کراچی: ایم کیو ایم نے لیاقت آباد کراچی میں بھرپور عوامی قوت کا مظاہرہ کیا، خواتین سمیت بچوں کی جلسے میں شرکت سے ہر سو رنگ بکھر گئے۔
کریم آباد پل پر منعقدہ ایم کیو ایم کے جلسے سے خطاب کرتے ہوئے،ایم کیو ایم کے رہنما فیصل سبزواری کہتے ہیں پی ٹی آئی کراچی کو آزاد نہیں یرغمال بنانےآئی ہے، عوام کا درد رکھنے کے دعویداروں کو کوٹہ سسٹم میں ناانصافی کیوں نظرنہیں آتی۔
فیصل سبزواری کا کہناتھاکہ کراچی کو والے الطاف حسین کے چاہنے والے ہیں ،الطاف حسین یا ایم کیوایم نے کیا جرم کیاہے ۔ان کا کہناتھا کہ کہ اسلحے کی فیکٹریاں خیبر پختون خواہ میں ہیں اور یہ لوگ پرائیوٹ جہاز پرکراچی آتے ہیں نائن زیرو سیل کرنے والے طالبان کا دفتر کھولنا چاہتے تھے ۔
ایم کیو ایم رہنما حیدر عباس رضوی کا کہنا ہے کہ اگر الیکشن شفاف ہوئے تو پی ٹی آئی کس منہ سے کراچی میں سیاست کرے گی، ان کا کہناتھا کہ ہم الطاف حسین کے چاہنے والے ہیں الطاف حسین کے ساتھ ہما ری محبت کوئی ختم نہیں کر سکتا۔ان کا کہنا تھا کہ الیکشن کے دن حق پرستوں کی فتح ہوگی اورکراچی کے ساتھ اتنی دشمنی اچھی نہیں ۔
این اے دو سو چھیالیس کے بارے میں بات کرتے ہوئے ان کا کہنا تھا کہ تحریک انصاف کو حلقے کے مسائل کا علم ہی نہیں ہے تو وہ اسے حل کیسے کر سکتی ہے۔جماعت اسلامی کو مخاطب کرتے ہوئے حیدر عباس رضوی نے کہا کہ اگر جماعت اسلامی سیٹ ہار گئی تو کیا قیادت استعفی دے گی۔
ایم کیو ایم کے رہنما خالد مقبول صدیقی کا جلسہ سے خطاب کرتے ہوئے کہنا تھا کہ کراچی والوں نے ملک بنایا ہے اور وہی ملک بچائیں گے کراچی کو آزاد کرانے کا دعویٰ کرنے والے نہیں چانے کہ حلقے میں کون کون رہتاہے۔ بہت جلد کراچی میں ہر گھر پر ایم کیو ایم کا جھنڈا لہرائے گا۔ 23 مارچ کو مخالفین منہ کے بل گریں گے جماعت اسلامی اور پی ٹی آئی میں نمبر دو کے لیئے مقابلہ ہے۔
این اے دو سو چھیالیس سے امیدوارکنور نوید جمیل نے کہا کہ کچھ لوگ چند گاڑیاں ساتھ لیکرسمجھتےہیں حلقہ جیت لیں گے،کراچی کےلوگ زندہ لاشیں نہیں،جلسےسےاندازہ لگالیں۔
ایم کیوایم کے رہنما ڈاکٹر فاروق ستار کا کہنا ہے کہ 23 اپریل کو ایم کیوایم ایک تازہ دم جماعت کے طور پر سامنے آئے گی جب کہ ہمارے مخالفین کے پاس اب کوئی آسرہ نہیں وہ اس الیکشن سے پتلی گلی سے نکلنے کا راستہ ڈھونڈ رہے ہیں۔
انہوں نےکہا کہ جو الزامات ایم کیوایم پر لگائے گئے ہیں اس کا جواب عوام 23 اپریل کو دیں گے، اس روز حقیقت کا سورج پوری آب و تاب کے ساتھ طلوع ہوگا، کنورنوید الیکشن میں کامیاب ہوں گے اور پتنگ بلندیوں پر اڑے گی جس کی عوام کو پیشگی مبارکباد دیتا ہوں۔
