Tag: این اے 108

فیصل آباد: این اے108 میں مسلم لیگ ن کے امیدوار عابد شیرعلی نے اپنی شکست کو عوام کا فیصلہ قرار دے دیا۔

تفصیلات کے مطابق این اے 108 میں مسلم لیگ ن کے امیدوار عابد شیرعلی نے شکست تسلیم کرتے ہوئے اپنی شکست کو عوام کا فیصلہ قرار دے دیا۔

لیگی امیدوار نے مہنگائی اور بجلی کے بلزکو ہار کی وجہ قرار دیتے ہوئے کہا کہ جانتا ہوں ہارنے پر آپ کے دل پر کیا بیت رہی ہے۔

عابد شیر علی کا کہنا تھا کہ اللہ کو ہماری شکست منظور تھی ہمیں قبول کرنا چاہیے، ضمنی الیکشن کو عام انتخابات کیلئے ریہرسل سمجھیں۔

خیال رہے این اے 108 کے ضمنی الیکشن میں پاکستان تحریک انصاف کے چیئرمین عمران خان 99841 ووٹ لے کر کامیاب ہوئے جبکہ مسلم لیگ ن کے عابد شیر علی 75266 ووٹ حاصل کر کے دوسرے نمبر پر رہے۔

لاہور: ہائی کورٹ میں این اے 108 سےعمران خان کے کاغذات نامزدگی مسترد ہونے کے فیصلے کے خلاف درخواست پر سماعت آج ہوگی۔

تفصیلات کے مطابق این اے 108 سےعمران خان کے کاغذات نامزدگی مسترد ہونے کے معاملے پر ہائی کورٹ میں ریٹرننگ افسر کے فیصلے کے خلاف درخواست پر سماعت آج ہوگی۔

ہائی کورٹ کا الیکشن ٹربیونل عمران خان کی اپیل پر سماعت کرے گا ، اپیل میں کہا گیا کہ ریٹرننگ افسر نے حقائق کے برعکس کاغذات نامزدگی مسترد کیے، عدالت ریٹرنگ افسر کے فیصلے کو کالعدم قرار دے۔

یاد رہے قومی اسمبلی کے حلقے این اے108 فیصل آباد کے ریٹرننگ افسر نے اثاثوں کی تفصیل پر عدم اطمینان کا اظہار کرتے ہوئے پی ٹی آئی چیئرمین عمران خان کے کاغذات نامزدگی مستردکردیے تھے۔

فیصل آباد کے حلقے ریٹرننگ افسر عرفان کوثر کی جانب سے این اے-108 میں ضمنی انتخاب میں حصہ لینے والے 12 امیدواروں پر مشتمل فہرست جاری کی تھی، جس میں عمران خان کا نام شامل نہیں تھا۔

عمران خان کے کاغذات نامزدگی اثاثوں اور واجبات کے گوشوارے ظاہر نہ کرنے کی وجہ سے مسترد کیے گئے ہیں۔