اسلام آباد : معروف سائنسدان ڈاکٹرعطاالرحمان کا کہنا ہے کہ اینٹی ملیریاڈرگ اور چین کی کچھ ہربل دوائیوں پر ٹیسٹ کیےجارہےہیں، جلدنتائج سامنے آجائیں گے، وقت کے ساتھ واضح ہوگاکہ کورونا کے لیے کونسی دوائیں آزمودہ ہیں۔
تفصیلات کے مطابق معروف سائنسدان ڈاکٹرعطاالرحمان نے اے آر وائی نیوز کے پروگرام پاورپلے میں گفتگو کرتے ہوئے اینٹی ملیریاڈرگ پریونیورسٹی آف ہیلتھ سائنس لاہورمیں ٹیسٹ کررہےہیں، 10 سے15دن میں اینٹی ملیریاڈرگ سےمتعلق رپورٹ آجائے گی۔
ڈاکٹرعطاالرحمان کا کہنا تھا کہ چین کی کچھ ہربل دوائیاں ہیں ان پربھی ٹیسٹ کیےجارہےہیں، 4 ،5 روزقبل ٹرائل شروع ہوچکےہیں،8سے10روزبعدنتائج آجائیں گے، کئی ممالک میں کوروناوائرس کی ویکسین سےمتعلق تجربات جاری ہیں۔
معروف سائنسدان نے کہا کہ بہت سےایسےڈرگ ہےجن میں کوروناسےلڑنےکاپوٹینشل ہے، تجربات اور تحقیق جاری ہے، جلدنتائج سامنے آجائیں گے۔
گذشتہ روز ڈاکٹرعطاالرحمان کا کہنا تھا کہ میرااندازہ ہے6سے7ہزارکوروناکیس اوررپورٹ ہوں گے، اپریل اورمئی کوروناکےحوالےسےبہت اہم ہیں، انتہا پر پہنچ کرکوروناوائرس کا پھیلاؤ گھٹنا شروع ہوسکتاہے۔
انھوں نے کہا تھا کہ لاک ڈاؤن سے کیسز تو کم ہوں گے لیکن افراتفری مچ جائے گی،لاک ڈاؤن مخصوص کرنا پڑے گا،کچھ صنعتیں مشروط کھولی جاسکتی ہیں، ہماری صورتحال یورپی ممالک سے کافی بہترہے، ایسا لاک ڈاؤن ہوکہ لوگ اپنی روزی کماسکیں۔
معروف سائنسدان کا کہنا تھا کہ کوویڈ19کااسٹرکچرپتہ چل جائےتودواکی طرف بڑھ سکتےہیں، وقت کے ساتھ واضح ہوگاکہ کورونا کے لیے کونسی دوائیں آزمودہ ہیں۔
