سیالکوٹ: الیکشن کمیشن نے این اے 75 کے ضمنی الیکشن کا نتیجہ روکنے کا حکم دے دیا ہے مگر پی ٹی آئی رہنماؤں نے بڑا دعویٰ کردیا ہے۔
تفصیلات کے مطابق معاون خصوصی وزیراعلیٰ پنجاب فردوس عاشق اعوان نے دعویٰ کیا ہے کہ ڈسکہ میں پی ٹی آئی امیدوار کامیاب ہوچکا ہے، حلقے کے تمام نتائج آر اوز کو موصول ہوچکے ہیں، فوری طور پر نتائج کا اعلان کیا جائے۔
فردوس عاشق نے نون لیگ پر ڈسکہ کے نتائج پر اثر انداز ہونے کا بھی الزام عائد کرتے ہوئے کہا کہ آراو کا تعلق ناروال سے ہے، احسن اقبال نے رات بھر ریٹرننگ افسر کو یرغمال بنائے رکھا اور نتائج جاری نہ کرنے کا کہا۔
اس سے قبل معاون خصوصی وزیراعلیٰ پنجاب نے ٹوئٹر پر جاری پیغام میں کہا تھا کہ ڈسکہ کے ضمنی الیکشن کے تمام پولنگ اسٹیشنز کے نتائج کے مطابق پاکستان تحریک انصاف 7,827 ووٹوں کی برتری حاصل کرکے میدان مار چکی ہے، ن لیگ کے احسن اقبال، جاوید لطیف، کنیز جونیئر اور عطا تارڑ نے ریٹرننگ افسر کو یرغمال بنارکھا ہے اور انہیں الیکشن نتائج کا اعلان کرنے سے روکا جا رہا ہے۔
ڈسکہ NA75 ضمنی الیکشن کے تمام 360 پولنگ سٹیشنز کے نتائج کے مطابق پاکستان تحریک انصاف 7,827 ووٹس کی برتری حاصل کرکے میدان مار چکی ہے! ن لیگ کے احسن اقبال، جاوید لطیف، کنیز جونیئر اور عطا تارڑ نے RO کو یرغمال بنارکھا ہے۔ الیکشن نتائج کا اعلان کرنے سے روکا جا رہا ہے!
— Dr. Firdous Ashiq Awan (@Dr_FirdousAwan) February 20, 2021
وزیراعظم کے معاون خصوصی برائے سیاسی ابلاغ شہباز گل نے بھی ٹوئٹر پر نون لیگ پر نتائج روکنے کا الزام عائد کرتے ہوئے کہا کہ این اے75 کا نتیجہ صبح5بج کر40منٹ پر آچکا،لیکن آر او نارووال کا رہنےوالا ہے، احسن اقبال کے دباؤ کی وجہ سے نتیجہ روک کر بیٹھے ہیں، جیت جائیں تو نواز کے بیانیے کی جیت، ہار جائیں تو نہتی لڑکی۔
Na 75 کا رزلٹ صبح 5:40 منٹ کا آ چکا۔ لیکن RO نارووال کا رہنے والا ہے۔ اور احسن اقبال کے پریشر کی وجہ سے رزلٹ روک کر بیٹھے ہیں۔ جیت جائیں تو نواز کے بیانیے کی جیت۔ ہار جائیں تو نہتی لڑکی۔
— Dr. Shahbaz GiLL (@SHABAZGIL) February 20, 2021
شہباز گل نے بھی ٹوئٹ میں دعویٰ کیا تھا کہ پی ٹی آئی NA 75 کا الیکشن 7827 ووٹوں سے جیت چکی، اللہ کا شکر۔ مریم اور ان کے پاپا کے بیانیے کو شکست ہوئی۔ جب آپ ریاست مخالف بیانیہ دیں گے کرپشن کریں گے، تو ہار آپکا مقدر ہوگی۔
اللہ کا شکر۔ مریم اور ان کے پاپا کے بیانیے کو شکست ہوئی۔ پی ٹی آئی NA 75 کا الیکشن 7827 ووٹوں سے جیت چکی۔ جب آپ ریاست مخالف بیانیہ دیں گے کرپشن کریں گے۔ تو ہار آپکا مقدر ہوگی۔
— Dr. Shahbaz GiLL (@SHABAZGIL) February 20, 2021
دوسری جانب وفاقی وزیر تعلیم شفقت محمود نے بھی سماجی رابطے کی ویب سائٹ پر نون لیگ کو کڑی تنقید کا نشانہ بناتے ہوئے کہا کہ جب ن لیگ جیتے تو سب ٹھیک ہے لیکن جب ہارے تو دھاندلی ہے، پی ٹی آئی حکومت میں نوشہرہ اور وزیر آباد میں میں ن لیگ جیتی، دونوں جگہ پر ن لیگ نےدھاندلی کی کوئی بات نہیں کی، ڈسکہ میں مقابلہ سخت تھا تو ہر طرف دھاندلی کا شور ہے، جو دھوکہ دہی کرتے ہیں وہ شکست تسلیم نہیں کرتے۔
Wherever PMLN wins all is good, wherever it loses, election is rigged. Nowshera, N wins under PTI govt. Wazirabad, N wins, PTI govt. Not a squeak about rigging in both places. Daska, election is tight so shouts of rigging all over. Those used to fraud cannot take defeat
— Shafqat Mahmood (@Shafqat_Mahmood) February 20, 2021
