Tag: ایڈمرل محمد امجد خان نیازی

اسلام آباد : سبکدوش نیول چیف  ایڈمرل محمد امجد خان نیازی کا کہنا ہے کہ پاک بحریہ کا شمار دنیا کی بہترین بحری افواج میں ہوتا ہے، مستقبل کےچیلنجزکو سامنے رکھتے ہوئے استعداد کار میں اضافہ ناگزیر ہے۔

تفصیلات کے مطابق پی این ایس ظفر اسلام آباد میں پاک بحریہ میں تبدیلی کمان کی پُروقار تقریب ہوئی، سبکدوش نیول چیف ایڈمرل محمد امجد خان نیازی نے تقریب سے الوداعی خطاب کرتے ہوئے کہا کہ گزشتہ سیلاب سے پاکستان کی معیشت کو بہت نقصان پہنچا، کورونا وبا کے دوران پوری دنیاکی معیشت کوبحران کا سامنارہا۔

ایڈمرل محمد امجد خان نیازی کا کہنا تھا کہ پاک بحریہ پیشہ ورانہ اور بھرپور صلاحیتوں کی حامل ہے، پاک بحریہ کا شمار دنیا کی بہترین بحری افواج میں ہوتا ہے۔

سبکدوش نیول چیف نے کہا کہ مستقبل میں مصنوعی ذہانت کاانسانی زندگی میں بہت عمل دخل ہوگا، مستقبل کے چیلنجز کو سامنے رکھتے ہوئے استعداد کارمیں اضافہ ناگزیر ہے، پاکستان مشترکہ کوششوں اور تعاون پر یقین رکھتا ہے۔

ان کا کہنا تھا کہ پاک بحریہ نے مختلف ممالک میں سیلاب کےدوران خدمات انجام دیں اور پاکستان میں بھی سیلاب کی صورتحال میں پاک بحریہ کاکردارکلیدی رہا۔

ایڈمرل محمد امجد خان نیازی نے نئے چیف ایڈمرل نوید اشرف کیلئے نیک خواہشات کا اظہار کرتے ہوئے امید ظاہر کی کہ نئے سربراہ پاک بحریہ کی صلاحیتوں میں اضافےکیلئے کوشاں رہیں گے۔

اسلام آباد: سربراہ پاک بحریہ ایڈمرل محمد امجد خان نیازی کا کہنا ہے کہ سمندروں کیلئے بڑھتےہوئے خطرات سے نمٹنے کیلئے نئے اور جدید حل تلاش کرنے کی ضرورت ہے۔

تفصیلات کے مطابق عالمی یومِ بحر کے موقع پر سربراہ پاک بحریہ ایڈمرل محمد امجد خان نیازی نے خصوصی پیغام میں کہا ہے کہ رواں سال عالمی یوم بحر کا موضوع ہے ’’کرہ بحر:لہریں بدل رہی ہیں”، اس دن کامقصدسمندروں کوبہتر حالت میں برقراررکھنا، ماحول کاتوازن برقراررکھنےکیلئےاقدامات کرناہے۔

نیول چیف کا کہنا ہے کہ سمندروں کیلئےبڑھتےہوئےخطرات سے نمٹنے کیلئےنئےاورجدیدحل تلاش کرنےکی ضرورت ہے، پاک بحریہ سمندری وسائل کے محفوظ اور دیرپا استعمال کے فروغ میں اپنا کرداربخوبی نبھارہی ہے۔

ایڈمرل محمد امجد خان نیازی نے کہا کہ ہم سمندروں کو پہنچنے والے نقصان سے بچاؤ، اس کاازالہ کرنے کیلئے اپنےعزم کا اعادہ کرتے ہیں۔

خیال رہے آج سمندروں کا عالمی دن منایا جا رہا ہے، یہ دن منانے کا مقصد سمندروں کی اہمیت،آبی حیات کا تحفظ اور سمندری آلودگی کے بارے میں شعور اجاگرکرنا ہے۔

ماہرین کا کہنا ہے کہ دنیا بھر میں دن بہ دن سمندری الودگی میں اضافہ ہورہا ہے جو نہ صرف ابی حیات بلکہ ماحول کیلئے انتہائی خطرناک ہے۔

اوشین ڈے کے موقع پر ملک بھر میں آگاہی کیلئے سمینارز کا اہتمام کیا جا رہا ہے۔