پاکستانی ریپ گلوکارہ ایوا بی کے ساتھ رکشے میں سفر کے دوران ایک انوکھا واقعہ پیش آیا، جسے انہو ں نے اپنے چاہنے والوں کے ساتھ شیئر کیا۔
پاکستانی ریپ گلوکارہ ایوا بی نے اپنے انسٹاگرام پر ایک ویڈیو شیئر کی جس میں دیکھا جاسکتا ہے کہ وہ ایک رکشے میں سوار ہیں اور رکشہ ڈرائیور ان کا گایا ہوا گانا ”کنا یاری“ سن رہا ہے۔
View this post on Instagram
رکشے میں بیٹھی گلوکارہ ایوا بی برقعے میں ملبوس ہیں اور اپنے گانے سے لطف اندوز ہورہی ہیں، ساتھ ہی ویڈیو بھی بنا رہی ہیں، مگر رکشہ والے کو کیا معلوم کہ وہ جو گانا سن رہا ہے، اسے گانے والی پیچھے بیٹھی ہوئی ہے۔
’سکس پیک رکھنے سے کوئی اچھا اسٹار نہیں بن سکتا‘
اپنی شیئر کی گئی ویڈیو کے کیپشن میں ایوا بی نے لکھا کہ ’اب میں رکشے والے کو کیسے بتاؤں کہ یہ ہمارا گانا ہے۔‘ انسٹاگرام پر ایوا کی یہ ریل کافی وائرل ہوچکی ہے اور اسے 2 ملین سے زائد بار دیکھا جا چکا ہے۔
