واشنگٹن: امریکی صدر ڈونلڈ ٹرمپ اور ان کے خاندان نے کانگریس کے ارکان کو وائٹ ہاؤس مدعو کیا اور ان کے ساتھ رقص و موسیقی پر مشتمل دعوت میں خوب ہلہ گلہ کیا۔
امریکی صدارتی انتخابات اور صدر منتخب ہونے کے ابتدائی سخت ایام کے بعد بالآخر ٹرمپ خاندان نے پکنک منانے کا وقت نکال لیا۔
ٹرمپ کے صدر منتخب ہونے کے بعد پہلی بار وائٹ ہاؤس میں پارٹی منعقد کی گئی جس میں روایت کے مطابق کانگریس ارکان نے شرکت کی۔
پارٹی میں خاتون اول میلانیا ٹرمپ اور ٹرمپ کی صاحبزادی ایوانکا ٹرمپ نے بچوں کے ساتھ گفتگو کی، تصاویر بنوائیں اور ان کے ساتھ خوبصورت لمحات گزارے۔
صدر ٹرمپ بھی خوشگوار موڈ میں نظر آئے۔
اپنی تقریر میں ٹرمپ نے ری پبلکن اور ڈیموکریٹس ارکان کو ایک دوسرے کے قریب آنے اور اختلافات ختم کرنے کی ضورت پر زور دیا۔
.@FLOTUS & I were honored to host our first WH Congressional Picnic. A wonderful evening & tradition. @MarineBand: https://t.co/NJFA68K6hT pic.twitter.com/tjc7nm54j8
— Donald J. Trump (@realDonaldTrump) June 23, 2017
پارٹی میں کانگریس ارکان نے اپنے اہل خانہ کے ساتھ بھرپور شرکت کی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
