایم نے کہا ہے کہ ایم کیوایم ر ہنماؤں نے یوسیزکانوٹیفکیشن نہ جاری ہونےپرتحفظات کااظہار کیا ، جس پر گورنرسندھ نے یقین دہانی کرائی کہ ایک سے دو روز میں نوٹیفکیشن جاری ہوجائے گا۔

کراچی: پاکستان قومی مومنٹ ( ایم کیو ایم) نے ڈیجیٹل میڈیا کی ورک فورس بنانے کا فیصلہ کیا ہے۔

اے آر وائی نیوز کے مطابق ایم کیو ایم نے ڈیجیٹل میڈیا کی ورک فورس بنانے کا فیصلہ کرتے ہوئے کارکنان، ذمے داران ، قیادت کو ڈیجیٹل ایم کیو ایم  پروگرام میں انرول ہونے کی ہدایت کی ہے۔

ایم کیو ایم پاکستان کے کنوینر خالد مقبول صدیقی نے کہا کہ کارکنان، ذمے داران، پارلیمنٹرین اور اعلی قیادت خود کو رجسٹر کراکر سوشل میڈیا کی ورک فورس بنیں۔

ڈیجیٹل میڈیا کی ورک فورس میں خالد مقبول صدیقی، فاروق ستار ، مصطفی کمال، امین الحق نے بھی خود کو رجسٹرڈ کرا لیا ہے۔

خالد مقبول صدیقی نے کہا کہ ڈیجیٹل ایم کیو ایم کے ذریعے 12 فروری کے دھرنے، متنازعہ حلقہ بندیوں، ووٹر لسٹوں کے مسائل اور حکومتی اقدامات اور مسائل کو اجاگر کیا جائے، ڈیجیٹل میڈیا کے ذریعے نئی مردم شماری کے حوالے سے خود کو شمار کرانے کی  بھی مہم چلائی جائے گی۔

مصطفی کمال نے کارکنان کو ہدایت کی کہ سب ڈیجیٹل ایم کیو ایم پروگرام سے جڑیں، انہوں نے کہا کہ مخالفین کا جھوٹ اس لیے بک رہا ہے کیونکہ ہمارا سچ سامنے نہیں آرہا۔

متحدہ قومی موومنٹ( ایم کیو ایم) پاکستان نے رابطہ کمیٹی میں مزید 9 اراکین کو شامل کرنے کا فیصلہ کرلیا۔

ذرائع کے مطابق رابطہ کمیٹی میں مزید اراکین کو شامل کرتے ہوئے ان کی شمولیت کا سرکلر بھی جاری کردیا۔

ایم کیو ایم کی رابطی کمیٹی میں ڈاکٹر نگہت شکیل ، کامران فاروق، وسیم حسین، حسان صابر ایڈووکیٹ شامل ہیں۔

اس کے علاوہ حفیظ الدین، آسیہ اسحاق،  آفاق جمال، صوفیہ سعید اور شمشاد صدیقی بھی رابطہ کمیٹی کا حصہ ہیں۔

رابطہ کمیٹی میں شامل اراکین میں سے چھ مصطفی کمال اور تین فاروق ستار کے ساتھ ایم کیو ایم میں شامل ہوئے تھے۔

متحدہ قومی موومنٹ (ایم کیو ایم) پاکستان نے متنازعہ حلقہ بندی اور مردم شماری کیخلاف سڑکوں پر نکلنے کا فیصلہ کیا ہے۔

ذرائع کے مطابق ایم کیو ایم پاکستان  نے کراچی سے اپنی طاقت دکھانے کا فیصلہ کرلیا ہے، جس کا  پہلا اسٹریٹ پاور شو اسی ماہ میں ہوگا۔

ذرائع کے مطابق ایم کیو ایم کا پاور شو مظاہرہ فروری کے آخری ہفتے میں باغ جناح گراؤنڈ میں ہوگا، جس کے بعد سندھ  کے دیگر شہری علاقوں میں بھی ایم کیوایم کے جانب سے جلسوں کا انعقاد کیا جائے گا۔

ذرائع کا کہنا ہے کہ ایم کیو ایم رابطہ کمیٹی نے آج  اجلاس طلب کیا ہے جس میں جلسوں کی تاریخ اور انتظامات کو حتمی شکل دی جائےگیساتھ ہی دیگر امور پر گفتگو ہوگی۔

ذرائع نے بتایا کہ پاور شو متنازعہ حلقہ بندیوں ، بوگس ووٹر لسٹوں ، مردم شماری ، بلدیاتی انتخابات سمیت شہری مسائل اور حقوق کے حوالے سے کیا جائے گا۔

کراچی: متحدہ قومی موومنٹ(ایم کیو ایم) پاکستان نے جعلی حلقہ بندیوں کے مؤقف سے کسی صورت پیچھے نہ ہٹنے کا فیصلہ کیا ہے۔

اے آر وائی نیوز کے مطابق ایم کیو ایم پاکستان کے مرکز بہادر آباد میں رابطہ کمیٹی کا اجلاس جاری ہے جس میں الیکشن کمیشن کے فیصلے پر غور کیا جارہا ہے۔

ذرائع کا بتانا ہے کہ ایم کیو ایم نے جعلی حلقہ بندیوں کے مؤقف سے پیچھے نہ ہٹنے کا فیصلہ کیا ہے جبکہ رابطہ کمیٹی کی وزرا کے استعفوں سمیت مختلف آپشن پر بھی مشاورت جاری ہے۔

ایم کیو ایم کی جانب سے حلقہ بندیوں کی درستگی کے لیے وفاقی اور صوبائی حکومتوں سے حتمی رابطوں کا فیصلہ کیا گیا ہے جبکہ اجلاس میں ہونے والے فیصلوں کا اعلان کیا جائے گا۔

ذرائع کا بتانا ہے کہ ایم کیو ایم نے تمام علاقائی ذمہ داران کو فوری طور پر بہادر آباد طلب کرلیا ہے جبکہ ایم کیو ایم کی جانب سے بڑے فیصلوں کا امکان ہے۔

کراچی اور حیدرآباد میں کل ہونے والے بلدیاتی انتخابات اور موجودہ سیاسی صورتحال کے پیش نظر کے حوالے سے متحدہ قومی موومنٹ (ایم کیو ایم) پاکستان نے اجلاس طلب کر لیا۔

ذرائع کے مطابق رابطہ کمیٹی اجلاس کی صدارت ڈاکٹر خالد مقبول صدیقی کریں گے، اجلاس میں سیاسی صورتحال، بلدیاتی انتخابات کے حوالے سے سندھ حکومت کے لکھے گئے خط سمیت دیگر امور پر غور ہوگا۔

ذرائع نے بتایا کہ اجلاس میں گذشتہ روز خالد مقبول سے کیے گئے وزیراعظم، آصف زرداری اور مولانا فضل الرحمان کے رابطوں اور یقین دہانی پر مشاورت ہوگی۔

ذرائع کا کہنا ہے کہ اجلاس میں خالد مقبول رات گئے گورنر ہائوس میں گورنر سندھ سے ہونے والی ملاقات پر بھی رابطہ کمیٹی کو اعتماد میں لیں گے۔

آج شام ایم کیو ایم قیادت شہر کے دورے پر نکلے گی،  وسیم اختر، ڈاکٹر فاروق ستار  مصطفی کمال، انیس قائم خانی اور عبدالوسیم شہر کے مختلف علاقوں کا دورہ کریں گے اور عوام سے ملاقات کریں گے۔