ARYNews.tv | Urdu – Har Lamha Bakhabar

Tag: این اے 246

  • آصف زرداری کا الطاف حسین نے ٹیلیفونک رابطہ، کامیابی پر مبارکباد

    آصف زرداری کا الطاف حسین نے ٹیلیفونک رابطہ، کامیابی پر مبارکباد

    کراچی : متحدہ قومی موومنٹ کے قائد  الطاف حسین اور پاکستان پیپلزپارٹی کے شریک چیئرپرسن آصف علی زرداری کے درمیان ٹیلی فون پر رابطہ ہوا۔

    دونوں رہنماؤںنے ایک دوسرے کی خیریت دریافت کی اور ایک دوسرے کی صحت وعافیت کیلئے نیک خواہشات کااظہار کیا۔ آصف علی زرداری نے الطاف حسین کو قومی اسمبلی کے حلقہ این اے 246 کے ضمنی الیکشن میں ایم کیوایم کی شاندار کامیابی پر دلی مبارکباد پیش کی ۔

    آصف علی زرداری نے کہاکہ ضمنی الیکشن میں ایم کیوایم کی شاندار کامیابی اس کے مخالفین کے الزامات کا بھرپورجواب ہے ۔

    الطاف حسین نے آصف علی زرداری کا شکریہ ادا کرتے ہوئے ضمنی الیکشن میں ایم کیوایم کی شاندار کامیابی پر انہیں بھی مبارکباد دیتے ہوئے کہاکہ یہ کامیابی ملک بھرکے مظلوم عوام کی کامیابی ہے ۔

    دونوں رہنماؤں کے درمیان گفتگومیں ملک کی مجموعی سیاسی صورتحال پر بھی تبادلہ خیال ہوا۔ آصف علی زرداری نے الطاف حسین کو قومی اسمبلی کے حلقہ این اے 246 کے ضمنی الیکشن میں ایم کیوایم کی شاندار کامیابی پر دلی مبارکباد پیش کی ۔

    آصف علی زرداری نے کہاکہ ضمنی الیکشن میں ایم کیوایم کی شاندار کامیابی اس کے مخالفین کے الزامات کا بھرپورجواب ہے ۔

    الطاف حسین نے آصف علی زرداری کا شکریہ ادا کرتے ہوئے ضمنی الیکشن میں ایم کیوایم کی شاندار کامیابی پر انہیں بھی مبارکباد دیتے ہوئے کہاکہ یہ کامیابی ملک بھرکے مظلوم عوام کی کامیابی ہے ۔

    دونوں رہنماؤں کے درمیان گفتگومیں ملک کی مجموعی سیاسی صورتحال پر بھی تبادلہ خیال ہوا۔

  • پی ٹی آئی کی شکست غیر منظم ہونے کے باعث ہوئی، عوامی تحریک

    پی ٹی آئی کی شکست غیر منظم ہونے کے باعث ہوئی، عوامی تحریک

    فیصل آباد : پاکستان عوامی تحریک کا کہنا ہے پاکستان تحریک انصاف کو غیرمنظم ہونے کے باعث این اے 246 کراچی میں شکست کا سامنا کرنا پڑا ۔

    ان خیالات کا اظہارپاکستان عوامی تحریک کے رہنماؤں مرکزی چیف آرگنائزر محمد حنیف اور صوبائی صدر بشارت عزیز جسپال نے ایک تقریب سے خطاب کرتے ہوئے کہی ۔

    انہوں نے کہا کہ ڈاکٹر طاہرالقادری 25 مئی سے پہلے پاکستان واپس پہنچ کر شہداء ماڈل ٹاؤن کی پہلی برسی پر انصاف لینے نکلیں گے ۔

    پارٹی انتخابات میں کامیابی پر فیصل آباد میں اپنے اعزاز میں منعقدہ استقبالیہ تقریب کے دوران اے آر وائی نیوز سے گفتگو کرتے ہوئے محمد حنیف اور بشارت عزیز جسپال کا کہنا تھا کہ ڈاکٹر طاہرالقادری پارٹی کے یوم تاسیس سے قبل وطن واپس آ جائیں گے۔

    شہداء کے خون پر انصاف کے حصول کے لئے ہر ذریعہ استعمال کیا جائے گا ۔ انہوں نے کہا کہ این اے 246 میں پی ٹی آئی غیرمنظم جماعت ہونے کے باعث ہاری ۔

    پاکستان عوامی تحریک کے رہنماؤں نے جیت کے بعد ایم کیو ایم کے کارکنوں کی طرف سے تشدد کی مذمت کرتے ہوئے کہا کہ اگر ایم کیو ایم نے اپنی روش نہ بدلی تو وہ مستقبل میں نقصان اٹھائے گی ۔

  • این اے 246: کنور نوید کی کامیابی پر ایم کیوایم کے کارکنان کا جشن

    این اے 246: کنور نوید کی کامیابی پر ایم کیوایم کے کارکنان کا جشن

    کراچی: قومی اسمبلی کے حلقے این اے دو سو چھیالیس کے ضمنی انتخاب کے ابتدائی نتائج میں برتری پر ایم کیو ایم کے کارکنان کی جانب سے جشن منایا جارہاہے۔

    کراچی کا حلقہ این اے دو سو چھیالیس ایم کیو ایم کا مضبوط گڑھ تصور کیا جاتا ہے، پی ٹی آئی کا حلقے سے خوف کے خاتمے کا دعویٰ تھا، جماعت اسلامی نے بھی اس حلقے میں جیت کے لئے بہت زور لگایا تھا۔

    نتائج کا سلسلہ ہوا شروع تو اس میں ایم کیو ایم کے امیدوار کنور نوید جمیل کو برتری ملی، جس کے بعد کارکنان جوش میں آگئے اور ایک دوسرے کو مٹھائیاں کھلانےلگے۔

    ایم کیو ایم کے کارکنوں نے پولیس اہلکاروں کو بھی اپنی خوشی شامل کرلیا اور انھیں بھی مٹھائی کھلادی ۔

    نتیجے کا اعلان جب بھی ہو، ایم کیو ایم کے کارکنوں نے تو اپنے امیدوار کی جیت کے جشن کا سلسلہ شروع کردیا ہے۔

  • این اے 246، سراج الحق کی قیادت میں جماعت اسلامی کی ریلی

    این اے 246، سراج الحق کی قیادت میں جماعت اسلامی کی ریلی

    کراچی: امیر جماعت اسلامی سراج الحق کا کہنا تھا کہ حلقہ این اے دو سوچھیالیس پر ایم کیو ایم کو شکست سے کوئی نہیں بچا سکتا، عوام کو بتایا جائےالطاف حسین اسٹیبلشمنٹ سے کس بات کی معافی مانگ رہے ہیں۔

    حلقہ این اے دوسو چھیالیس میں انتخابی سرگرمیاں عروج پر ہیں، امیرِ جماعت اسلامی سراج الحق کی قیادت میں جماعت اسلامی کی ریلی نصیرآباد سے شروع ہو کر کریم آباد پر اختتام پزیر ہوئی۔

    ریلی کے شرکاء سے خطاب کرتے ہوئے امیرِ جماعت اسلامی کا کہنا تھا کہ اس دفعہ ایم کیوایم کو حلوہ کھانے نہیں دیں گے، عوام کو بتایا جائے کہ الطاف حسین اسٹیبلشمنٹ سے کس بات کی معافی مانگ رہے ہیں۔

    ریلی سے جماعت اسلامی کے نامزد امیدوار راشد نسیم سمیت دیگر رہنماؤں نے بھی خطاب کیا ۔

  • کراچی : تحریک انصاف آج عوامی قوت کا مظاہرہ کرے گی

    کراچی : تحریک انصاف آج عوامی قوت کا مظاہرہ کرے گی

    کراچی: تحریک انصاف آج کراچی میں عوامی طاقت کا مظاہرہ کرے گی، شارع پاکستان پر جلسے کے انتظامات مکمل کرلیے گئے، جلسے سے عمران خان خطاب کریں گے۔

    کراچی میں قومی اسمبلی کے حلقہ دو سو چھیالیس پر ضمنی الیکشن میں صرف چار روز باقی ہیں،ضمنی الیکشن کے سلسلے میں تحریک انصاف عوامی قوت کا مظاہرہ کرنے کیلئے آج شارع پاکستان پر عائشہ منزل پر جلسہ کرے گی۔

     جلسے سے تحریک انصاف کے چئیرمین عمران خان سمیت مرکزی رہنما خطاب کریں گے، جلسے کے انتظامات مکمل کر لیے گئے ہیں۔

    جلسے کے انتظامات کا جائزہ لینے کیلئے این اے دو سو چھیالیس سے تحریک انصاف کے امیدوار عمران اسماعیل سمیت دیگر رہنماوں نے رات گئےجلسہ گاہ کا دورہ کیا اور دیر تک جلسہ گاہ میں موجود رہے۔

  • این اے 246، پی ٹی آئی کا سیکیورٹی پرنٹنگ کی منتقلی کا مطالبہ

    این اے 246، پی ٹی آئی کا سیکیورٹی پرنٹنگ کی منتقلی کا مطالبہ

    کراچی : تحریکِ انصاف نے سیکیورٹی پرنٹنگ کارپوریشن سے بیلٹ پیپرز چھپوانے پر تحفظات کا اظہار کردیا ہے۔

    قومی اسمبلی کے حلقہ این اے دو چھیالیس میں انتخابی سرگرمیاں عروج پر ہے، کراچی میں پریس کانفرنس میں پاکستان تحریکِ انصاف کے رہنماعلی زید کا کہنا ہے کہ پرنٹنگ پریس سے لے کر آخری مراحل تک بیلٹ باکس رینجرز کی تحویل میں رہیں گے۔

    عارف علوی کا کہنا تھا کہ سیکیورٹی پرنٹنگ کارپوریشن کو کراچی سے باہر منتقل کیا جائے، انہوں نے کہا کہ پرنٹنگ کارپوریشن آف پاکستان میں ایم کیوایم کے لوگوں بڑی تعداد میں موجود ہیں۔

    دوسری جانب پی ٹی آئی کے امیدوار عمران اسماعیل نے موسٰی کالونی اور اطراف کے علاقوں کا دورہ کیا اور ڈور ٹو ڈور ملاقاتیں کیں،  جماعت اہلسنت کراچی اور تحریک عوام اہلسنت نے ایم کیوایم کے امیدوار کنور نوید جمیل کی مکمل حمایت کا اعلان کیا ہے۔

  • این اے 246: جماعت اسلامی آج سیاسی قوت دکھانے کےلئےتیار

    این اے 246: جماعت اسلامی آج سیاسی قوت دکھانے کےلئےتیار

    کراچی: این اے246کاانتخابی معرکہ کے لئےجماعت اسلامی سیاسی قوت دکھانے کےلئےتیار ہے۔

    کراچی میں جماعت اسلامی آج سیاسی قوت کا مظاہرہ کرے اس سلسلے میں جماعت اسلامی کا شاہرائے پاکستان عائشہ منزل پر پنڈال سج گیا۔

    جماعت اسلامی نے جلسے کے انتظامات کو حتمی شکل دیدی ہے،جلسے سے جماعت اسلامی کے امیر سراج الحق کارکنوں کالہوگرمائیں گے اور حوصلہ بڑھائیں گے۔

    شاہرائے پاکستان پر جلسے سے حلقہ این اے 246 کے اُمیدوار راشد نسیم اورحافظ نعیم الرحمان بھی خطاب کرینگے۔

    جلسے کو سیکیورٹی فراہم کرنے کے لیے سینٹرل پولیس نے سیکیورٹی پلان ترتیب دی دیا ہے۔

     صبح سے ہی شاہرائے پاکستان کو عام ٹریفک کے لیے بند کردیا گیا، کسی نا خوشگوار واقعہ سے نمٹنے اور ہنگامہ آرائی پر قابو پانے کے لیے واٹر کینن بھی طلب کرلی گئی ہے۔

  • این اے 246: پولنگ اسٹیشنزمیں رینجرز تعینات کرنیکا فیصلہ

    این اے 246: پولنگ اسٹیشنزمیں رینجرز تعینات کرنیکا فیصلہ

    اسلام آباد: الیکشن کمیشن نے این اے دو سو چھیالیس کےانتخابات میں پولنگ اسٹیشنز کے اندر اور باہر رینجرزتعینات کرنےکافیصلہ کرلیا۔

    الیکشن کمیشن نے این اے دو سو چھیالیس کےانتخابات میں پولنگ اسٹیشنز کے اندر اور باہر رینجرزتعینات کرنےکافیصلہ کرلیا، رینجرز انچارج کو مجسٹریٹ درجہ اول کےاختیارات حاصل ہونگے۔

    رینجرز انچارج ہنگامہ آرائی کرنے والے کسی بھی شخص کے خلاف موقع پر ہی کارروائی کا مجاز ہوگا۔ الیکشن کمیشن کے مطابق پولنگ اسٹیشنز پر رینجرز کی تعیناتی کا فیصلہ امن و امان کی صورتحال کے باعث کیا گیا ہے۔

    الیکشن کمیشن نے کہا ہے کہ حلقہ میں ضمنی انتخاب کی شفافیت یقینی بنائے جائے گی، کسی بھی شخص یا پارٹی کو ضمنی انتخاب پر اثر انداز ہونے کی اجازت نہیں دی جائے گی۔

    پولنگ اسٹیشنز کے اندر رینجرز اہلکار متعین کرنے کا مطالبہ تحریک انصاف نے کیا تھا ۔

  • پری پول دھاندلی ہورہی ہے، عمران اسماعیل

    پری پول دھاندلی ہورہی ہے، عمران اسماعیل

    کراچی: حلقہ دو سو چھیالیس سے تحریک انصاف کے امیدوار عمران اسماعیل کہتے ہیں کہ پری پول دھاندلی ہورہی ہے، کیمپ آفس پر حملے کا مقدمہ درج کرائیں گے ۔

     کریم آباد میں اپنے انتخابی دفتر میں میڈیا سے گفتگو کرتے ہوئے پی ٹی آئی کے رہنما عمران اسماعیل کا کہنا تھا کہ کراچی کوایم کیوایم کےقبضےسےآزادکرائیں گے۔

    ان کا کہنا تھا کہ پری پول دھاندلی ہورہی ہے جبکہ کیمپ آفس پر حملے کا مقدمہ درج کرائیں گے،کراچی کوایم کیوایم کےقبضےسےآزادکرائیں گے،انہوں نے کہا کہ پی ٹی آئی جیت کرپانی،بجلی،دہشتگردی کےمسائل حل کرےگی۔

    ایم کیو ایم کے حوالے سے عمران اسماعیل نے کہا کہ پلاٹوں کےقبضےمیں الطاف حسین نےخودکہاکہ وہ ملوث ہیں ، پی ٹی آٓئی کےکسی کارکن کو خراش بھی آئی توالطاف حسین کےخلاف مقدمہ لندن میں کریں گے،لوگوں کی بدمعاشی روکنے کیلئے سکیورٹی موجودہے،ہمیں کسی ایم کیوایم کےرہنماکی مدداورسیکیورٹی کی ضرورت نہیں، ایم کیوایم پہلےقتل کرتی ہےپھرسوئم پھر چالیسواں کرتی ہےاور مظلوم بنتی ہے۔

    پی ٹی آئی رہنما نے کہا کہ انتخابی حلقےمیں بغیرکیمپ کےبھی زمین پربیٹھیں گے،ایم کیوایم کےلوگوں نےکراچی بھرسےورکرزبلاکرحملہ کروایا،ایم کیوایم نےضابطہ اخلاق کی کھلم کھلا خلاف ورزی کی،حلقے میں کشیدگی نہیں ایم کیوایم کا یکطرفہ حملہ تھا۔

    میڈیا کو مخاطب کرتے ہوئےعمران اسماعیل نے کہا کہ میڈیاایک سیاسی جماعت کہتی ہےدل بڑاکرکےایم کیوایم کانام لیں،تاجروں نےبھائی کےڈرسےدرخواست دی ہے۔

  • ایم کیو ایم کو عبرت ناک شکست دیں گے،عمران اسماعیل

    ایم کیو ایم کو عبرت ناک شکست دیں گے،عمران اسماعیل

    کراچی : تحریکِ انصاف کے این اے 246 سے امیدوار عمران اسماعیل کا کہنا ہے ایم کیو ایم کو عبرت ناک شکست دیں گے جبکہ متحدہ قومی موومنٹ کے امیدوار کنور نوید جمیل کا کہنا ہے کہ عوام اٹھائیس سال سے متحدہ پر اعتماد کررہے ہیں۔

    پی ٹی آئی کے امیدوار عمران اسماعیل نے این اے 246 میں تحریکِ انصاف کی مقامی رہنماء نازیہ ربانی کی رہائش گاہ پر کیمپ آفس کا افتتاح کردیا۔

    عمران اسمعیل کا اس موقع پر کہنا تھا کہ پاکستان تحریکِ انصاف کراچی سے خوف کی فضا ختم کرنے آئی ہے۔

    ایم کیو ایم کے امیدوار کنور نوید جمیل کا کہنا تھا کہ اٹھائیس سال سے نشست جیت رہے ہیں اب بھی جیتیں گے۔

    اس سے قبل ڈپٹی کمشنر کے دفتر میں ضابطہ اخلاق سے متعلق اہم اجلاس ہوا،جس میں ضابطہ اخلاق طے کیا گیا، اجلاس میں اس حلقے سے انتخاب لڑنے والے تمام امیدواروں نے شرکت کی۔

    این اے دو سو چھیالیس میں ضمنی الیکشن کا نتیجہ کیا ہوگا؟  یہ کسی کو نہیں معلوم لیکن سیاسی گرما گرمی نے انتخاب کی اہمیت بڑھا دی ہے۔