Tag: ایڈوائزری جاری

پورا ملک اس وقت شدید گرمی کی لپیٹ میں ہے قومی ادارہ صحت نے ہیٹ اور سن اسٹروک سے متعلق ایڈوائزری جاری کر دی ہے۔

پاکستان بھر میں اس وقت شدید گرمی کی لہر جاری ہے کئی شہروں میں درجہ حرارت 45 ڈگری سینٹی گریڈ سے بھی تجاوز کر چکا ہے۔ قیامت خیز گرمی کے باعث شہری مشکلات کا شکار ہیں۔

شدید گرمی کے حوالے سے قومی ادارہ صحت نے ہیٹ اور سن اسٹروک سے متعلق ایڈوائزی جاری کر دی ہے اور اس کا اجرا وفاق اور صوبوں کو کر دیا گیا ہے۔

ایڈوائزی میں وفاقی اور صوبائی حکومتوں سے کہا گیا ہے کہ پاکستان عالمی سطح پر موسمیاتی تبدیلیوں کا شکار ہے، اور ملک میں ہیٹ ویو سے نقصانات میں بتدریج اضافہ ہو رہا ہے۔

قومی ادارہ صحت کا کہنا ہے کہ ملک کے مختلف علاقوں میں درجہ حرارت میں نمایاں اضافہ ریکارڈ ہوا ہے۔ اس صورتحال میں لوگوں کا ہیٹ اسٹروک سے تحفظ کے لیے دھوپ اور ڈی ہائیڈریشن سے بچاؤ ضروری ہے۔

مراسلہ میں مزید کہا گیا ہے کہ گرمی کی حالیہ لہر کے پیش نظر ہیٹ اسٹروک کے خدشات بڑھ گئے ہیں اور حکومتوں کی جانب سے پیشگی حفاظتی انتظامات ناگزیر ہو چکے ہیں۔

این ایچ اے کی ایڈوائزری میں کہا گیا ہے کہ بر وقت اقدامات نہ کرنے پر ہیٹ اسٹروک جان لیوا ہو سکتا ہے۔ انہوں نے شہریوں کو بھی ہدایت کی ہے کہ وہ ہیٹ اسٹروک سے بچنے کے لیے دھوپ میں جانے سے گریز کریں۔

https://urdu.arynews.tv/pdma-warns-glacier-flood-risk-due-to-rising-temperature/

لاہور : محکمہ صحت نے ہیٹ ویو کی شدید لہر کے پیش نظر ایڈوائزری جاری کردی، جس میں تمام اسپتالوں میں ہیٹ ویو کاؤنٹرز قائم کرنے کی ہدایت کی گئی ہے۔

تفصیلات کے مطابق پی ڈی ایم اے پنجاب کی ہدایت پرمحکمہ صحت نے ہیٹ ویوایڈوائزری جاری کردی، جس میں کہا ہے کہ 21 سے 27 مئی تک پنجاب میں ہیٹ ویوکے شدید خطرات کی پیشگوئی ہے. بہاولپور،رحیم یارخان،ڈیرہ غازی خان اورملتان میں ہیٹ ویوکی لہر شدید ہوسکتی ہے۔

پی ڈی ایم اے کا کہنا تھا کہ تمام اسپتالوں میں ہیٹ ویو کاؤنٹرز قائم کرنے کی ہدایت کردی گئی ہے ، ہیٹ ویو سے بچاؤ سے متعلق تمام ادویات کی فراہمی کو یقینی بنایا جائے۔

شہریوں کو ہیٹ ویو کے خطرات سے آگاہ کیا جا رہا ہے، تمام محکمے ملکر اور باہمی تعاون سے ہیٹ ویو کا مقابلہ کر سکتے ہیں۔

گرمی کی لہر سندھ اور پنجاب کے میدانی علاقوں کو متاثر کرے گی۔ اس دوران درجہِ حرارت 49 سے 51 ڈگری سینٹی گریڈ تک بڑھ سکتا ہے۔

نجی موسمیاتی ادارے کا کہنا ہے کہ جون کے پہلے ہفتے میں گرمی کی لہر میں کمی آنے کا امکان ہے۔

اسلام آباد : جے یو آئی ف کے سربراہ مولانا فضل الرحمان کے بیٹے مولانا اسعد محمود پر حملے کے خطرے کے پیش نظر اپنی نقل و حرکت کو خفیہ رکھنے کا نوٹس جاری کردیا گیا‌۔

تفصیلات کے مطابق جے یو آئی ف کے سربراہ مولانا فضل الرحمان کے بیٹے اور سابق وفاقی وزیر مواصلات مولانا اسعد محمود کو ایڈوائزری نوٹس جاری کردیا گیا۔

جس میں کہا گیا ہے کہ دہشتگردوں کی طرف سے آپ کو دوران سفر یا رہائش گاہ پر ٹارگٹ کیا جاسکتاہے، مولانا اسعد محمود غیر ضروری سفر اور اجتماعات سے گریز کریں اور اپنی حرکات وسکنات کو خفیہ رکھیں۔

اس حوالے سے ترجمان جےیوآئی اسلم غوری کا کہنا ہے کہ لگتاہےانتظامیہ کاکام صرف نوٹس جاری کرنارہ گیا ہے، صرف نوٹس جاری کرنے سے انتظامیہ کی ذمہ داری پوری نہیں ہوجاتی۔

اسلم غوری نے کہا کہ ہماری قیادت یا کسی کارکن کو نقصان پہنچا تو ذمہ دار انتظامیہ، الیکشن کمیشن اور عدلیہ ہوگی۔

یاد رہے 31 دسمبر کو جمعیت علمائے اسلام (ف) کے سربراہ مولانا فضل الرحمان کے قافلے پر ڈی آئی خان میں فائرنگ کی خبریں آئی تھیں۔ تاہم آر پی او ناصر محمود ستی نے کہا تھا کہ فضل الرحمان کے قافلے پر حملہ نہیں ہوا۔ یارک انٹر چینج پر پولیس چیک پوسٹ پر حملہ کیا گیا۔

آر پی او ناصر محمود کا کہنا تھا کہ پولیس نے حملہ آوروں کا بھرپور جواب دیا جو فرار ہوگئے ، مولانا فضل الرحمان خود موقع پر موجود نہیں تھے۔

کراچی : آنکھوں کے انفیکشن ( پنک آئی ) کے تیزی سے پھیلاؤ کے پیش نظر ایڈوائزری جاری کردی گئی، جس میں وائرس کے پھیلنے اور بچاؤ سے متعلق بتایا گیا ہے۔

تفصیلات کے مطابق محکمہ صحت سندھ نے آنکھوں کے انفیکشن ( پنک آئی ) کے حوالے سے ایڈوائزری جاری کردی۔

جس میں کہا ہے کہ یہ انفیکشن بیکٹیریا یا وائرس سے پھیلتا ہے، علامات میں آنکھ کا سرخ ( پنک آئی) ہو جانا اور سوجن شامل ہیں، اس کے علاوہ آنکھ سے پانی بہنا، رطوبت نکلنا سمیت آنکھ میں سوجن بھی شامل ہیں۔

ایڈوائزری میں بتایا گیا کہ یہ متاثرہ فرد کے چھینکنے ، ہاتھ ملانے ، چھونے سے دوسرے کو لگتا ہے، متاثرہ فرد کے تولیے یا ٹشو پیپر کے استعمال سے بھی پھیلتا ہے۔

محکمہ صحت سندھ کا کہنا ہے کہ متاثرہ افراد 20 سیکنڈز تک صابن سے ہاتھ لازمی دھوئیں ، آنکھوں کو مسلنے یا خارش کرنے سے گریز کریں۔

آنکھ سے نکلنے والے پانی اور رطوبت کو صاف کپڑے سے صاف کریں ، سوئمنگ پولز میں نہانے سے گریز کریں اور کانٹیکٹ لینسز پہننے سے گریز کریں۔

آنکھوں کو تیز روشنی سے بچائیے ، کالہ چشمہ پہنیں جبکہ متاثرہ شخص کے زیر استعمال اشیاء کو کوئی اور استعمال نہ کرے۔