Tag: ایوان صدر

اسلام آباد : وفاقی کابینہ کے نئے وزراء کی تقریب حلف برداری آج ایوان صدر میں ہوگی، صدر مملکت آصف زرداری 10 سے زائد نئے وزراسے حلف لیں گے۔

تفصیلات کے مطابق وفاقی کابینہ میں توسیع کے پہلے مرحلے میں ایوان صدر میں حلف برداری کی تیاریاں مکمل کرلی گئیں۔

وزراکی تقریب حلف برداری آج شام5بجےایوان صدر میں ہوگی ، صدر مملکت آصف زرداری 10 سے زائد نئے وزراسے حلف لیں گے

وزیراعظم اسپیکر، چیئرمین سینیٹ ،ارکان پارلیمنٹ ودیگر افراد شریک ہوں گے ، نئے متوقع وزرامیں حکومت میں شامل اتحادیوں کی نمائندگی بھی شامل ہیں۔

مسلم لیگ ن کے سینیٹرز کو بھی کابینہ میں شامل کرنے کا عندیہ دیا گیا ہے، پارلیمانی لیڈر عرفان صدیقی نے پارٹی سینیٹرزکےنام بھی وزیر اعظم کو بھجوا دیئے ہیں۔

وزیراعظم شہباز شریف نے اپنےدورہ حکومت کے ایک سال بعد کابینہ میں توسیع کا فیصلہ کیا ہے، پندرہ سے بیس وفاقی وزراء، وزرائے مملکت اور مشیر کابینہ کا حصہ ہوں گے۔

نئے وزرا اور وزرائے مملکت میں حنیف عباسی، ڈاکٹر طارق فضل، ایم کیو ایم کے مصطفی کمال شامل ہوں گے جبکہ بیرسٹر عقیل اور حزیفہ رحمان کو بھی کابینہ میں شامل کیا جائے گا۔

اس کے علاوہ سینیٹر طلال چوہدری، افضل کھوکھر، عبد الرحمن کانجو، سرادر یوسف، نوشین افتخار، رومینہ خورشید عالم، رضاحیات ہراج وفاقی کابینہ میں شامل ہوں گے جبکہ چوہدری ریاض (جج) کو کابینہ میں شامل کیے جانے کا امکان ہے۔

ڈاکٹر توقیر حسین شاہ وزیراعظم کے ایڈوائزر ہوں گے جبکہ علی زاہد چوہدری جنید انوار رانا مبشر اقبال اور بلال اظہر کیانی وفاقی کابینہ میں شامل ہوں گے۔

ذرائع کے مطابق حنیف عباسی کو وزارت ریلوے، ڈاکٹر طارق فضل چوہدری کو وزارت قومی صحت کا قلمدان دینے کا امکان ہے۔

خالد مگسی کو وزارت مواصلات اور مصطفیٰ کمال کو سائنس و ٹیکنالوجی کی وزارت دیے جانے کا امکان ہے تاہم وزیراعظم شہباز شریف کی ازبکستان سے واپسی پر نئے وزراء کی حتمی فہرست سامنے آ جائے گی۔

ایوان صدر کے ذرائع نے انکشاف کیا ہے کہ صدرِ مملکت عارف علوی کی جانب سے انتخابات کی تاریخ دینے سے متعلق قیاس آرائیاں غلط ہیں۔

ذرائع کا کہنا تھا کہ صدر عارف علوی کی طرف سے مشاورت کا عمل جاری ہے، صدرِ مملکت کی جانب سے انتخابات کی تاریخ دینے کے حوالے سے جو قیاس آرائیاں کی جارہی ہیں وہ غلط ہیں۔

ایوان صدر کے ذرائع نے مزید بتایا کہ صدر اور وزیرِ قانون کے درمیان ہونے والی ملاقات مشاورت کے سلسلے کی کڑی تھی۔

واضح رہے کہ اس سے قبل خبر آئی تھی کہ صدر مملکت ڈاکٹر عارف علوی سے نگران وزیرقانون و انصاف احمد عرفان اسلم کی ملاقات ہوئی تھی، جس میں انتخابات کی تاریخ پرغور کیا گیا تھا۔

ذرائع نے بتایا تھا کہ ملاقات میں صدر مملکت نے الیکشن کی تاریخ دینے سے متعلق صدارتی اختیار کا ذکر کیا تو وزیر قانون نے انتخابات کی تاریخ سے متعلق وزارت قانون کا موقف دہرایا تھا۔

ذرائع کا کہنا تھا کہ وزیرقانون کی رائے تھی کہ انتخابات کی تاریخ دینا الیکشن کمیشن کا اختیار ہے۔

اسلام آباد: وفاقی وزیر اطلاعات مریم اورنگزیب نے کہا ہے کہ 9 مئی کو آپ نے جو کیا وہ کسی دہشت گرد نے نہیں کیا۔

وفاقی وزیر اطلاعات مریم اورنگزیب نے اسلام آباد میں پریس کانفرنس میں کہا کہ 9 مئی قومی سانحہ ہے جس پر ہر آنکھ اشک بار ہے، آج ہر شخص افسردہ اور اسکی شدید مذمت کر رہاہے، 9 مئی کی منصوبہ بندی زمان پارک میں عمران خان کے حکم پر ہوئی۔

انہوں نے کہا کہ عمران خان وضاحتیں پیش کر رہے ہیں، اس شخص کی پوری سیاست انتشار، فتنہ فساد پر مبنی ہے، صدرپاکستان اور عمران خان کی آڈیو ہے جس میں کہا کہ مبارک ہو پی ٹی وی پر حملہ کردیا۔

مریم اورنگزیب نے کہا کہ ممنوعہ فنڈنگ ایجنٹ، فتنہ سمجھتا ہے یہ سب کچھ کرنا پر امن سیاست ہے، 9 مئی کو آپ نے جو کیا وہ کسی دہشت گرد نے نہیں کیا، ایک دہشت گرد نے جی ایچ کیو پر حملہ کیا اور دوسرے نے کرایا، پاکستان کی محبت الوطن جماعتوں کو کل شاہراہ دستور پر سب نے دیکھا۔

انہوں نے کہا کہ کل کیا ایوان صدر کا ایک شیشہ ٹوٹتے دیکھا، کیاکل سپریم کورٹ، پارلیمنٹ میں ایک پتہ بھی ہلتے ہوئے دیکھا، تم نے بڑے آسانی سےکہہ دیا یہ حملہ ہم نے نہیں کسی اور نے کیا، کیا عوام کو بھیڑ بکریاں سمجھا ہوا ہے ایسے نہیں چلے گا۔

مریم اونگزیب نے مزید کہا کہ آپ نےکہا میرے پاس ثبوت ہیں آزاد تحقیقات ہونگی تو دونگا،  آپ کے پاس ثبوت تھے تو نہ پیش ہونےکی درخواست کیوں دی، آپ کو پتا ہے کہ آپ نے فائرنگ نہیں کرائی تو آج عدالت پیش ہوجاتے۔