کراچی : اینکر مرید عباس کی اہلیہ زارا عباس نے اپنے شوہر کے قاتلوں سے صلح کرنے سے انکار کردیا اور کہا مریدعباس کے قتل کاہرگز سودا نہیں کرسکتی، کیس جتنا بھی طویل چلے مکمل طور پر پیروی کروں گی۔
تفصیلات کے مطابق اینکر مرید عباس سمیت 2افرادقتل کیس کے ملزم عاطف زمان نے صلح کےلیے کوشش شروع کردی، ملزم عاطف زمان کی جانب سے مریدعباس کے اہلخانہ کودوسری بار پیغام بھجوایا گیا۔
ملزم عاطف زمان نے پیغام میں کہا کہ نقصان کا ازالہ تو نہیں ہوسکتا ہے، مگر مل بیٹھ کر بات کرسکتے ہیں، عادل زمان کو کیس ثابت نہیں ہوسکتا،اسے ضمانت بھی مل گئی ہے، میرے کےخلاف بھی کیس طویل عرصے تک چل سکتا ہے، چاہتےہیں گاؤں کی زمین بیچ کر بطوردیت اہلخانہ کو رقم ادا کردی جائے۔
مرید عباس کی بیوہ زار عباس نے صلح کرنے سے انکار کردیا اور کہا کیس جتنا بھی طویل چلے مکمل طور پر پیروی کروں گی، انصاف ملنے کی پوری توقع ہے، ہر فورم پر کیس لڑوں گی۔
زارا عباس کا کہنا تھا کہ قاتل عدالتوں سے بھاگ کیوں رہے ہیں، باقاعدگی سے پیش ہوں، شواہد کی روشنی میں عدالت نےفیصلہ کرناہے، مرید عباس کے قاتلوں سے کبھی صلح نہیں کروں گی اور قاتلوں سے مریدعباس کے قتل کاہرگز سودا نہیں کرسکتی۔
