Tag: اینی میٹڈ فلم

کیا آپ اپنے بچپن میں ’دی ایڈمز فیملی‘ نامی کارٹون دیکھتے رہے ہیں، جی ہاں ! وہاں خاندان ، جو سب سے عجیب ہے، اب اسی کارٹون کی اینی میٹڈ فلم کا پہلا ٹریلر جاری کردیا گیا ہے۔

یاد آیا بچپن! یہ وہی خاندان ہے جس میں ایک خاتون اپنے لباس میں بہت سے کیڑے چھپا کر رکھتی ہیں، گھر کے ڈیڈی خود پر تکلیف دہ حربے آزماتے رہتے ہیں ، دو بچے ہیں جن کا ایڈونچر دھماکے کرنا ہے۔ اور دو انکل ایک وہ جن کی شکل دیکھ کر ہی ہنسی نکل جاتی ہے تو دوسرے کو دیکھتے ہی خو ف آتا ہے، اور ایک پاگل بڑھیا۔۔۔ یہ ہے ’دی ایڈمز فیملی‘۔

ان کا گھر جو کہ ایڈمز ہاؤس کہلاتا ہے ، ازخود اپنی جگہ ایک جائے حیرت ہے ۔ ایک ایسا گھر جہاں دھماکے ہوتے ہیں۔ اذیت رسانی کے عجیب و غریب آلات موجود ہیں اور آنکھوں کے نیچے سرمہ لگائے ایک ایسا عجیب و غریب خاندان رہتا ہے جس کا ہر فرد نرالا ہے، اور سب سے بڑھ کر ایک ’ ہاتھ ‘ ہے جو اپنی انگلیوں کو ٹانگوں کے طور پر استعمال کرکے پورے گھر میں منڈلاتا ہے۔

یہ ایک دل چسپ ، مزاحیہ اور منفرد کارٹون تھا اور اب ہالی وڈ میں اس پر فلم بنائی جارہی ہے جس کا کامیڈی اور تھرل سے بھرپور پہلا اینی میٹڈ ٹریلر جاری کردیا گیا ہے ۔کونراڈ ورنن کی ہدایتکاری میں بننے والی یہ فلم چارلس ایڈمزکے مشہور کارٹون پر مبنی ہے جس کی کہانی ایڈمز نام کے ایک خاندان کے گرد گھوم رہی ہے۔

فلم میں اپنی آوازوں کا جادو جگانے والے فنکاروں میں آسکر ایساک،چارلز تھیرون،نک کرول،فن وولفہارڈ،ایلیسن جینے اور ایمی گارسیا سمیت دیگر شامل ہیں۔کونراڈ ورنن اور گیل برمین کی
مشترکہ پروڈیوس کردہ کامیڈی اور تھرل سے بھرپور یہ فلم 11اکتوبر کو سینما گھروں کی زینت بنے گی۔