لاہور: تحریک انصاف کی رہنما یاسمین راشد کا کہنا ہے کہ حلقہ این اے 120 کے عوام پینے کا پانی خریدتے ہیں۔
تفصیلات کے مطابق پاکستان تحریک انصاف کی رہنما یاسمین راشد نے میڈیا سے گفتگوکرتے ہوئے کہا کہ حلقےکےاسپتال میں ایک بستر پر 3،3 مریض زیر علاج ہیں۔
پی ٹی آئی کی رہنما یاسیمن راشد کا کہنا تھا کہ این اے 120 مسائل کی آماجگاہ ہے، حلقے کے تمام گھروں میں معلوم کرلیں کہ پانی آتا ہے ؟۔
تحریک انصاف کی رہنما کا کہنا تھا کہ وزیراعلیٰ پنجاب شہبازشریف 6 ماہ میں انڈر پاس اور پل بنا لیتے ہیں تو اسپتال کیوں نہیں بنا سکتے۔
یاسمین راشد کا کہنا تھا کہ ہم الیکشن کمیشن کے قوانین پرعمل کررہے ہیں، تحریک انصاف کی رہنما کا کہنا تھا کہ کیا قانون صرف ہمارے لیے ہے حکمران کے لیے نہیں؟۔
واضح رہے کہ گزشتہ روز پاکستان تحریک انصاف کے سربراہ عمران خان کا کہنا تھا کہ این اے 120 کے ضمنی انتخاب میں پاکستان کا فیصلہ ہوگا، لوگ ووٹ دے کر سب سے بڑے چور کا احتساب کرنے پرسپریم کورٹ کا شکریہ ادا کریں گے، نوازشریف کو ووٹ دینے والے پہلے بار بار سوچیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لاہور : پاکستان تحریک انصاف کے سربراہ عمران خان نے کہا ہے کہ این اے ایک سو بیس کے ضمنی انتخاب میں پاکستان کا فیصلہ ہوگا، لوگ ووٹ دے کر سب سے بڑے چور کا احتساب کرنے پرسپریم کورٹ کا شکریہ ادا کریں گے، نوازشریف کو ووٹ دینے والے پہلے بار بار سوچیں۔
ان خیالات کا اظہار انہوں نے لاہور میں قرطبہ چوک پر ایک بہت بڑے جلسہ عام سے خطاب کرتے ہوئے کیا، عمران خان نے اپنے خطاب میں سابق اناہل وزیر اعظم کو اپنی شدید تنقید کا نشانہ بناتے ہوئے کہا کہ عدالت نے نوازشریف کو ثبوتوں کیلئے ایک سال دیا لیکن انہوں نے عدالتوں میں جھوٹ بولا اور جعلی کاغذات جمع کرائے۔
جھوٹ کے بعد قطری شہزادے کو لے کرآگئے، قطری شہزادہ خود ایک بہت بڑا فراڈ تھا، جب سپریم کورٹ نے اسے باہر نکال دیا تو یہ طاقتور ڈاکو جی ٹی روڈ پر معصومیت سے کہتا پھررہا تھا کہ مجھے کیوں نکالا؟
پاکستان میں کبھی کسی کمزور کو انصاف نہیں ملا
انہوں نے کہا کہ17ستمبر کو ہونے والا الیکشن کوئی عام الیکشن نہیں ہے بلکہ این اے120کے انتخاب میں پاکستان کے مستقبل کا فیصلہ ہوگا۔ آج پاکستان کے کمزور طبقے کو پیغام دینے آیا ہوں۔
پاکستان میں کبھی کسی کمزور کو انصاف نہیں ملا، ہمیشہ طاقتور ناجائز کام کرتا اور بچ جاتا ہے لیکن سپریم کورٹ نے طاقتوروں کے خلاف فیصلہ دے کر قوم کو ایک بہترین پیغام دیا ہے۔ این اے120میں بڑےبڑےغنڈےہیں جوظلم کرتےہیں۔
ظالم لوگوں کو اسمبلیوں میں نہیں اڈیالہ جیل میں ڈالا جائے
آپ کاووٹ سپریم کورٹ کو مضبوط کرے گا، چاہتے ہیں ان ظالم لوگوں کو اسمبلیوں میں نہیں اڈیالہ جیل میں ڈالا جائے، الیکشن کے بعد نیا پاکستان بننے جارہا ہے، آپ کا ووٹ فیصلہ کرے گا، پاکستان کس طرف جائے گا، این اے120میں الیکشن جیتنے کے بعد شاندار آتشبازی کریں گے۔
عوام ووٹ یاسمین راشد کوہی ووٹ دینگے
عمران خان نے پی ٹی آئی کی امیدوار یاسمین راشد کو مخاطب کرتے ہوئے کہا کہ آپ کامقابلہ ریاست کےساتھ ہے، مریم نوازجو کچھ کرلیں، لاہورکے عوام ووٹ یاسمین راشد کوہی ووٹ دینگے، این اے120میں ڈسٹرکٹ ناظم اور پولیس مریم بی بی کی مدد کررہی ہے۔
نواز لیگ والے ووٹ مانگنے کیلئےآئیں توعوام ان سے پوچھے کہ ان کے بچےاربوں پتی کیسے بن گئے، ان کےپاس اربوں کےفلیٹ کہاں سےآگئے؟ عوام کا پیسہ چوری کرکے باہر منتقل کیا گیا اورفلیٹس خریدے، نوازشریف کو ووٹ دینے والے ملک کا مستقبل تباہ کررہے ہیں۔
اسحاق ڈار نے ملکی معیشت کو تباہ کردیا
عمران خان نے کہا کہ موٹرسائیکل پر گھومنے والااسحاق ڈار اربوں پتی کیسے بن گیا، اسحاق ڈار نے ملکی معیشت کو تباہ کردیا، اس شخص نے ملکی معیشت کے ساتھ وہ کیا جو کوئی دشمن بھی نہیں کرتا، کوئی جنگ ہوجاتی تب بھی اتنا بڑا نقصان نہ ہوتا۔
نیب ریفرنس کے بعد اسحاق ڈار کو اپنے عہدے سے استعفٰی دے دینا چاہئیے، کرپشن کی وجہ سے بیرونی سرمایہ کاری تاریخ میں سب سےکم ہوگئی اور بیرونی سرمایہ کار پاکستان آنے کو تیار نہیں ہیں، نیب کا چیئرمین خود ایک کرپٹ آدمی ہے، نیب کے چیئرمین کو اپنی چوری چھپانے کیلئےلایا گیا ہے۔
اسلام آباد: این اے 120 میں ضابطہ اخلاق کی خلاف ورزی پر پنجاب کے صوبائی وزیربلال یاسین نے الیکشن کمیشن میں جواب جمع کرا دیا۔
تفصیلات کے مطابق الیکشن کمیشن میں صوبائی وزیر بلال یاسین کے خلاف این اے 120 میں ضابطہ اخلاف کی خلاف ورزی سے متعلق کیس کی سماعت ہوئی۔
الیکشن کمیشن میں سماعت کے دوران پنجاب کے صوبائی وزیر بلال یاسین پیش نہ ہوئے ان کی جانب سے ان کے وکیل شہزاد شوکت نے ضابطہ اخلاق کی خلاف ورزی پر جواب جمع کرا دیا۔
بلال یاسین کے وکیل نے کہا کہ بلال یاسین نے حلقے کا دورہ نہیں کیا ان کا گھرانتخابی حلقے میں ہے۔
چیف الیکشن کمشنر نے کہا کہ لاکھوں لوگوں کے گھر حلقے میں موجود ہیں گھرجانے سے نہیں روکا،انتخابی مہم چلانے پرنوٹس لیا۔ الیکشن کمیشن کے ممبر نے کہا کہ ریلی کی ویڈیوزبھی بنائی گئیں،بلال یاسین موجود ہیں۔
سردار رضا خان نے کہا کہ شیڈول کے بعد ضابطہ اخلاق نافذالعمل ہوجاتا ہے۔
الیکشن کمیشن نے بلال یاسین کوضابطہ اخلاق پرعملدرآمد کو یقینی بنانے کی ہدایت کرتے ہوئے کیس کی سماعت 14 ستمبر تک ملتوی کردی۔
یاد رہے کہ گزشتہ سماعت پرالیکشن کمیشن آف پاکستان نے صوبائی وزیرخوراک بلال یاسین سے 7 ستمبر تک جواب طلب کیا تھا۔
چیف الیکشن کمشنرکا کہنا تھا کہ بلال یاسین انتخابی ضابطہ اخلاق کی خلاف ورزی کے مرتکب ہوئے تو نااہلی کے لیے شوکاز نوٹس جاری کریں گے۔
واضح رہے کہ گزشتہ دنوں الیکشن کمیشن نے این اے 120 میں انتخابی ضابطہ اخلاق کی خلاف ورزی پر وفاقی وزیر برائے کامرس وٹیکسٹائل پرویز ملک کو نوٹس جاری کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد: الیکشن کمیشن نے این اے 120 میں ضابطہ اخلاق کی خلاف ورزی پر پنجاب کے صوبائی وزیر بلال یاسین سے 7 ستمبر تک جواب طلب کرلیا۔
تفصیلات کے مطابق این اے 120 میں انتخابی ضابطہ اخلاق کی خلاف ورزی کے کیس کی سماعت چیف الیکشن کمشنر سردار رضا خان کی سربراہی میں 2 رکنی بینچ نے کی۔
صوبائی وزیرخوراک بلال یاسین کیس کی سماعت کے دوران پیش نہ ہوئے جس پر چیف الیکش کمشنر نے شدید برہمی کا اظہار کیا۔ سماعت کے دوران بلال یاسین کے وکیل بھی پیش نہیں ہوئے بلکہ جونیئروکیل پیش ہوئے۔
چیف الیکشن کمشنر نے دوران سماعت کہا کہ معاملہ سنجیدہ ہے بلال یاسین کی نااہلی کے لیے شوکاز نوٹس جاری کرسکتے ہیں جس پر ان کے وکیل نے کہا کہ بلال یاسین کو نوٹس ذاتی حیثیت میں پیش ہونے کے کا نہیں بلکہ وکیل کے ذریعے پیش ہونے کا ملا تھا۔
سردار رضا خان نے کہا کہ مسلم لیگ ن ضابطہ اخلاق کی خلاف ورزی کررہی ہے انہوں نے کہا کہ اگر حکومتی جماعت ہی ایسا کرے گی تو باقی لوگ بھی کریں گے۔
این اے 120 میں ضابطہ اخلاق کی خلاف ورزی پر پرویز ملک سے جواب طلب
یاد رہے کہ گزشتہ دنوں الیکشن کمیشن نے این اے 120 میں انتخابی ضابطہ اخلاق کی خلاف ورزی پر وفاقی وزیر برائے کامرس وٹیکسٹائل پرویز ملک کو نوٹس جاری کیا تھا۔
واضح رہے کہ الیکشن کمیشن آف پاکستان نے صوبائی وزیرخوراک بلال یاسین سے 7 ستمبر تک جواب طلب کرلیا۔ چیف الیکشن کمشنر نے کہا کہ بلال یاسین انتخابی ضابطہ اخلاق کی خلاف ورزی کے مرتکب ہوئے تو نااہلی کے لیے شوکاز نوٹس جاری کریں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: سابق وزیراعظم نوازشریف کی صاحبزادی مریم نواز کا کہنا ہے کہ این اے 120 کی عوام نے ہمیشہ مسلم لیگ ن کو محبت کا تحفہ دیا۔
تفصیلات کے مطابق ماڈل ٹاؤن لاہور میں سابق وزیراعظم نوازشریف کی بیٹی مریم نواز کی زیرصدارت این اے 120 ضمنی الیکشن سے متعلق اجلاس ہوا۔
مریم نواز کی زیرصدارت اجلاس میں وفاقی وزیر پرویز ملک، صوبائی وزیر بلال یاسین، پرویزرشید، شائستہ پرویز ملک، احمد حسان، صوبائی وزیر میاں مجتبیٰ شجاع الرحمان سمیت بلدیاتی نمائندوں نے شرکت کی۔
اجلاس میں این اے 120 کی انتخابی مہم کے حوالے سے مشاورت اور حکمت عملی پر تبادلہ خیال کیا گیا۔
مریم نواز نے اجلاس کی صدارت کرتے ہوئے کہا کہ نوازشریف پاکستان کی ترقی کے ضامن ہیں اور این اے 120کی عوام نے ہمیشہ مسلم لیگ ن کو محبت کا تحفہ دیا۔
سابق وزیراعظم نوازشریف کی صاحبزادی کا کہنا تھا کہ ہمارے خلاف بدعنوانی کا مقدمہ ثابت نہیں ہوسکا۔ انہوں نے کہا کہ عوام 17 ستمبر کو نوازشریف کی محبت کاقرض اتاریں گے۔
واضح رہے کہ این اے 120 کے ضمنی انتخابات میں مسلم لیگ ن کی کلثوم نوازاور پاکستان تحریک انصاف کے یاسمین راشد کے درمیان کانٹے کے مقابلے کا امکان ہے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
لاہور: صوبہ پنجاب کے دارالحکومت لاہور کے حلقہ این اے 120 کےامیدواروں کی حتمی فہرست تیار کرلی گئی۔ 11 امیدواروں نے کاغذات نامزدگی واپس لے لیے، 44 امیدوار میدان میں رہ گئے۔
تفصیلات کے مطابق سابق وزیر اعظم نواز شریف کی نااہلی کے باعث خالی ہونے والی قومی اسمبلی کی نشست این اے 120 کے ضمنی انتخاب کے لیے 44 امیدواروں کی حتمی فہرست جاری کر دی گئی۔
امیدواروں کو انتخابی نشانات بھی الاٹ کر دیے گئے ہیں۔ مجموعی طور پر 55 امیدواروں میں سے 11 نے کاغذات نامزدگی واپس لے لیے ہیں۔ آزاد حیثیت سے مسلم لیگ ن کی امیدوار کلثوم نواز کے کورنگ امیدوار میاں نعمان کو لیپ ٹاپ کا انتخابی نشان الاٹ کیا گیا۔
این اے 120 میں سیاسی جماعتوں کی جانب سے بیگم کلثوم نواز، ڈاکٹر یاسمین راشد، فیصل میر، ضیا الدین انصاری، ساجدہ میر، شیخ یعقوب سمیت 11 امیدواروں کو انتخابی نشان الاٹ کیے گئے ہیں۔
الیکشن کمیشن کی جانب سے 3 لاکھ 21 ہزار 786 ووٹرز پر مشتمل حلقہ این اے 120 میں 220 پولنگ اسٹیشن قائم کیے گئے ہیں۔ 17 ستمبر کو ہونے والے انتخابی معرکے کے لیے این اے 120 میں پولیس اور رینجرز کے ساتھ ساتھ فوجی دستے بھی طلب کیے گئے ہیں۔
حلقے کے 50 پولنگ اسٹیشنز پر بائیو میٹرک نظام سے ووٹنگ کروانے کی تجویز بھی زیر غور ہے۔
اسلام آباد: الیکشن کمیشن نے این اے 120 کا ضمنی انتخاب فوج کی نگرانی میں کروانے کا فیصلہ کرلیا ہے جس کے لیے وزارت دفاع کو خط لکھ دیا گیا ہے۔
ذرائع الیکشن کمیشن کا کہنا ہے این اے 120 کے ضمنی انتخاب میں فوج کے ساتھ ساتھ رینجرز اور پولیس کی خدمات بھی حاصل کی جائیں گی۔
ذرائع کے مطابق فوج کی تعیناتی کے لیے الیکشن کمیشن نے وزارت دفاع کو بھی خط لکھ دیا ہے۔
یاد رہے کہ پاناما کیس میں سابق وزیر اعظم نواز شریف کے نا اہل ہوجانے کے بعد ان کی نشست این اے 120 لاہور خالی ہوگئی تھی جس پر اب ضمنی انتخاب 17 ستمبر کو منعقد ہوں گے۔
اس نشست سے مسلم لیگ ن کی جانب سے نواز شریف کی اہلیہ کلثوم نواز بطور امیدوار کھڑی ہورہی ہیں۔
لاہور: این اے 120 میں مسلم لیگ ن کی امیدوار کلثو م نواز کی عدم موجودگی میں مریم نواز انتخابی مہم چلائیں گی۔
اےآر وائی نیوز لاہور کے نمائندے خواجہ نصیر کے مطابق انتخابی مہم مریم نواز چلائیں گی، وفاقی وزیر پرویز ملک اس مہم کے انچارج ہوں گے ان کے ساتھ لاہور سے چار ایم این اے، رانا مبشر، خواجہ سعد رفیق اور دیگر شامل ہوں گے ساتھ ہی لاہور کی تمام خواتین ارکان اسمبلی بھی اس مہم کا حصہ ہوں گی۔
قبل ازیں لندن روانگی سے حمزہ شہباز شریف نے کہا تھا کہ پورے لاہور میں بھرپور مہم چلائیں گے تاہم نامعلوم وجوہات کی بنیاد پر انہیں مہم سے الگ کردیا گیا اور وہ لاہور روانہ ہوگئے تاہم اب مریم نواز اس مہم کو پورا کریں گے۔
مسلم لیگ ن کے ذرائع کے مطابق وزیراعظم کی صاحبزاری مریم نواز آئندہ ہفتے سے انتخابی مہم کا آغاز کریں گی۔
خیال رہے کہ کچھ روز قبل اے آر وائی نیوز نے خبر بریک کی تھی کہ این اے120 کی انتخابی مہم مریم نواز چلائیں گی جس کی مریم نواز اور ن لیگ نے تردیدکی تھی تاہم آج ن لیگ کے ذرائع نے تصدیق کردی۔
لاہور: کلثوم نواز کے بعد وزیراعلیٰ پنجاب شہبازشریف کے بیٹے حمزہ شہباز نجی دورے پر لندن روانہ ہوگئے۔
تفصیلات کے مطابق وزیراعلیٰ پنجاب شہبازشریف کے صاحبزادے اور رکن اسمبلی حمزہ شہباز نجی دورے پر لندن روانہ ہوگئے۔ لندن روانگی سے قبل پارٹی عہدیداران سے گفتگو کرتے ہوئے انہوں نے کہا کہ کلثوم نواز میری والدہ ہیں۔
انہوں نے کہا کہ الیکشن سے پہلے کلثوم نواز اور میں وطن واپس آجائیں گے اور این اے 120 کا الیکشن ہم سب کا الیکشن ہے اور ہم سب مل اس ضمنی انتخاب میں حصہ لیں گے۔
واضح رہے کہ گزشتہ ہفتے رانا ثناء اللہ کا کہنا تھا کہ این اے 120 میں محترمہ کلثوم نواز کی انتخابی مہم سے حمزہ شہباز کو الگ نہیں کیا گیا ہے بلکہ کمپیئن کی ذمہ داری کےلیے پرویز ملک کا نام خود حمزہ شہباز نے ہی تجویز کیا تھا، کیوں کہ حمزہ شہباز اہم دوروں پر جاتے رہتے ہیں اور انہیں سیکیورٹی خدشات بھی ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
اسلام آباد: تحریک انصاف نے این اے 120 کی انتخابی مہم میں عمران خان کی شرکت پر پابندی کے فیصلے کو عدالت میں چیلنج کرنے کا اعلان کردیا۔
تفصیلات کے مطابق تحریک انصاف کے چیئرمین عمران خان کی زیر صدارت پی ٹی آئی اجلاس ہوا جس کا اعلامیہ جاری کردیا گیا جس کے مطابق اجلاس میں این اے 120 میں ضمنی انتخاب سے متعلق اہم فیصلہ کیا گیا۔
اعلامیے کے مطابق پارٹی سربراہ پر انتخابی مہم میں شرکت پر پابندی بلاجواز ہے، سربراہ اپوزیشن پارٹی کو عوام میں جانے سے روکنے کا فیصلہ ناقابل فہم ہے، انتخابی مہم میں عمران خان کی شرکت پر پابندی پر قانونی چارہ جوئی کی جائے گی۔
ڈینگی کا معاملہ، پنجاب حکومت کو جواب دیا جائے گا
اعلامیے کے مطابق تحریک انصاف کا ڈینگی کے معاملے میں پنجاب حکومت کو جواب دینے کا بھی فیصلہ کیا ہے۔
راجن پور میں اہلکاروں کا اغوا، آپریشن میں کے پی کے پولیس کا شامل کرنے کی پیشکش
اجلاس میں راجن پور سے پولیس اہلکاروں کے اغواکا معاملہ بھی اٹھایا گیا، اہلکاروں کی بازیابی کے لیے پختونخوا پولیس کی خدمات پیش کرنے کا اعلان کیا گیا اور کہا گیا کہ سیاسی مداخلت کے باعث پنجاب پولیس پیشہ ورانہ طور پر مفلوج ہے اس لیے کے پی کے پولیس کی خدمات حاصل کرنے کی دعوت دیتے ہیں۔
سندھ حکومت سکھر جلسے میں رکاوٹیں ڈال رہی ہے، شرکا
شرکا نے عمران خان کے دورہ سندھ پر بھی تبادلہ خیال کیا اور کہا کہ سندھ حکومت تحریک انصاف کے جلسے میں رکاوٹیں ڈال رہی ہے، پختونخوا میں پیپلز پارٹی کی سرگرمیوں میں کوئی رکاوٹ نہیں ڈالی،
سندھ حکومت کی جانب سے سکھری میں ہمارے 25 اگست کے جلسے کے خلاف اقدامات کی مذمت کرتے ہیں۔
