Tag: ایڈیلیڈ

پرتھ: جنوبی افریقہ نے دوسرے ون ڈے میں میزبان آسٹریلیا کو سنسنی خیز مقابلے کے بعد تین وکٹوں سے شکست دے دی، پانچ میچوں کی سیریز ایک ایک سے برابر ہوگئی۔

پرتھ میں کھیلے گئےون ڈے سیریز کے دوسرے میچ میں میزبان ٹیم آسٹریلیا بیالیسویں اوور میں ایک سو چون رنز بناکر آؤٹ ہوگئی،مچل مارش سرسٹھ رنز بناتے ہوئے ٹاپ اسکورر رہے۔ پروٹیاز کیلئے مورنی مورکل نے تباہ کن بولنگ کرتے ہوئے پانچ،ڈیل اسٹین نے تین وکٹیں حاصل کیں۔

جواب میں جنوبی افریقی ٹیم کو مشکلات درپیش رہیں لیکن مطلوبہ ہدف سات وکٹوں کے نقصان پرپورا کرلیا گیا۔ڈی ویلیئرز نے اڑتالیس رنز کی اننگز کھیلی۔ سیریز کا تیسرا میچ انیس نومبر کوکنبیرا میں کھیلا جائیگا۔

ایڈیلیڈ: جنوبی افریقہ نے تین ٹی ٹوئنٹی میچز کی سیریز کے پہلے میچ میں آسٹریلیا کو سات وکٹوں سے شکست دے دی۔

ایڈیلیڈ میں کھیلے گئے ٹی ٹوئنٹی سیریز کے پہلے میچ میں آسٹریلیا نے ٹاس جیت بیٹنگ کا فیصلہ کیا، میچ کے آغاز سے ہی میزبان ٹیم مشکلات کا دوچاررہی۔ شین واٹسن سینتالیس اور جیمز فالکنر اکتالیس رنز کے ساتھ کچھ مزاحمت کرسکے، آسٹریلیا نے مقررہ اوورز میں چھ وکٹوں پر ایک سو چوالیس رنز بنائے۔ کائل ایبٹ نے تین کھلاڑیوں کو آؤٹ کیا۔

ہدف کے تعاقب میں جنوبی افریقہ کو اننگز کے پہلے ہی اوور میں اوپنر کی وکٹ سے ہاتھ دھونا پڑا ۔ ڈی کوک اور ریلی روسو نے ایک سو انتیس رنز کی شراکت قائم کرکے جیت کی بنیاد رکھی۔ مہمان ٹیم نے مطلوبہ تین وکٹوں پر انیس اوورز میں حاصل کیا، تین میچز کی سیریز کا دوسرا میچ جمعہ کو کھیلا جائے گا۔