Tag: ایڈہاک جج

اسلام آباد : جسٹس سردار طارق مسعود اور جسٹس مظہر عالم میاں خیل نے بطور ایڈہاک جج حلف اٹھالیا۔

تفصیلات کے مطابق سپریم کورٹ میں ایڈہاک ججز کی تقریب حلف برداری ہوئی۔

تقریب حلف برداری میں جسٹس منصورعلی شاہ سمیت دیگرججز ، اٹارنی جنرل منصور عثمان اعوان، لا افسران اور وکلا و عدالتی اسٹاف بھی شریک ہوئے۔

جسٹس سردار طارق مسعود اور جسٹس مظہرعالم میاں خیل نے بطور ایڈہاک جج حلف لیا ، چیف جسٹس قاضی فائزعیسیٰ نے ایڈہاک ججز سے حلف لیا۔

طارق مسعود اور مظہرعالم میاں خیل کوایک سال کیلئے ایڈہاک ججز کے طور پر تعینات کیا گیا ہے، جسٹس(ر)طارق مسعود، جسٹس (ر) مظہرعالم میاں خیل سپریم کورٹ کے ججز رہ چکے ہیں۔

وزارت قانون وانصاف نے ایڈہاک ججز کی تعیناتی کانوٹیفکیشن گزشتہ روزجاری کیا تھا۔

اسلام آباد : جسٹس (ر) مظہرعالم میاں خیل نے بھی ایڈہاک جج بننے سے معذرت کرلی، اس سے قبل دو ججز معذرت کرچکے ہیں۔

تفصیلات کے مطابق جسٹس(ر) مظہر عالم میاں خیل نےبھی ایڈہاک جج بننےسےمعذرت کرلی ، ذرائع نے بتایا کہ جسٹس(ر)مظہرعالم میاں خیل نےجوڈیشل کمیشن کوآگاہ کردیا۔

چیف جسٹس پاکستان قاضی فائز عیسیٰ نے ایڈہاک ججوں کیلئے چار نام تجویز کیے تھے، جسٹس ریٹائرڈ مقبول باقر اورجسٹس ریٹائرڈ مشیرعالم ایڈہاک جج بننے سے معذرت کرچکے ہیں۔

اب جسٹس(ر) مظہر کی معذرت کے بعد جسٹس ریٹائرڈ طارق مسعود کا نام رہ گیا ہے۔

گذشتہ روز جسٹس (ر) مقبول باقر نے معذرت کرتے ہوئے کہا تھا کہ ایڈہاک جج کی تعیناتی غیر آئینی نہیں ہے لیکن ذاتی مصروفیات کی وجہ سے معذرت کرتا ہوں، چیف جسٹس قاضی فائزعیسیٰ نیک نیتی سے یہ کام کر رہے ہیں، چیف جسٹس کا یہ اقدام 100 فیصد آئینی اور قانونی ہے، ہزاروں مقدمات زیرالتوا ہیں، التوا کو ختم کرنے کیلئے ایڈہاک ججز کی تقرری کی جارہی ہے۔

خیال رہے ایڈہاک ججز کے ناموں پر مشاورت کیلئے جوڈیشل کمیشن کا اجلاس آج ہوگا ، جس میں ناموں پر مشاورت کی جائے گی۔