Tag: اینٹی کرپشن

راولپنڈی: محکمہ اینٹی کرپشن ٹیم نے فراڈ کیس میں سابق نائب تحصیلدار سردار نجف حمید لطیفال کو گرفتار کرلیا۔

تفصیلات کے مطابق فراڈ کیس میں سابق نائب تحصیلدار چکوال نجف حمید کی ضمانت منسوخی کے بعد اینٹی کرپشن کی جانب سے نجف حمید کو گرفتار کرنے کی کوشش کی گئی جس کے بعد وہ فرار ہوگئے تھے۔

تاہم انہیں دوبارہ گرفتار کرنے بعد عدالت میں پیش کیا گیا، اینٹی کرپشن عدالت نے ان کی ضمانت قبل از گرفتاری کی درخواست خارج کرتے ہوئے 2 روز کیلئے اینٹی کرپشن حکام کے حوالے کردیا۔

سابق نائب تحصیلدار نجف حمید نے ضمانت قبل از گرفتاری کیلئے سینئر سول جج کرمنل سے رجوع کرلیا۔

واضح رہے کہ نجف حمید اینٹی کرپشن عدالت کے خصوصی جج  کی عدالت میں پیش ہوئے تھے، ان کے خلاف 2023 میں اینٹی کرپشن نے اراضی فراڈ کا مقدمہ درج کیا تھا، نجف حمید نے گرفتاری سے بچنے کے لیے ضمانت قبل از گرفتاری دائر کر رکھی تھی۔

اوکاڑہ : چیئرمین پی ٹی آئی کی اہلیہ بشریٰ بی بی اینٹی کرپشن میں پیش نہ ہوئیں ، بشریٰ بی بی کو ناقص سڑک کاٹھیکہ دینے پر طلب کیا گیا تھا۔

تفصیلات کے مطابق چیئرمین پی ٹی آئی کی اہلیہ بشریٰ بی بی اینٹی کرپشن میں پیش نہ ہوئیں ، بشریٰ بی بی کو اینٹی کرپشن نے آج 10بجے طلب کر رکھا تھا۔

ڈائریکٹر اینٹی کرپشن ساہیوال کنور خالد نے بتایا کہ بشریٰ بی بی کو ناقص سڑک کاٹھیکہ دینے پر طلب کیا گیا تھا ، غیر حاضری پرقانون کے مطابق کارروائی کی جائے گی۔

ڈپٹی ڈائریکٹر اینٹی کرپشن اوکاڑا ملک تصور نے کہا کہ بشریٰ بی بی آج دفتری اوقات تک پیش نہ ہوئیں توقانون کےمطابق دیکھا جائے گا۔

یاد رہے گذشتہ روز اینٹی کرپشن نے پی ٹی آئی کی اہلیہ بشریٰ بی بی کو طلب کیا تھا ، ترجمان نے بتایا تھا کہ بشریٰ بی بی کواپنے گاؤں میں ترقیاتی کاموں میں کرپشن کےالزامات پرطلب کیا گیا ، ان پر من پسندٹھیکیداروں کوغیرقانونی طورپرٹھیکےدلانےکاالزام ہے۔

اینٹی کرپشن نے طلبی کانوٹس زمان پارک،بنی گالاکی رہائشگاہوں پرچسپاں کیا تھا جبکہ نوٹس وکلاعلی بھٹہ اور اویس کوبھی وصول کرایاگیا تھا۔

ترجمان کا کہنا تھا کہ بشریٰ بی بی کواینٹی کرپشن اوکاڑہ آفس میں کل طلب کیاگیا اور طلبی کاحکم نامہ اوکاڑہ میں بشریٰ بی بی کےآبائی گھرکےباہرچسپاں کردیاگیا تھا۔

لاہور: اینٹی کرپشن مقدمے میں گرفتار چوہدری پرویز الہٰی کو کیمپ جیل کے سیکیورٹی بلاک میں رکھا گیا ہے۔

جیل حکام کے مطابق کیمپ جیل میں نئے قائم سیکیورٹی بلاک میں پہلے رانا ثنااللہ کو بھی رکھا جا چکا ہے۔

جیل حکام نے بتایا کہ پرویز الہٰی کی رات کو میڈیکل ٹیسٹ کی رپورٹس نارمل تھیں، پرویزالہٰی کو جیل کا کھانا فراہم کیا جائے گا گھر کے کھانے کی اجازت نہیں ہوگی۔

اینٹی کرپشن پولیس نے پرویز الہٰی کو دوبارہ گرفتار کرلیا

جیل حکام نے بتایا کہ اینٹی کرپشن کےمقدمات میں قید ملزمان کی ملاقات پیر، جمعرات کو کرائی جاتی ہے، ان کی فیملی کسی ایک دن فیملی روٹین میں پرویز الہٰی سے ملاقات کرسکتے ہیں۔

لاہور: اینٹی کرپشن نے پی ٹی آئی رہنما زرتاج گل کو کل صبح 10 بجے دوبارہ طلب کرلیا ، زرتاج گل اوران کے شوہر نے سرکاری خزانے کو کروڑوں کا نقصان پہنچایا۔

تفصیلات کے مطابق اینٹی کرپشن پنجاب نے سابق وفاقی وزیر زرتاج گل کو آخری نوٹس جاری کرتے ہوئے کل صبح 10 بجے دوبارہ طلب کرلیا۔

نوٹس میں کہا گیا کہ زرتاج گل اوران کے شوہر ہمایوں رضا نے منصوبوں کو ریوائز کروا کر سرکاری خزانے کو کروڑوں کانقصان پہنچایا۔

اینٹی کرپشن کا کہنا تھا کہ سابق وفاقی وزیر زرتاج گل نے تمام منصوبوں کے ٹھیکے اپنے فرنٹ مینوں کو دے کر بھاری رشوت وصول کی۔

ان پر الزام ہے کہ انہوں نے منظورشدہ منصوبوں کے پلان میں ازخود تبدیلی کروا کے اپنے گھر اور سیکرٹریٹ کو پختہ سڑک سے منسلک کروایا۔ زرتاج گل نے پبلک ہیلتھ انجینئرنگ کے منصوبوں میں ناقص میٹریل استعمال کرایا جس کی وجہ سے کام مکمل ہونے سے پہلے ہی گلیاں ٹوٹ پھوٹ کا شکار ہوگئیں۔