خواتین کا قد عموماً مردوں سے کم ہوتا ہے لیکن روسی نژاد’ایکا ٹیرینا لیزینا‘ کے سامنے اچھے اچھے قد والے مرد بھی خود کو بونا تصور کرنے لگتے ہیں، ان کا قد انہیں دنیا بھرمیں ممتاز کرتا ہے۔
روس کے علاقے کراسنا ڈور سے تعلق رکھنے والی ایکا ٹیرینا کا قد پورے چھ فٹ اور نو انچ ہے اور ان کا یہ دراز قد انہیں دنیا کی سب سے لمبی ماڈل گرل کا اعزازدلا چکا ہے۔
ایکا ٹیرینا 15 اکتوبر 1987 کو روس میں پیدا ہوئیں، انہوں نے جوانی میں باسکٹ بال میں اپنا کیرئر بنایا اور دس سال تک وہ روس کی خواتین باسکٹ بال ٹیم کا حصہ رہی تھیں۔ روسی ٹیم کا حصہ رہتے ہوئے انہوں نے یورپین چیمپئن شپ، ورلڈ چیمپئن شپ اور سنہ 2008 میں ہونے والے بیجنگ اولمپکس میں بھی حصہ لیا۔
سنہ 2014 میں انہوں نے باسکٹ بال کو خیر آباد کہا اور ماڈلنگ کی دنیا میں قدم رکھا۔ گنیز بک آف ورلڈ ریکارڈ کے مطابق دو عالمی ریکارڈز ان کے نام ہیں۔ ایک تو وہ دنیا کی سب طویل قامت پیشہ ور ماڈل گرل ہیں۔ دوسرا ، دنیا کی سب سے لمبی ٹانگوں والی خاتون کا اعزاز بھی انہی کے پاس ہے۔ بات بس یہی ختم نہیں ہوتی بلکہ روس میں انہیں سب سے بڑے پاؤں والی روسی عورت کا اعزاز بھی حاصل ہے۔
View this post on Instagram
Sometimes you have to fight with difficulties so at the end come to a clean water…..
ٹیرینا نے جب ہندوستان کا دورہ کیا تو اپنا آبائی مذہب ترک کرکے ہندو مت قبول کرلیا اور لکشمی دیوی کے پیروکاروں میں شامل ہوگئیں تھیں۔
ایکا ٹیرینا فی الحال دنیا کی سب سے لمبی ماڈل گرل ہیں لیکن وہ دنیا کی سب لمبی عورت نہیں ہیں ۔ یہ اعزاز چین سے تعلق رکھنے والی یاؤ ڈیفین کے پاس ہے جن کا قد سات فٹ اور سات انچ ہے۔