کراچی : این اے دو بیالیس سے سابق وزیراعظم شہباز شریف کے کاغذات کی منظوری کے خلاف دائر اپیل مسترد کر دی گئی۔
تفصیلات کے مطابق ملک بھرمیں کاغذات کی منظوری اورمسترد کیے جانے کے خلاف ٹربیونلز میں سماعتیں جاری ہیں۔۔
الیکشن ٹریبونل میں این اے 242 پر شہباز شریف کے کاغذات نامزدگی منظور کرنے کے خلاف اپیل پر سماعت ہوئی۔
الیکشن کمیشن نے بتایا اعتراض کنندہ کا کہناہے شہباز شریف نے حقائق چھپائے، جس پر وکیل شہباز شریف کا کہنا تھا کہ آر او کے سامنے جواعتراضات تھے وہ مستردہوئے، کوئی ٹیکس کوئی واجبات نہیں ہیں۔
وکیل نے کہا کہ شہباز شریف نےوزیر اعظم کی حیثیت سےکوئی تنخواہ نہیں لی ، شہباز شریف نےقومی اسمبلی سیکرٹریٹ کااین او سی بھی منسلک کیا، اعتراض کنندہ کا سفری اخراجات سے متعلق الزام بھی درست نہیں، کاغذات نامزدگی خودیاتجویزوتائید کنندہ کے علاوہ اتھارٹی لیٹر کیساتھ کوئی بھی جمع کراسکتا ہے۔
الیکشن ٹریبونل نے کراچی این اے دو بیالیس سے شہبازشریف کے کاغذات کی منظوری کے خلاف دائر اپیل مسترد کر دی اور الیکشن ٹریبونل نے ریٹرننگ افسر کے فیصلے کو برقرار رکھا، جس کے بعد شہبازشریف کراچی سے انتخابات لڑنے کیلئے اہل ہوگئے۔
شہباز شریف کے کاغذات منظوری کیخلاف اپیل پی پی کےمسعودخان نےدائرکررکھی ہے۔
دوسری جانب این اے دو سو چالیس سے ارشد وہرا کوبھی الیکشن لڑنے کی اجازت مل گئی جبکہ پی ایس پچاسی سے محسن نثار پنہور اور این اے دو سو اکتیس سے نثارپنہور کے کاغذات مسترد ہونے کے خلاف اپیلیں منظور ہوگئیں۔
کراچی سےتحریک انصاف کےامجدخان، حسن زیب اورعبد القیوم جبکہ حیدرآباد سے آرزوفیصل کوبھی الیکشن لڑنےکی اجازت مل گئی۔
