Tag: این او سی

اسلام آباد : سپریم کورٹ ججز ترمیمی آرڈر 2025 جاری کر دیا گیا ، جس کے تحت سپریم کورٹ کے ججز کو بیرون ملک جانے کیلئے چیف جسٹس سے این او سی لینا ہوگا۔

تفصیلات کے مطابق صدر آصف زرداری نے سپریم کورٹ ججز ترمیمی آرڈر 2025 جاری کر دیا، جس کے تحت چیف جسٹس کو ججز کی چھٹی منظور یا مسترد اورواپس بلانے کا اختیار ہوگا۔

رجسٹرار سپریم کورٹ نے جنرل اسٹینڈنگ آرڈر جاری کردیا ہے ، جس میں ججز کی چھٹی، تعطیلات پر ضابطہ کار طے کیا گیا ہے۔

ایس او پی میں کہا گیا ہے کہ چیف جسٹس عوامی مفاد میں صوابدیدی اختیارات استعمال کریں گے، بیرون ملک سفر سے پہلے چیف جسٹس سے این او سی لینا ضروری ہوگا۔

ایس او پی میں ہر قسم کی چھٹی کے لیے پیشگی منظوری اور معقول وجہ دینا لازم قرار دیتے ہوئے کہا گیا ہے کہ ججز کو چھٹی کے دوران موجودہ پتہ اور رابطہ تفصیل فراہم کرنا ہوگی۔

ایس او پی کے مطابق صرف سرکاری دوروں کے لیے وزارت خارجہ کو پروٹوکول کی درخواست دی جائے گی۔

اسلام آباد : بیرون ملک میڈیکل تعلیم کے لیے جانے والے طلبا پر بڑی شرط عائد کردی گئی، جس کے تحت سال 2024 سیشن کے لیے طلبہ کو این او سی لینا ہوگی۔

تفصیلات کے مطابق حکومت نے بیرون ملک میڈیکل تعلیم کے لیے جانے والوں کیلئے این او سی کی شرط عائد کردی۔

جس کے بعد سال 2024 سیشن کے لیے طلبہ کو پاکستان میڈیکل اینڈ ڈینٹل کونسل سے این او سی لینا ہوگی۔

حکام نے بتایا کہ پاکستانی طلبہ کوغیرمعیاری بین الاقوامی یونیورسٹیوں سےبچانے کے لیےمزید اقدامات کررہے ہیں، ہرسال تین ہزار طلبہ میڈیکل ایجوکیشن کےلیے بیرون ملک جا رہےہیں، جن میں تیس فیصد خواتین بھی شامل ہیں۔

بیرون ملک سے میڈیکل کی ڈگری لینے والے طلبہ کی پاکستان میں کوئی کھپت نہیں، سب سے زیادہ پاکستانی طلبہ میڈیکل تعلیم کے لیے چین جاتے ہیں۔

اس کےعلاوہ وسط ایشیائی ریاستیں اور افغانستان دوسرے اور تیسرے نمبر پر پسندیدہ ملک ہیں، ان کے علاوہ پاکستانی طلبہ روس، یوکرین، آذربائجان، ایران ، رومانیہ، ملائیشیا، اور بنگلہ دیش جا رہے ہیں۔

پاکستان میں ہر سال 185 میڈیکل کالجز میں اکیس ہزار طلبہ میڈیکل ایجوکیشن حاصل کر رہے ہیں۔