Tag: ایڈہاک ججز

  • سپریم کورٹ وضاحت کرے ایڈہاک ججز سیاسی مقدمات کی سماعت نہیں کریں گے، فواد چوہدری

    سپریم کورٹ وضاحت کرے ایڈہاک ججز سیاسی مقدمات کی سماعت نہیں کریں گے، فواد چوہدری

    سابق وفاقی وزیر فواد چوہدری نے کہا ہے کہ سپریم کورٹ وضاحت کرے ایڈہاک ججز سیاسی مقدمات کی سماعت نہیں کریں گے۔

    سابق وفاقی وزیر فواد چوہدری نے اسلام آباد ہائیکورٹ میں میڈیا سے گفتگو کرتے ہوئے کہا کہ غیر یقینی صورتحال ختم کرنے کیلئے جسٹس منصور شاہ کی تقرری کا نوٹیفکیشن فوری جاری ہونا چاہیے۔

    فواد چوہدری کا کہنا تھا کہ ایڈہاک ججز کو صرف زیرالتوا مقدمات کی سماعت کرنی چاہیے، سپریم کورٹ وضاحت کرے ایڈہاک ججز سیاسی مقدمات کی سماعت نہیں کریں گے۔

    فواد چوہدری کا کہنا تھا کہ ہمین یقین دہانی کرائی جائے زیرالتوا کیسز کی تعداد کم  کرنے کیلئے ایڈہاک ججز کام کرینگے، سیاسی مقدمات کی سماعت کرنیوالے بینچز کا حصہ بنیں گے تو نقصان ہوگا۔

    انہوں نے مزید کہا کہ پی ٹی آئی بانی پی ٹی آئی کا آرمی چیف کو پیغام نہایت خوش آئند ہے، بیان سے پی ٹی آئی کا نام استعمال کر کے بیرون ملک سے پروپیگنڈا کرنے والے یتیم ہوگئے۔

    فواد چوہدری نے کہا کہ حکومت کی  کسی بھی مذاکراتی آفر پر پی ٹی آئی کو مثبت طریقے سے نمٹنا چاہیے، ملک میں سیاسی ماحول بہتر ہونا چاہیے، حکومت کو تو ہر صورت گھر جانا ہے، 3 سے 4 ماہ میں حکومت رخصت ہوجائے گی، 40 سے 45 روز میں صورتحال واضح ہوجائے گی۔

  • صدر مملکت نے سپریم کورٹ میں ایڈہاک ججز کی تعیناتی کی منظوری دے دی

    صدر مملکت نے سپریم کورٹ میں ایڈہاک ججز کی تعیناتی کی منظوری دے دی

    اسلام آباد : صدر مملکت آصف زرداری کی جانب سے سپریم کورٹ میں ایڈہاک ججز کی تعیناتی کی منظوری دے دی گئی۔

    تفصیلات کے مطابق صدر مملکت آصف زرداری نے سپریم کورٹ میں ایڈہاک ججز کی تعیناتی کی منظوری دے دی.

    صدر نے ججز کی تعیناتی کی منظوری آئین کے آرٹیکل182 کے تحت دی۔

    جسٹس سردارطارق مسعوداورجسٹس مظہرعالم میاں خیل کو ایک سال کیلئے تعینات کیا گیا ہے، دونوں سپریم کورٹ کے سابقہ ججزہیں۔

    یاد رہے جوڈیشل کمیشن کے اجلاس میں جسٹس سردار طارق مسعود اور جسٹس مظہر میاں خیال کو ایک سال کے لیے ایڈہاک جج لگانے کی منظوری دے دی گئی تھی۔

    ذرائع کا بتانا تھا کہ جسٹس طارق مسعود کے نام کی منظوری 1، 8 کے تناسب سے دی گئی۔

  • ایڈہاک ججز کے ناموں پر مشاورت کیلئے جوڈیشل کمیشن کا اجلاس آج ہوگا

    ایڈہاک ججز کے ناموں پر مشاورت کیلئے جوڈیشل کمیشن کا اجلاس آج ہوگا

    اسلام آباد : چیف جسٹس قاضی فائز عیسیٰ کی سربراہی میں جوڈیشل کمیشن کا اجلاس آج ہوگا، جس میں ایڈہاک ججوں کے مجوزہ ناموں پر غور کیا جائے گا۔

    تفصیلات کے مطابق ایڈہاک ججز کے ناموں پر مشاورت کیلئے جوڈیشل کمیشن کا اجلاس آج ہوگا ،جسٹس ریٹائرڈ طارق مسعود اور جسٹس ریٹائرڈ مظہرعالم میاں خیل کے ناموں پرغور کیا جائےگا۔

    چیف جسٹس پاکستان قاضی فائز عیسیٰ نے ایڈہاک ججوں کیلئے چار نام تجویز کیے تھے، جسٹس ریٹائرڈ مقبول باقر اورجسٹس ریٹائرڈ مشیرعالم ایڈہاک جج بننے سے معذرت کرچکے ہیں ، اس کے علاوہ جسٹس ریٹائرڈ طارق مسعود اور جسٹس ریٹائرڈ مظہرعالم میاں خیل کے نام شامل ہیں۔

    پاکستان بار کونسل نے بھی ایڈہاک ججوں کی حمایت کردی اور کہا سپریم کورٹ میں ایڈہاک ججوں کی تعیناتی سے زیر التوامقدمات کا بوجھ کم ہوگا۔

    پاکستان بار کونسل نے ملک میں آئینی عدالت کے قیام کا مطالبہ کرتے ہوئے کہا ہے کہ آئینی ترمیم کرکےملک میں نئی عدالت قائم کی جائے۔

    وفاقی وزیرقانون اعظم نذیر تارڑ کا بھی کہنا تھا کہ ایڈہاک ججوں کی تعیناتی کی آئین اجازت دیتا ہے، ایڈہاک جج چیف جسٹس نے نہیں جوڈیشل کمیشن نے مقرر کرنے ہیں۔

    پی ٹی آئی نے سپریم کورٹ میں ایڈہاک ججوں کی تعیناتی کی مخالفت کی ہے ، چیئرمین پی ٹی آئی بیرسٹر گوہر کا کہنا ہے کہ ایڈہاک ججوں کو لگانا مناسب نہیں سمجھتے، اپنا مؤقف سپریم جوڈیشل کونسل بھیج رہے ہیں۔