الیکشن 2024 میں سابق وزیرِ اعظم اور مسلم لیگ ن کے صدر شہباز شریف قومی اسمبلی کے دو حلقوں سے قسمت آزما رہے ہیں۔
NA-132 قصور II سے پاکستان مسلم لیگ ن کے صدر اور سابق وزیر اعظم میاں محمد شہباز شریف میدان ہیں ، اس سے پہلے یہ حلقہ NA-138 قصور II کے نام سے جانا جاتا تھا۔
لاہور کے حلقے این اے 123 سے پاکستان تحریک انصاف کے افضال عظیم اور جماعت اسلامی کے لیاقت بلوچ اور مذہبی اسکالر ابتسام الٰہی ظہیر ان کے سامنے میدان میں ہیں، مذہبی اسکالر ابتسام الٰہی ظہیر ڈور کے انتخابی نشان پر آزاد حیثیت سے الیکشن لڑ رہے ہیں۔
این اے 132 قصور سے نمایاں امیدواروں کی فہرست
قصور کی یہ نشست مسلم لیگ ن نے 2008 کے عام انتخابات کے بعد حاصل کی تھی، جب پارٹی کے امیدوار وسیم اختر شیخ 51000 سے زائد ووٹ لے کر کامیاب ہوئے تھے، بعد ازاں وسیم اختر شیخ نے 2013 کے عام انتخابات میں دوبارہ نشست حاصل کی۔
سال 2018 میں ملک رشید احمد خان نے اس حلقے سے عام انتخابات میں حصہ لیا اور پی ٹی آئی کے امیدوار سردار راشد طفیل کو بھاری مارجن سے شکست دے کر کامیابی حاصل کی تھی۔
View this post on Instagram
خیال رہے پاکستان میں 8 فروری کو عام انتخابات ہونے جا رہے ہیں، اس مرتبہ لگ بھگ 18000 امیدوار الیکشن لڑ رہے ہیں جن میں سے 11785 آزاد اور 6031 امیدوار مختلف سیاسی جماعتوں سے وابستہ ہیں۔