Tag: اینٹی نارکوٹکس فورس

کوئٹہ: اینٹی نارکوٹکس فورس نے افغانستان سے کراچی اسمگل کی جانے والی چرس پکڑلی، 2 کارروائیوں میں 1565 کلو منشیات برآمد کرتے ہوئے 2 ملزمان کو گرفتار کر لیا گیا۔

اے آر وائی نیوز کے مطابق اینٹی نارکوٹکس فورس کی جانب سے منشیات کے اسمگلرز کے خلاف کارروائیاں جاری ہیں، اےاین ایف 2 کارروائیوں میں ملزمان سے 1565 کلو منشیات برآمد کرتے ہوئے دو ملزمان کو حراست میں لے لیا ہے۔

کوئٹہ کے علاقے یارو کے قریب کپاس کے کنٹینر سے بھاری مقدار میں چرس برآمد ہوئی، 1550 کلوگرام چرس کنٹینر میں موجود کپاس کی گانٹھوں میں چھپائی گئی تھی۔

حکام نے بتایا کہ ملزمان برآمد شدہ چرس افغانستان سے براستہ چمن کراچی اسمگل کر رہے تھے، دوران کارروائی چمن کے رہائشی 2 ملزمان موقع سے گرفتار ہوئے۔

اےاین ایف کے مطابق خیبر کے علاقے جروبی زخا خیل میں اسمگلنگ کی غرض سے چھپائی گئی 15 کلو چرس برآمد کی گئی، ملزمان کے خلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

اے این ایف نے منشیات کے اسمگلرز کے خلاف مختلف کارروائیوں کے دوران 74 کلوگرام سے زائد منشیات برآمد اور 9 ملزمان کو گرفتار کر لیا۔

اے آر وائی نیوز کے مطابق اینٹی نارکوٹکس فورس (اے این ایف) کی منشیات اسمگلنگ کی روک تھام اور ملزمان کی بیخ کنی کے لیے کارروائیاں جاری ہیں، گزشتہ روز 7 مختلف علاقوں میں کارروائیاں کرتے ہوئے 74 کلوگرام سے زائد منشیات برآمد کر لی گئی جب کہ 9 ملزمان کو بھی حراست میں لیا گیا ہے۔

اے این ایف حکام کے مطابق سیکٹر آئی 10 اسلام آباد میں کار سے 3 کلو 600 گرام چرس برآمد ہوئی جبکہ ملزم کو بھی پکڑ لیا گیا، ہکلہ ریسٹ ایریا میں کار سوار 2 ملزمان سے 140 نشہ آور گولیاں برآمد ہوئیں۔

ڈی ایچ اے کراچی میں کار اور موٹرسائیکل میں چھپائی گئی 20 کلو گرام چرس برآمد کر لی گئی، دوران کارروائی کراچی اور وزیرستان کے رہائشی 4 ملزمان کو حراست میں لیا گیا، شکار پور روڈ سکھر پر بلوچستان کے رہائشی ملزم سے 989 گرام آئس برآمد ہوئی۔

کراچی کورنگی نمبر5 کے قریب سے 10 کلو چرس اور 250 گرام آئس برآمد کرتے ہوئے ملزم کو گرفتار کر لیا گیا، پسنی کے غیر آباد مقام پر چھپائی گئی 35 کلو گرام چرس بھی پکڑی گئی، خیبرکےعلاقے زخہ خیل میں چھپائی گئی 3 کلو 500 گرام آئس بھی برآمد کر لی گئی، گرفتار ملزمان کے خلاف انسداد منشیات ایکٹ کے تحت مقدمات درج کر لیے گئے ہیں۔

راولپنڈی: اینٹی نارکوٹکس فورس نے افغانستان سے پشاور، پنجاب اور سندھ منشیات اسمگل کرنے کی کوشش ناکام بنا کر ملزم کو گرفتار کرلیا۔

تفصیلات کے مطابق اینٹی نارکوٹکس فورس نے پشاور میں منشیات کے خلاف کارروائی کرتے ہوئے پاکستان کے بڑے صوبوں میں اسمگل کرنے کی کوشش ناکام بنا دی۔

ترجمان نے بتایا کہ پشاور میں چار سدہ روڈ کے قریب ملزم سے 6 کلو ہیروئن برآمد کیا گیا ، پشاور کا رہائشی ملزم مختلف شہروں میں منشیات کی اسمگلنگ میں ملوث تھا۔

ترجمان کے مطابق پوچھ گچھ پرگرفتار ملزم  نے گھر میں مزید ہیروئن کی موجودگی کا انکشاف کیا، گرفتار ملزم کی نشاندہی پر اے این ایف کی ٹیم نے قریب واقع گھر پر چھاپہ مارا  کارروائی کے دوران گھر کی بالائی منزل سے مزید 78 کلوگرام ہیروئن برآمد ہوا۔

اےاین ایف ترجمان کا کہنا ہے کہ مجموعی طور پر 84 کلو ہیروئن برآمد کی گئی، مذکورہ گھر ملزم کی جانب سے منشیات ذخیرہ کرنے کیلئے استعمال کیا جاتا تھا، ملزم کے خلاف انسداد منشیات ایکٹ کے تحت مقدمہ درج کرلیا گیا۔