Tag: این اے 259

اسلام آباد: سپریم کورٹ آف پاکستان نے این اے 259 ڈیرہ بگٹی میں 29 پولنگ اسٹیشنز پر دوبارہ پولنگ روک دی۔ پولنگ شاہ زین بگٹی کی درخواست پر روکی گئی۔

تفصیلات کے مطابق سپریم کورٹ میں جسٹس گلزار احمد کی سربراہی میں دو رکنی بینچ نے شاہ زین بگٹی کی درخواست پر سماعت کی۔ جسٹس گلزار نے سماعت کے دوران کہا کہ درخواست گزار نے تو انتخابات پر بہت الزامات لگائے ہیں، کیا سپریم کورٹ کے فیصلے کے بعد ری پولنگ ہو سکتی ہے؟۔

وکیل عامررانا نے کہا کہ 29 پولنگ اسٹیشنز پر دوبارہ پولنگ کے لیے شیڈول جاری ہو چکا ہے، آئندہ ہفتے میں پولنگ ہونی ہے۔

جسٹس عظمت سعید شیخ نے کہا کہ کیا آپ چاہتے ہیں درخواست غیرموثر ہو جائے؟۔ شاہ زین بگٹی کے وکیل حامد خان نے کہا کہ عدالت شاہ زین بگٹی کی کامیابی کا نوٹیفکیشن بحال کرے۔

حامد خان نے کہا کہ بحالی نہ ہوئی تو حلقہ نمائندگی کے بغیر رہ جائےگا۔ انہوں نے کہا کہ 1221 ووٹوں کی شاہ زین بگٹی کی لیڈ ہے،مخالف کی بات مان بھی لی جاے تو بھی سو ووٹوں کی لیڈ رہ جاتی ہے۔

شاہ زین بگٹی کے وکیل نے کہا کہ مخالف کی بات مان بھی لی جاے تو بھی سو ووٹوں کی لیڈ رہ جاتی ہے۔ جسٹس گلزار احمد نے ریمارکس دیے کہ شاہ زین بگٹی کو بحال کیا تو پھر یہ کیس چل نہیں پائےگا۔

جسٹس گلزار احمد نے ریمارکس دیے کہ گرمیوں کی چھٹیوں کے فوری بعد کیس کی سماعت کرکے فیصلہ کردیں گے۔