Tag: این ای ڈی

  • پاکستان کے ترقیاتی اسٹرکچر میں این ای ڈی کے طلبہ کا بڑا نمایاں کردار ہے،وزیراعلیٰ سندھ

    پاکستان کے ترقیاتی اسٹرکچر میں این ای ڈی کے طلبہ کا بڑا نمایاں کردار ہے،وزیراعلیٰ سندھ

    کراچی: وزیراعلیٰ سندھ سید مراد علی شاہ نے کہا ہے کہ پاکستان کے ترقیاتی اسٹرکچر میں این ای ڈی کے طلبہ کا بڑا نمایاں کردار ہے۔

    این ای ڈی یونیورسٹی کے 33ویں کانوکیشن کی تقریب سے خطاب کرتے ہوئےوزیراعلیٰ سندھ نے کہا کہ این ای ڈی جدید دور کے تقاضوں کے مطابق طلبا کو عملی میدان کیلئے تیار کرتی ہے، یہاں کے طلبہ عالمی سطح پر کامیابی کیساتھ مختلف شعبوں میں فرائض انجام دے رہے ہیں۔

    وزیراعلیٰ مراد علی شاہ کا کہنا تھا کہ این ای ڈی جدید ٹیکنالوجی کے میدان میں بہت سے شعبوں میں خدمات پیش کررہی ہے، سندھ حکومت، انرٹیک کا این ای ڈی کے سائنس اینڈ ٹیکنالوجی پارک کیلئے مکمل تعاون رہا۔

    انھوں نے کہا کہ سہولت کا مقصد طلبا، فیکلٹی اور صنعتی اسٹیک ہولڈرز میں تعاون کو بڑھانا ہے، صوبے میں معاشی ترقی کو سہل اور بہتر بنانا ہے۔

    مراد علی شاہ نے مزید کہا کہ ہم نے اعلیٰ تعلیمی اداروں کے فنڈز کو 6 ارب سے بڑھا کر 33 ارب روپے کردیا ہے، یہ اقدام تعلیم کے فروغ میں ہمارےعزم کاثبوت ہے۔

    وزیراعلیٰ سندھ کا کہنا تھا کہ 2022 کا سیلاب ہمارے لیے سب سے بڑا چیلنج رہا، جس نے صوبے بھر میں تباہی مچائی، متاثرہ افراد کیلئے گھروں کی تعمیرکا عمل جاری ہے، اس میں ہم کافی حد تک کامیاب ہوئے ہیں۔

    انھوں نے کہا کہ جدید ٹیکنالوجی کے استعمال سے بہت سے درپیش چیلنجز پر قابو پایا جاسکتا ہے، یقین ہے اساتذہ و طلبا ماحولیاتی تبدیلی کے چیلنجز سے نمنٹنے میں مثبت کردار ادا کریں گے۔

  • این ای ڈی یونیورسٹی میں اینی میشن اور گیمنگ کے مفت کورسز

    این ای ڈی یونیورسٹی میں اینی میشن اور گیمنگ کے مفت کورسز

    کراچی: صوبہ سندھ کے دارالحکومت کراچی کی این ای ڈی یونیورسٹی میں سالانہ 2 ہزار طلبا و طالبات کے لیے مفت اینی میشن اور گیمنگ کورسز کے پروگرام کا اعلان کردیا گیا۔

    تفصیلات کے مطابق وفاقی وزیر برائے انفارمیشن ٹیکنالوجی امین الحق کا کہنا ہے این ای ڈی یونیورسٹی میں سینٹر آف ایکسیلنس کے قیام کا آغاز کردیا گیا ہے۔

    امین الحق کا کہنا ہے کہ 500 ارب ڈالرز کی عالمی گیمنگ انڈسٹری میں پاکستان کا حصہ 5 کروڑ ڈالر ہے، سینٹر سے گیمنگ انڈسٹری کو 50 کروڑ ڈالرز تک لے کر جائیں گے۔

    انہوں نے کہا کہ سالانہ 2 ہزار طلبا و طالبات کو مفت اینی میشن اور گیمنگ کورسز کروائے جائیں گے۔

    وفاقی وزیر کا کہنا تھا کہ سینٹر سے صرف کراچی ہی نہیں پورے ملک کی تعمیر و ترقی کی راہیں ہموار ہوں گی، 13 ہزار اسکوائر فٹ پر مشتمل سینٹر آف ایکسیلنس 6 ماہ میں فعال ہوجائے گا۔

    انہوں نے کہا کہ سینٹر میں گیمنگ و اینی میشن کا کام کرنے والی 50 کمپنیوں کو جگہ فراہم کی جائے گی، سینٹر کے ساتھ ملک کا پہلا جدید ترین ورچوئل پروڈکشن اسٹوڈیو بھی قائم کیا جارہا ہے۔

  • سستے داموں وینٹی لیٹر کی تیاری جامعہ این ای ڈی کا کارنامہ ہے: نثار کھوڑو

    سستے داموں وینٹی لیٹر کی تیاری جامعہ این ای ڈی کا کارنامہ ہے: نثار کھوڑو

    کراچی: جامعہ این ای ڈی کے پرو چانسلر اور مشیر جامعات و تعلیمی بورڈز نثار کھوڑو نے کہا ہے کہ سستے داموں وینٹی لیٹرز کی تیاری این ای ڈی کا کارنامہ ہے۔

    اے آر وائی نیوز کے مطابق آج کو وِڈ نائنٹین وبا کے دوران پاکستان بھر میں پبلک سیکٹر جامعات میں پہلا ویڈیو لنک اجلاس منعقد ہوا، یہ جامعہ این ای ڈی کا اٹھائیسواں سینیٹ اجلاس تھا جس کی صدارت نثار کھوڑو نے کی۔

    انھوں نے کہا کہ سندھ کی تمام جامعات میں طلبہ کے داخلے اوپن میرٹ پر ہونے چاہیئں، اگر داخلے اوپن میرٹ پر ہو رہے ہیں تو پھر داخلوں کے لیے کراچی اور سندھ کا لفظ اور یہ ٹرمنالوجی استعمال نہیں ہونی چاہیے، تعلیمی اداروں میں کوالٹی ایجوکیشن اور ریسرچ کے ذریعے ہی دنیا کا مقابلہ کیا جا سکتا ہے۔

    نثار کھوڑو کا کہنا تھا سی پیک کے لیے چینی زبان کو لازمی قرار دینا ہو یا کرونا جیسی ناگہانی وبا کے مقابل سستے داموں وینٹی لیٹر تیار کرنا، یہ اسی جامعے کا کارنامہ ہے، ہم چاہتے ہیں کہ سندھ کی جامعات دنیا بھر کی 100 جامعات کی رینکنگ میں شامل ہوں، تھر میں این ای ڈی کے سب کیمپس کا آغاز، بڑھتا ہوا معیار اور فارغ التحصیل انجینئرز تمام جامعات کے لیے مثال ہیں۔

    انھوں نے کہا سندھ نے یونی ورسٹیز ایکٹ منظور کیا جس کے بعد اب صوبے میں 25 سے زائد پبلک یونی ورسٹیز کام کر رہی ہیں، اس ایکٹ کے تحت یونی ورسٹیز کے ہر ضلعے میں کم از کم 2 کیمپسز ہونے چاہیئں، پچھلے 3 سالہ دور میں جامعے کا بجٹ سرپلس میں تبدیل ہونے پر شیخ الجامعہ پروفیسر ڈاکٹر سروش حشمت لودھی اور ان کی ٹیم مبارک باد کے مستحق ہے، سندھ حکومت جامعہ این ای ڈی کو سپورٹ کرتی رہے گی۔

  • این ای ڈی ملازمین کا وائس چانسلر آفس کے باہر احتجاج

    این ای ڈی ملازمین کا وائس چانسلر آفس کے باہر احتجاج

    کراچی : این ای ڈی یونیورسٹی کےسینکڑوں ملازمین کی جانب سے آج دوسرے روزبھی وائس چانسلر آفس پر احتجاجی مظاہرہ کیا گیا، ملازمین نے وائس چانسلز آفس سے یونیورسٹی روڈ تک احتجاجی ریلی نکالی.

    تفصیلات کے مطابق این ای ڈی یونیورسٹی کے ملازمین کی جانب سے آج دوسرے روز احتجاج کیاگیا،مظاہرین نے احتجاج کرتے ہوئے کہنا تھاکہ میڈیکل انشورنس کمپنی فراڈ ثابت ہوئی ہے.

    ملازمین کا وائس چانسلر آفس کے باہر کہنا تھا کہ نجی انشورنس کمپنی ملازمین کے بلوں کی ادائیگی نہیں کرسکی.

    این ای ڈی ملازمین کا کہنا تھاکہ گذشتہ چار سال سے لیو انکیشمنٹ سے محروم ہیں،گذشتہ کئی سال سے گریڈ ون سے پندرہ تک ملازمین کی ترقیاں التوا کا شکار ہیں میڈیکل اور اوور ٹائم سے محروم کردیا گیا ہے.

    واضح رہے گذشتہ روز بھی این ای ڈی کے ملازمین کی جانب سے احتجاجی مظاہرہ کیا گیا تھا،ملازمین نےاین ای ڈی یونیورسٹی کے مالی بحران کا ذمہ دار یونیورسٹی انتظامیہ کو قرار دیا تھا.