Tag: اینکر مرید عباس قتل کیس

کراچی : محکمہ داخلہ سندھ کا کہنا ہے کہ اینکرمریدعباس قتل کیس کی سماعت جیل میں ہوگی، کیس انتہائی ہائی پروفائل ہے،ملزمان عاطف زمان اور عادل زمان کو سٹی کورٹ میں پیش کرتے وقت ناخوشگوار واقعہ رونما ہوسکتا ہے۔

محکمہ داخلہ کا نوٹی فکیشن ایڈیشنل ڈسٹرکٹ اینڈ سیشن جج ساؤتھ کی عدالت میں پیش کردیاگیا۔ فاضل جج نےکہا کیس جیل میں کس جج کی عدالت میں چلایاجائےگا اسکی وضاحت نہیں کی گئی۔ فاضل جج نے وضاحت کیلئےڈسٹرکٹ اینڈ سیشن جج کوخط لکھ دیا۔

تفصیلات کے مطابق کراچی میں ایڈیشنل ڈسٹرکٹ اینڈ سیشن جج کی عدالت میں اینکر مرید عباس سمیت 2 افراد کے قتل کے کیس کی سماعت ہوئی، محکمہ داخلہ سندھ کی جانب سے اینکر مرید عباس قتل کیس کی سماعت جیل منتقل کرنے کے لیے جاری کیا گیا نوٹیفکیشن دورانِ سماعت عدالت میں پیش کیا گیا۔

ایڈیشنل ڈسٹرکٹ اینڈ سیشن جج ساﺅتھ نے اپنے ریمارکس میں کہا کہ محکمہ داخلہ سندھ کے نوٹیفکیشن میں اس بات کی وضاحت نہیں کی گئی کہ جیل میں کیس کس جج کی عدالت میں چلایا جائے گا۔

فاضل جج نے وضاحت کیلئے ڈسٹرکٹ اینڈ سیشن جج کو خط لکھ دیا ، محکمہ داخلہ سندھ کی جانب سے جاری کیے گئے نوٹیفکیشن میں کہا گیا ہے کہ مرید عباس قتل کیس انتہائی ہائی پروفائل ہے، ملزم عاطف زمان اور عادل زمان کی سٹی کورٹ میں پیشی کے وقت ناخوش گوار واقعہ رونما ہوسکتا ہے، لہذا ملزمان کے خلاف کیس جیل میں چلایا جائے۔

واضح رہے کہ سالِ رواں 9جولائی کوکراچی کے پوش علاقے ڈیفنس میں پیسوں کے لین دین کے تنازع پر ملزم عاطف زمان نے ٹی وی اینکر مرید عباس اور ان کے دوست کو فائرنگ کر کے قتل کر دیا تھا۔ملزم عاطف زمان نے اس دہرے قتل کے بعد خود کو بھی گولی مار کر خودکشی کی کوشش کی تھی تاہم اسے بچا لیا گیا۔

کراچی: قومی احتساب بیورو نے مرید عباس قتل کیس کے مرکزی ملزم عاطف زمان اور بھائی کی جائیداد کی تفصیلات طلب کرتے ہوئے اعلان کیا کہ متاثرین کو لوٹی گئی رقم واپس دلوائی جائے گی۔

تفصیلات کے مطابق کاروباری لین دین میں قتل ہونے والے اینکر مرید عباس کیس میں اہم پیشرفت اُس وقت سامنے آئی جب گواہان مدثر اقبال، عمرریحان اور فواد زیدی اپنا بیان ریکارڈ کرانے نیب ہیڈ کوارٹر پہنچے۔

متاثرین نےعاطف کےٹائرفراڈسےمتعلق تفصیلات نیب حکام کو فراہم کیں جس کے بعد قومی احتساب بیورو نے پولیس نے ملزمان کے اثاثوں اور کراچی میں موجود جائیدادوں کی تفصیلات طلب کیں۔

مزید پڑھیں: اینکر مرید عباس قتل کیس، ملزم عاطف زمان کا ڈرائیور دوران علاج انتقال کرگیا

ڈائریکٹر نیب کراچی محمد طاہر نے ایس ایس بی انویسٹی گیشن طارق دھاریجوں کو تفتیشی ریکارڈ کے ہمراہ طلب کیا اور متاثرین سے تعاون کی اپیل کرتے ہوئے یقین دہانی کرائی کہ فراڈ کے ذریعے لوٹی گئی رقم واپس دلائی جائے گی۔ ڈائریکٹرنیب نےتفتیشی افسرعمیرمیمن کوتفتیش تیزکرنےکی ہدایت کردی۔

خیال رہے کہ ملزم عاطف زمان نے کراچی کے علاقے ڈیفنس میں نجی ٹی وی اینکر مرید عباس اور اس کے دوست خضر کو لین دین کے تنازع پر فائرنگ کرکے قتل کردیا تھا۔

کراچی: اینکر مرید عباس سمیت 2 افراد کے قتل کیس میں عدالت نے ملزم عاطف زمان کو کل پیش کرنے کا حکم دے دیا۔

تفصیلات کے مطابق کراچی کے علاقے ڈیفنس میں اینکر مرید عباس سمیت 2 افراد قتل کیس میں سٹی کورٹ نے تفتیشی افسر کی درخواست پر ملزم عاطف زمان کو کل پیش کرنے کا حکم دے دیا۔

تفتیشی افسر کا کہنا تھا کہ عاطف زمان خود اعتراف جرم کرنا چاہتا ہے، خدشہ ہے ملزم پھر خودکشی کی کوشش کرے گا، ضمیر کے بوجھ کی وجہ سے عاطف زمان نے پہلے بھی خود کو گولی ماری تھی۔

تفتیشی افسر کا نے کہا کہ معزز جج چاہیں تو خود اسپتال جاکر ملزم عاطف زمان سے مل سکتے ہیں، ملزم کے وکلا کا اعترافی بیان ریکارڈ کرنے سے متعلق درخواست اٹھایا۔

تفتیشی افسر نے کہا کہ تفتیش میں زیادہ پیش رفت کیا ہوگی ملزم خود اعتراف اہتا ہے، ملزم فون کال پر دھاڑیں مار مار کر روتا ہے۔

مزید پڑھیں: اینکر قتل کیس: عینی شاہد ندیم کی خود کشی کی کوشش

دوسری جانب آئی او کا کہنا تھ اکہ عدالت وقت اور جگہ کا تعین کرکے ملزم کا اعترافی بیان ریکارڈ کرے، وکلا اور عاطف زمان کے ماموں کی ملاقات ملزم سے کرادی ہے۔

آئی او نے کہا کہ ملزم کہتا ہے میرے ضمیر پر بوجھ ہے میں بیان ریکارڈ کرانا چاہتا ہوں، ملزم کہتا ہے میں پریشان ہوں مجھے رات کو نیند نہیں آتی ہے، پولیس نے ایم ایل او رپورٹ عدالت میں جمع کرادی۔

ملزم کے وکیل کا کہنا تھا کہ اگر عاطف زمان کو جیل بھیج دیا گیا تو اعترافی بیان کیسے ریکارڈ ہوگا، اعترافی بیان کی درخواست ریکارڈ پر ہے۔

ملزم کا 164 کا بیان قلمبند کرنے کے لیے بھی عدالت میں درخواست جمع کرادی گئی، عدالت نے آئی او کی درخواست پر کل اعترافی بیان کے لیے ملزم کو طلب کرلیا۔

کراچی: ایس ایس پی پولیس کا کہنا ہے کہ ملزم عاطف زمان کا تفصیلی بیان ریکارڈ کر لیا گیا ہے، ملزم نے قتل کی وارداتوں کا بھی اعتراف کر لیا۔

تفصیلات کے مطابق پولیس نے نجی ٹی وی کے اینکر مرید عباس کے قاتل عاطف زمان کا تفصیلی بیان ریکارڈ کر لیا ہے، پولیس کا کہنا ہے کہ ملزم کی حالت خطرے سے باہر ہے۔

ایس ایس پی طارق دھاریجو کا کہنا ہے کہ ملزم نے 5 افراد کو قتل کرنے کی منصوبہ بندی کر رکھی تھی، ملزم نے کروڑوں روپے کی ہیر پھیر کی ہے، جب مکمل پھنس گیا تو قتل کا منصوبہ بنایا، ملزم نے 5 لاکھ سے فراڈ شروع کیا جو کروڑوں تک پہنچا، لوگ پرافٹ کی لالچ میں جڑتے چلے گئے۔

پولیس افسر کے مطابق ملزم نے اعتراف کیا ہے کہ وہ جھوٹ بول کر لوگوں سے پیسے لیتا تھا، اب تک کی تفتیش میں 40 سے 50 کروڑ کے کاروبار کا پتا چلا ہے، ملزم ایک جگہ سے پیسے لے کر دوسری جگہ دیتا رہا، مزید کلائنٹس آنا بند ہوئے تو ملزم پھنستا چلا گیا۔

یہ بھی پڑھیں:  عدالت نے ملزم عاطف زمان کو ریمانڈ میں لینے کی مہلت دے دی

ایس ایس پی نے بتایا کہ تحقیقات میں اصل رقم کا تعین کر رہے ہیں، ملزم کے گھر والوں سے رابطہ نہیں ہوا تاہم ملزم کے وکیل سے رابطہ ہوا ہے، گرفتاری اب تک عاطف کی ہی ہوئی ہے، ملزم کا بھائی بھی جلد گرفتار کر لیا جائے گا جس کی گرفتاری کے لیے ٹیم بنا دی گئی ہے۔

طارق دھاریجو کا کہنا تھا کہ ملزم نے بیان میں بتایا ہے کہ بھائی ساتھ نہیں تھے، تاہم سی سی ٹی وی فوٹیج سے تحقیقات میں مدد لی جا رہی ہے۔

پولیس کے مطابق ملزم نے سرمایہ کاری کر رکھی تھی لیکن کاروبار کوئی نہیں تھا، چند سال قبل 15 ہزار تنخواہ پر ڈرائیور کی نوکری کرتا تھا، عاطف جب میٹرک میں فیل ہوا تب بھی خود کشی کی کوشش کی، اب تک ملزم کے بیانات بے ہوشی کی حالت میں لیے گئے تھے۔