Tag: اینٹی ٹیٹنس انجکشن

اسلام آباد : اینٹی ٹیٹنس انجکشن کی بڑی کھیپ پاکستان پہنچ گئی، انجکشن کی کھیپ کل حکومت پنجاب کےحوالے کی جائے گی۔

تفصیلات کے مطابق اینٹی ٹیٹنس انجکشن کی بڑی کھیپ پاکستان پہنچ گئی، ڈریپ ذرائع نے بتایا کہ اینٹی ٹیٹنس انجکشن کی 75ہزار ملٹی ڈوزوائلزپر پاکستان پہنچی ہیں۔

ٹیٹنس انجکشن کی 75ہزار وائلز 15لاکھ ڈوزپر مشتمل ہیں، انجکشن ایمسن ویکسین اینڈ فارما نے درآمد کئے ہیں، انجکشن کی کھیپ کل حکومت پنجاب کےحوالے کی جائے گی

ٹیٹنس انجکشن کی کھیپ ڈی جی ہیلتھ سروسز پنجاب کے حوالے ہو گی، پنجاب حکومت انجکشن کی ترسیل 27 مئی سے کرے گی، ذرائع

پنجاب حکومت کوضلعی،تحصیل اسپتالوں سے ڈیمانڈ لسٹ مل چکی اور ایمسن فارما نے 15 لاکھ اینٹی ٹیٹنس ڈوز پروڈکشن کر لی ہے، 15 لاکھ ٹیٹنس ڈوز کے کوالٹی ٹیسٹ کر رہی ہے۔

ایمسن فارما کی تیارکردہ ٹیٹنس ڈوز دو ہفتے میں دستیاب ہون گی، فارما 15 لاکھ ٹیٹنس ڈوز لوکل مارکیٹ کو فراہم کرے گی۔

لاہور : وزیرصحت پنجاب سلمان رفیق کا کہنا ہے کہ 15 سے 20 دنوں میں اینٹی ٹیٹنس انجکشن کی قلت دور ہوجائے گی۔

تفصیلات کے مطابق وزیرصحت پنجاب سلمان رفیق نے لاہورسمیت پنجاب کی مارکیٹوں میں اینٹی ٹیٹنس انجکشن نہ ملنے کے معاملے کا نوٹس لے لیا۔

سلمان رفیق نے انجکشنز بنانے والی کمپنی سے رپورٹ طلب کرتے ہوئے اے آر وائی نیوز کا شکریہ جو اہم معاملے کومنظر عام پر لایا۔

وزیرصحت پنجاب کا کہنا تھا کہ 15 سے 20 دنوں میں اینٹی ٹیٹنس انجکشن کی قلت دورہوجائےگی، کمپنی کو کہا ہے، ڈیڑھ لاکھ انجکشن 28 مئی کوامپورٹ کر رہی ہے۔

انھوں نے مزید کہا ہے کہ 15 جون تک 15لاکھ انجکشن لیب ٹیسٹ کے بعد مارکیٹ میں آجائیں گے، 15 لاکھ انجکشن لیب ٹیسٹنگ کے لئے ڈریپ کے پاس ہیں۔

خیال رہے لاہور میں اینٹی ٹیٹنس انجکشن نایاب ہے، جس سے زخمی مریضوں کو مشکلات کا سامنا ہے، طبی ماہرین کا کہنا ہے کہ چوٹ لگنے کے 72 گھنٹے کے اندر انجکشن لگوانا لازمی ہوتا ہے۔

فارما مینوفییکچرز نے بتایا تھا کہ انجکشن بنانے والی بین الاقوامی کمپنی نے پروڈکشن روک دی ہے، ویکسین سپلائی کرنے والی کمپنی کادیگرممالک کی مارکیٹ میں بڑاشیئرتھا، مختلف کمپنیوں کی دیگرممالک سپلائی پرقلت ہوسکتی ہے۔

لاہور : صوبائی دارلحکومت لاہور میں اینٹی ٹیٹنس انجکشن نایاب ہونے سے مریض پریشانی کا شکار ہے، یہ انجکیشن 72 گھنٹے کے اندر لگوانا لازمی ہوتا ہے۔

تفصیلات کے مطابق لاہور میں اینٹی ٹیٹنس انجکشن نایاب ہوگیا ، جس سے زخمی مریضوں کو مشکلات کا سامنا ہے۔

نجی کلینکس اور اسپتالوں میں بھی اینٹی ٹیٹنس انجکشن میسرنہیں، طبی ماہرین کا کہنا ہے کہ چوٹ لگنے کے 72 گھنٹے کے اندر انجکشن لگوانا لازمی ہوتا ہے۔

فارما مینوفییکچرز نے بتایا کہ انجکشن بنانے والی بین الاقوامی کمپنی نے پروڈکشن روک دی ہے، ویکسین سپلائی کرنے والی کمپنی کادیگرممالک کی مارکیٹ میں بڑاشیئرتھا، مختلف کمپنیوں کی دیگرممالک سپلائی پرقلت ہوسکتی ہے۔

وزیر صحت پنجاب نے کہا ہے کہ ٹیٹنس انجکشن مارکیٹ میں آنے میں1 ماہ لگ سکتا ہے، ٹیٹنس انجکشن بنانےوالی کمپنی سے رابطے میں ہیں۔

ان کا کہنا تھا کہ انجکشن کے را مٹیریل کا ڈریپ میں ٹیسٹ کیا جارہا ہے، ٹیٹنس ویکسین، جان بچانےوالی دواکی قلت کسی صورت برداشت نہیں کریں گے۔