لاہور: پنجاب پولیس میں ایڈز، ہیپاٹائٹس اور ٹی بی سے متاثرہ اہلکاروں کی موجودگی کا انکشاف ہوا ہے۔
تفصیلات کے مطابق محکمہ صحت پنجاب نے پولیس اسکریننگ کیمپ رپورٹ جاری کر دی ہے جس میں ہولناک انکشافات کیے گئے ہیں، پولیس اسکریننگ کیمپ رپورٹ اے آر وائی نیوز نےحاصل کرلی۔
اسکریننگ رپورٹ میں کہا گیا ہے کہ صوبہ پنجاب کے 7.3 فیصد اہلکار ہیپاٹائٹس سی میں مبتلا ہیں جبکہ ایک اعشاریہ ایک فیصد اہلکار ہیپاٹائٹس بی اور صفر اعشاریہ چار فیصد اہلکارٹی بی کا شکار ہیں۔
اسکریننگ رپورٹ میں مزید کہا گیا ہے کہ صفراعشاریہ ایک فیصد پولیس اہلکارایڈز میں مبتلا پائےگئے ہیں، رپورٹ کے مطابق اسکریننگ ٹیسٹ کیلئے 66 ہزار 121 اہلکاروں کے خون کے نمونے لیے گئے تھے۔
مزید پڑھیں: پنجاب حکومت کا زخمی پولیس اہلکاروں کے ساتھ سنگین مذاق
مذکورہ خون کے نمونے سپرنٹنڈنٹس، انسپکٹرز، ٹریفک وارڈنز، آفس اسٹاف کے تھے، رپورٹ میں 42 فیصد پولیس اہلکاروں کا وزن بہت زیادہ پایا گیا۔
مزید پڑھیں: پنجاب پولیس کا کارنامہ، فائرنگ سے زخمی ہونے والے بچوں کو ہی ڈاکو بنا دیا
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔